دمياط _ العين السخنة

[heshamm]

انا ان شاء الله رايح العين السخنة من دمياط
وكنت عامل حسابي ان هوصل الاسماعيلية وبعد كده اخش على طريق السويس واسأل هناك اروح للسخنة منين
في عربية تانية هتكون معانا بيقولي ان روح القاهرة ونآخذ طريق السخنة من هناك
ايه الللي اقرب يا جماعة

[ahmedfathi]

انا مش عارف مجيئك للقاهره هيبقى اقرب ولا ايه . بس اللى يخليك تيجى القاهره .اطلع من دمياط على اسماعيليه ثم السويس ثم السخنه

المسافه اصلا بين السويس والسخنه 30 كيلو بالضبط يعنى تلت او نص ساعه بالكتير اوى

[hugan]

اسماعيليه سويس السخنه اقرب

[mohamed_selim]

هو من ناحية السويس اقرب بس الطريق اسوأ و هتعدى جوه اسماعيليه عشان توصل لطريق السويس و هتعدى جوه السويس عشان توصل لاول طريق السخنه .... اللى شايفه ان من ناحية الوقت الاتنين هيكونو زى بعض

السؤال انت رايح فين فى السخنه لانك لو رايح قريه بين السويس و ميناء السخنه خد طريق السويس اما لو رايح بعد المينا (ناتجاه بورتو) يبقى رأيى تاخد طريق القاهره

ممكن متوصلش للقاهره ممكن توصل للكارته و من هناك تلف و تاخد طريق فايد هينزلك فى نص طريق اسماعيليه السويس (كده هتهرب من دخول اسماعيليه) و لو كملت شويه و بعد العاشر تاخد الدائرى الجديد و تنزل على طريق القطاميه السخنه