رأس سدر

[egyptian_lady]

ياريت لو حد يقدر يقول لي طريق رأس سدر من مدينة نصر بالتفصيل ازاي.. انا مش باسوق لوحدي كتير وكمان دي حاتكون اول مرة اسوق في سفر .. ياترى الطريق امان ولا لا وكمان الطريق مدته قد ايه واخلي بالي من ايه .. ميرسي لاي حد حايساعدني وادعولي

[egyptian_lady]

مفيش رد

ياريت يا جماعة حد يساعدني

[abb]

حضرتك هتاخد الدائرى وتنزل نزله السويس وتاخد طريق السويس لغايه كمين السويس(تخلى بالك الطريق كله عربيات نقل تقيل)وبعد الكمين مباشره تاخد اول يوترن وبعدين ف اول دخله يمين ده اسمه طريق الرائد بيوصلك ع مدخل النفق مباشره وبعد النفق اول يمين وبعد تقريبا 30كيلوا راس سدر وتوصل بسلامه الطريق امان ومتامن كويس وتوصل بسلامه ان شاء الله

[محمود السيد]

حضرتك هتاخدى الدائرى وتنزلى نزله السويس وتاخد طريق السويس لغايه كمين السويس وتفضلى ماشية لحد قبل السويس بحوالى عشرين كيلو تقريبن بعد البوابات الخاصة بمدينة السويس هتلفى شمال (يوتيرن ) مع اول يمين اتجاه النفق (نفق الشهيد احمد حمدى ) تعدى النفق وبعدين اول تقاطع تسيبه والتقاطع التانى تاخد يمين اتجاه مدينة راس سدر المحببة الى تفضل ماشى مع الطريق لا تاخدى يمين ولا شمال خليكى مع الطريق باذن الله توصلى راس سدر وخلى بالك اثناء السفر خلى تانك العربية فول ولو تعرفى تجيب جركن احطياطى يبقى كويس ويفضل انك تسافرى بالنهار عشان الطريق من عند اتجاه النفق من السويس ضلمة لحد شرم مفيش غير نور السيارات القادمة وكمان المنحنيات وسواقين الصوبر جيت ولا قدر الله حصل اى عطل تقدر تعرفى تعلجيه فى نور ربنا واتمنا من الله ان يكون شرحى افادكى ومتنسيش دعاء السفر

[egyptian_lady]

شكرا

شكرا أوي لحضرتك على الشرح والنصائح
وربنا يستر ان شاء الله