طريق القاهرة - شرم الشيخ

[kamantas]

السلام عليكم و كل عام وانتم بخير

كنت ناوي اسافر شرم بالعربية و الاسرة معايا كمان يومين بس سمعت عن حوادث خطف و ان الطريق مش امان خالص
حد ممكن يفيدني في الموضوع ده ؟ و هل الطريق امان و لا مش امان فعلا ؟

[mohabelnegm]

توكل على الله و ماتقلقش, الخطف كان لأشخاص بعينهم و مفيش قلق بالنسبة للموضوع ده للناس العادية. اللى هايتعبك الأنتظار عند النفق للتفتيش, ممكن تقعد ساعة أو ساعتين و خصوصا اليومين دول و الناس كتير بتيجى من القاهرة لشرم . و طبعا كل كمين هايكون فيه تفتيشات بس دخلة النفق هيا اللى ممكن تستنى فيها كتير .
حاجة تانية الشبورة, ساعات بعد النفق بتكون فيه شبورة جامدة جدا بيستحيل معاها المشى(حصل معايا من أسبوعين و ربنا سهل و لقيت دخلة يمين أنتظرت فيها ساعة و نص لغاية الشمس ما طلعت و كملت الطريق). و طبعا المشى بدرى من القاهرة بيكون مهم جدا أنك توصل النفق قبل الزحام بس عيبه أن فيه نسبة مخاطرة أنك تلاقى شبورة جامدة.

[kamantas]

توكل على الله و ماتقلقش, الخطف كان لأشخاص بعينهم و مفيش قلق بالنسبة للموضوع ده للناس العادية. اللى هايتعبك الأنتظار عند النفق للتفتيش, ممكن تقعد ساعة أو ساعتين و خصوصا اليومين دول و الناس كتير بتيجى من القاهرة لشرم . و طبعا كل كمين هايكون فيه تفتيشات بس دخلة النفق هيا اللى ممكن تستنى فيها كتير .
حاجة تانية الشبورة, ساعات بعد النفق بتكون فيه شبورة جامدة جدا بيستحيل معاها المشى(حصل معايا من أسبوعين و ربنا سهل و لقيت دخلة يمين أنتظرت فيها ساعة و نص لغاية الشمس ما طلعت و كملت الطريق). و طبعا المشى بدرى من القاهرة بيكون مهم جدا أنك توصل النفق قبل الزحام بس عيبه أن فيه نسبة مخاطرة أنك تلاقى شبورة جامدة.

شكرا جزيلا يا باشا و ربنا يستر ان شاء الله
هي شرم عاملة ايه اليومين دول ؟ زحمة و لا فاضية ؟
سبتمبر اللي فات كانت بتنش تقريبا

[J A G U A R]

رايي بلاش اليومين دول علشان 25 يناير والبلد مشدوده

[kamantas]

رايي بلاش اليومين دول علشان 25 يناير والبلد مشدوده

معاك حق فعلا محدش عارف الموضوع ممكن يتطور ازاي
عموما لغاية يوم الاتنين ادينا متابعين و و لو حد تاني عنده معلومات عن الطريق ياريت يفيدنا