مسافر طنطا ومحتاج اعرف الطريق من القاهره

[ahmedfathi]

ان شاء الله مسافر طنطا زياره لواحد قريبى واول مره اسافر بالعربيه ..انا اعرف اوصل للطريق الزراعى لحد بنها بعد كده أمشى ازاى ؟؟؟

انا عاوز أوصل لجامع السيد البدوى وهو هيقابلنى هناك .

بالمره بقى عاوز اعرف المحلات اللى بتبيع حمص وحلاوه موجوده فين ؟؟؟؟
هل فيه محل معين اشترى منه ولا كلهم زى بعض

وهل فيه أماكن سياحيه الواحد ممكن يسيح فيها هناك .او يتفسح فيها اصل انا معتبرها زى فسحه كده . معلش دى اول زياره ليا لطنطا من يجى اكتر من 15 سنه

ومتشكر جدا لردودكم مقدما

[hefzyhefzy]

الموضوع سهل جدا كمل بعد بنها و هتعدى على قويسنا و بعدين بركة السبع على نفس الطريق بعد كده تركز مع اليفط وتخش طنطا من أول مدخل و تفضل ماشى لحد ما تعدى نفق تحت السكة الحديد و تعمل يوترن و تخش أول يمين للأخر هتلاقى مدخل السيد البدوى يمينك و محطة القطر على الشمال توصل بالسلامة

[ahmedfathi]

هيا طنطا ليها كام مدخل؟؟؟

[elgenio]

هتفضل ماشي مع الطريق الزراعي من اول ما تطلع من القاهرة وتفضل ماشي لحد بنها وتفضل مكمل لا تخش يمين ولا تخش شمال تنيك طوالي مع الطريق الزراعي تقابلك مطبات تقابلك حواديه تنيك ماشي لحد يجي 90 كيلو كده اصلا وانت ماشي هتلاقي ارج كبير كده يقولك اهلا بك في محافظة الغربية هتفضل ماشي لحد ما تلاقي ترس كبير ما بين الطرقين على المفارق يعني كده تبقى انت وصلت لكوبرى فاروق اللى هو مدخل طنطا احود وادخل من كوبري فاروق وهناك تسئل على سيد البدوي هتبقى وصلت :)

[ahmedfathi]

الحمد لله سافرت ورجعت امبارح والطريق كان سهل واليفط اللى ع الطريق كان موضحه كل حاجه وشكرا لكل اللى شارك فى الموضوع

بس ليا سؤال .انا كنت فاكر انى لما اكمل على طول بعد طنطا هادخل على كفر الزيات ودمنهور وبعد كده اسكندريه

اتارى اسكندريه ليها طريق تانى اسمه الطريق الحر

السؤال بقى ايه الطريق الحر ده ؟؟؟؟؟؟؟؟؟؟؟ هل ده تكملة للطريق الزراعى والسرعه عليه 120 بما انه اسمه

الطريق الحر ؟؟؟؟؟؟ل ولا ايه ؟ وهل هو طريق صحراوى ولا زراعى اصل لمحت عليه كارته بعد كام كيلو كده

واوا مره اشوف كارته على طريق زراعى. وشكرا جدا ليكو

[dr.simsim]

ﻻ الحر غير الزراعى
فعلا الزراعى مكمل من طنطا كفر الزيات دمنهور اسكندريه
الحر متفرع من الزراعى كفر الزيات اسكندريه من بره مباشر

[ahmedfathi]

ﻻ الحر غير الزراعى
فعلا الزراعى مكمل من طنطا كفر الزيات دمنهور اسكندريه
الحر متفرع من الزراعى كفر الزيات اسكندريه من بره مباشر

تمام .انا شوفته على جوجل ماب بس مش مكتوب عليه الطريق الحر لا مكتوب ليه طريق بركة السبع -كفر الزيات
والطريقين بيرجعوا يلحموا فى بعض تانى فعلا عند كفر الزيات

بس هو كده الطريق الحر ده معمول بس عشان اللى مسافر اسكندريه مايعديش على طنطا بس ؟؟؟؟؟؟

[alaaamro]

الطريق الحر ده ااولا بيختصر المسافه من بركة السبع لكفر الزيات وكمان عشان النقل الثقيل مش بيدخل طنطا