الطريق الى الساحل الشمالي

[AboELsoud]

السلام عليكم و رحمه الله و بركاته

اخوكم طالع الساحل الشمالي و الصراحه معرفش ايه حاجه في الطريق

بس انا عرفت انه هتمشي طريق مصر اسكندريه الصحراوي لحد اما تلاقي على الشمال طريق الساحل و وادي النطرون تاخد يوترن و تدخله

المفترض ان شاء الله هطلع من مدينه نصر للساحل قريه عند الكيلو 61

السؤال بقى

ايه انسب طالعه لمصر اسكندريه الصحراوي من مدينه نصر ؟ و طريقها ازاي ؟

دخله الساحل من مصر اسكندريه بعد كام كيلو ؟ و هل فيه علامات مميزه ؟

بعد ما امسك الدخله دي هوصل ازاي للكيلو 61 طريق الساحل الشمالي ؟

يعني بأختصار ازاي اوصل من مدينه نصر للساحل الشمالي ؟

و شكرا مقدما لتعبكم معايا

[minicooper20]

بص يا سيدى
انتا هطلع كوبرى اكتوبر من اخر طريق النصر و تمشى لحد متوصل لنزله يمين هى نزله ١٥ مايو هتلقيها بعد محطه رمسيس بنزلتين
تمشى فى ١٥ مايو لحد محور ٢٦ يليو و تكمل لحد متلقى نزله الصحراوى على يمينك
تنزل الصحراوى و تكمل بعد البوبات ١٣٠ كيلو هتلاقى رست فى النص لو هتريح حبه
هتلاقى يفطه العلمين من اول يوترن و تاخد يمين تكلمل ١٢٠ كيلو فى طري العلمين هتلاقى نفسك عند مارينا ٧
و كل سنه و انتا طيب و حمد الله على السلامه

[AboELsoud]

يا باشا انا متشكر جداا جداا

بس لسه عارف دلوقتي انه الكيلو 61 ده اقرب للطريق التاني بتاع الساحل

و اللي اعرفه عن الطريق التاني ده انك قبل اسكندريه بحاجات بسيطه قوي

عند برج العرب تدخل شمال

حد يعرف الطريق ده ؟؟

[minicooper20]

يا باشا انا متشكر جداا جداا

بس لسه عارف دلوقتي انه الكيلو 61 ده اقرب للطريق التاني بتاع الساحل

و اللي اعرفه عن الطريق التاني ده انك قبل اسكندريه بحاجات بسيطه قوي

عند برج العرب تدخل شمال

حد يعرف الطريق ده ؟؟

لا مش اقرب ولا حاجه و الطريق ده كولو نقل و ترلات هو انتا رايح فين فى الساحل يا باشا

[AboELsoud]

الكيلو 61 قريه طيبه روز اللي جنب قريه الريفييرا

[Mostafa.Mahran]

بلاش طريق العلمين علشان مش امان انزل لحد الكيلو 21 و امسك الساحل من اوله

[AboELsoud]

ما هوه ده اللي ان شاء الله ناوي عليه

بس لو حد يعرف تفاصيله يعني لما ابقى ماشي في مصر اسكندريه هلاقي تكملته على اليمين و مدخل الكيلو 21 ده على الشمال مظبوط ؟

و بعد ما ادخل في ميدان (تقريبا اسمه محور التعمير )هاكمل فيه على طول

و في الاخر هانزل شمال كده هامسك طريق الاسكندريه مرسى مطروح اللي فيه الساحل

مظبوط كده ؟؟؟ ولا لأ ؟؟

[M!SHO]

طريق العلمين كله تثبيت

اخر مره مشيت عليه كان واحد سايق وواحد ايده على الطبنجه

بس ليه الرعب ده بلاش منه احسن

[Omar Mahmoud]

بلاش طريق العلمين احتياطي

[AboELsoud]

متشكرين يا رجاله على النصائح الغاليه

بأذن الله مش هاخد الطريق ده

و ان شاء الله يطلع الطريق التاني سالك

[ahmedfathi]

اولا : اتمنى السلامه لصاحب الموضوع واجازه سعيده

ثانيا :انتو قلقتونى يا جماعه .انا مسافر مرسى مطروح ان شاء الله وطبعا مفيش قدامى غير طريق العلميين

السنه اللى فاتت عملت حاجه مجنونه جدا سافرت مطروح بعد فض اعتصام رابعه بيومين وخدت طريق العلميين

بس الحمد لله كان الامن مسيطر ع الطريق ده سيطره تااااااااااااااامه .كان على طريق العلميين لوحده 3 كماين

واحد كمين شرطه فى اول الطريق خالص من ناحيه طريق اسكندريه وكمين جيش فى نص الطريق بالضبط وكمين شرطه تانى قبل الطريق ما يخلص ب10 كيلو

وكانت الدنيا امان جدا مش عارف بقى الدنيا اتغيرت السنه دى ولا ايه ؟

[AboELsoud]

الحمد لله سافرت و رجعت كمان

طريق الذهاب اخدنا طريق محور التعمير او الكيلو 21 ( الاتنين اسم لطريق واحد )

مشكلته انه اطول و بتمشي اكتر في مصر اسكندريه الصحراوي و الطريق فيه تحويلات كتير بسبب تظبيطات فيه

طريق العوده اخدنا طريق العلمين

اقل في المسافه كتير بس معجبنيش الاسفلت بتاعه تحسه بقاله 10 سنين مترصفش ده غير انه كان عليه حادثتين مش حلوين خالص

متشكر جداا جداا لكل اللي شرح الطريق و اللي ساهم بنصيحه