حد جرب الدائرى الاقليمى

[hamisa08]

انا قاعد فى الشروق وعايز اسافر انشاء الله الفيوم ناس اقترحت عليا الطريق الدائرى الاقليمى

انا اول مره اعرف انة اشتغل حد جربة قبل كدة او يعرف مداخل بتاعتة

[mahmoud_ali]

متابع

[drxman]

ممتاز جدا انا من الفيوم ورحت السويس ورجعت منه وبروح حلوان كتير منه
هتمشي على طريق السويس لحد بعد بدر على طول يبقى فاضلك عالسويس ٧٥ كيلو هتاخد الدايري الاقليمي هتلاقيه قاطع الطريق كوبري بعد بدر
هتطلع المطلع قبل الكوبري الاتجاة هيبقى يمين الطزيق لو انت رايح عالسويس
١١٠ كيلو هيكون اخره نزلة الفيوم هتنزل عند الكارتة يبقى فاضلك ٤٠ كيلو على الفيوم
خلي بالك نقطة اخيرة مهمة
كارتة الطريق ٥ جنية
الطريق ممتاز مفيهوش مطب بس قبل كل نزلة في كارتة بيشوفو الوصل القديم
رجعت منه بالليل الساعة ١ وكان امان الحمد لله
معليهوش لمبة بس العواكس والطريق ممتازين
مفيش خدمات فول عربيتك واتوكل
وتوصل بالسلامة

[drxman]

خلي بالك نقطة كمان
لما تنزل طريق الفيوم هتنزل ف اتجاة القاهرة امسك شمال وخد اول يوتيرن هتلاقيه بعد كيلو تقريبا
هترجع ٢ كيلو وتخش البوابة
وتوصل بالسلامة

[Ahmedelwakil07]

متابع ولياً سؤال
الجزء اللي من عند العاشر لبلبيس شغال ؟؟

[drxman]

معرفس مجربتش قبل كدة مقدرش افيدك
انا جربت نزلات
حلوان الصف الكريمات السخنة السويس
غير كدة مجربتش

[windofchange]

في اكمنة ؟

[drxman]

لا خالص ولا ردارات
في زي كارتة قبل كل منزل بيشوفو الوصل اللي معتك متقفش غير لو شاورورلك بتوريهم الوصل من ورا الازاز وتخلع

[Adnfalcon]

طريق تحفه فعلا
مشيت عليه من بعد بوابه حلوان لأخره عشان اروح 6 أكتوبر . . انجااااز

[ahmedfathi]

نفسى امشى عليه بس للاسف لسه مجاليش المشوار اللى يخلينى امشى عليه

[ahmedfathi]

بالمناسبه بقى ايه هو الطريق الدائرى الاوسطى ده؟

[hamisa08]

متشكر جدا يا جماعة ولو حد عارف بقيت الطريق اللى ماسك من بنها وبلبيس نرجو الافادة