الطريق إلي دهب

[sherif_ellethy]

السلام عليكم ورحمة الله وبركاته
ان شاء الله ناوي اسافر دهب 3 أيام تغيير جو مع الأسرة خلال الفترة القادمة وناوي أسافر بالعربية وكنت محتاج نصيحة من حضراتكم هل الأفضل طريق شرم الشيخ أم طريق نخل؟ الأفضل من حيث نظافة الطريق ومن حيث أمان السواقة ومن حيث أمان الطريق نفسه بالنسبة لموضوع التثبيت والسرقة؟
وجزاكم الله خيرا

[mohamed_selim]

طريق شرم اطول بس افضل كخدمات او كطريق ... نخل الطريق ضيق و ملفاته كتير
كمان طريق شرم متامن و كماين و كده بس نخل بتعدى من وسط سينا و متضمنش الدنيا عامله ازاى

[ashouhdy]

نصيحتي لك طريق شرم و كمان اهم حاجة تظبط الجوجل maps بجد مفيدة جدااااااا

[sherif_ellethy]

متشكر لحضراتكم جدا .. طيب ممكن وصف تفصيلي نوعا ما للطريق لأني أول مرة أطلع علي الطريق ده .. أسف لازعاجكم

[mohamed_selim]

بعد ما تعدى النفق هتخش يمين و تمسك الطريق طوالى ... فى يفط فمتقلقش و كل ما تتزنق خليك طوالى
بعد راس سدر فى شوية ملفات بس واسعه و قبل شرم فى ملفات
بعد ماتخش من بوابة شرم تخش شمال عند بنزينة التعاون و تمشى شويه هتلاقى طريق دهب شمال تمسكه ... فى اخر ربع هتلاقى يافطه المدخل الجنوبى لدهب ملكش دعوه جبيه خليك طوالى لحد ما الطريق يخلص و تخش دهب من المدخل الطبيعى