إعـــــــلان

Collapse

.

,
See more
See less

عايز اروح شرم الشيخ من الاسماعيليه

Collapse
X
 
  • Filter
  • الوقت
  • Show
Clear All
new posts

  • عايز اروح شرم الشيخ من الاسماعيليه

    السلام عليكم ورحمة الله وبركاته

    لو سمحتوا عايز اعرف الطريق من الاسماعيليه لشرم الشيخ

    بس بالتفصيل ياريت الله يخليكم

    وهل الطريق امان لو طلعت الساعه 5 صباحاً

    لاني مسافر بعربيتي

    وجزاكم الله كل خير

  • #2
    بص يا باشا انا لسة راجع من شرم من حوالى 4 ايام ،
    انا معرفش اوصفلك الطريق ، بس الطريق من بعد النفق كلو ملفات صعبة والطريق حارتين رايح جاى ، فامشى على اقل من مهلك فى الملفات دى علشان فعلا صعبة جدا و ممكن تزاولك و تفتكر انك ممكن تخدها بسرعة ،

    بس نصيحة منى ولو تعرف تأجل السفرية لوقت تانى يبقى احسن ، علشان الجو هناك حر و الرطوبة عالية صبح و بالليل
    [COLOR="RoyalBlue"][SIZE="5"][U]سبحان الله و بحمدة سبحان الله العظيم
    لا اله الا الله محمد رسول الله[/U][/SIZE][/COLOR]

    Comment


    • #3
      اهلا وسهلا بحضرتك
      للاسف انا حجزت في قريه دلتا شرم
      بس المشكلة لاني رايح بعربيتي فمحتاج اعرف الطريق ازاي وجزاكم الله كل خير

      Comment


      • #4
        المشاركة الأصلية كتبت بواسطة maya_zoom مشاهدة المشاركة
        اهلا وسهلا بحضرتك
        للاسف انا حجزت في قريه دلتا شرم
        بس المشكلة لاني رايح بعربيتي فمحتاج اعرف الطريق ازاي وجزاكم الله كل خير
        انا كنت فى دلتا برضو :)
        حجزت اوضة ولا اوضتين و بكام ، ولا فندق
        [COLOR="RoyalBlue"][SIZE="5"][U]سبحان الله و بحمدة سبحان الله العظيم
        لا اله الا الله محمد رسول الله[/U][/SIZE][/COLOR]

        Comment


        • #5
          بص ياباشا انا ممكن اقولك الطريق من من القاهره بس من عندك اسماعيليه الله اعلم

          يعني لو هتيجي القاهره طبعا هتاخد طريق الاسماعيليه القاهره

          ومن القاهره هتاخد طريق السويس طبعا هتاخد طريق السويس ازاي

          هتيجي من طريق الاسماعيليه عند الشروق وتلف وترجع وتدخل يمين الشروق لاخر الطريق تبقى طلعت على طريق السويس بس هيبقى اتجاه مصر تلف وترجع اتجاه السويس

          تمشي في طريق السويس لحد ما توصل كمين الكارته تقوم باصص شمال هتلاقي طريق على الناحيه التانيه

          هتلف وترجع وتدخل الطريق ده كده انت في بدايه طريق شرم هتمشي 15 دقيقه تقريبا هتلاقي كمين نفق الشهيد احمد حمدي كمين محترم جدا هو عباره عن موقف اساسا مش كمين وتفتيش لكل حاجه وحتى الاتوبيسات بتتفتش

          تخلص الكمين تكمل طوااااااااااااالي لشرم الشيخ :)

          بس خلي بالك في حته بيبقى فيها مفترق طرق انت هتاخد الطريق اليمين

          شرم 500 كيلو تقريبا من طريق السويس

          هتلاقي رستات نضيفه قبل نفق الشهيد وفي رست في النفق نفسه

          وبعديها هتلاقي كزا رست برضو على الطريق

          من ناحيه امان ولا مش امان ف اساسا هتلاقي شركات سياحه مسافره كتيييييييير واتوبيسات بالهبل كلها مسافره نص الليل

          --------------------------------------------------------------

          فندق دلتا شرم فندق كويس متقسم الى شاليات فندقيه وشاليهات مملكه لناس والناس دي بتاجرها عادي ومحلات التاجير دي ف دلتا شرم نفسها

          انصحك تروح عند فارس بتاع السمك موجود في السوق القديم اسال عليه وروحله وبرضو موجود هناك مشويات المصريين في السوق القديم ملوووووش حل واسعارهم مش غاليه اوي بس اكلهم ممتاز

          ومتنساش تحجز رحله بحريه ل تيران اول ما توصل هناك هتنبسط فيها جدا وممكن تغطس كمان لو عايز

          واطلع على نعمه باي عند المشايه هتلاقي العيال الخرتجيه واقفين قولهم انا عايز اركب بنانا بوت ودي برضو هتعجبك اوي


          --------------------------------------------

          خلي بالك من عربيتك في الرادياتير والميا وازيت والكلام ده لان الحر هناك بيبتدي الساعه 8 الصبح كانه 2 الضهر عندنا

          وفي حتت هتلاقي العربيه مش عايزه تجيب 120 على بعض مش مشكله لانه الحتت دي الجاذبيه تقريبا فيها عاليه


          وبالتوفيييييييييييق ان شاء الله

          Comment


          • #6
            بصراحه جزاكم الله كل خير
            انا حاجز في دلتا شرم قوضه بصاله بالمنافع اليوم ب 250 جنيه بدون اكل
            وربنا يصلح الحال انا اصلا لسه عامل صيانه للعربيه عشان المشوار ومروق عليها
            فادعوا ليا انها تكون رحلة ممتعه

            Comment


            • #7
              أستعمل ال Gps
              حتكون مرتاح و متوقع الملفات
              [CENTER][sor2]http://www.nileup.com//uploads/images/domain-3b53dfcaa4.jpg[/sor2][/CENTER]

              Comment


              • #8
                المشاركة الأصلية كتبت بواسطة maya_zoom مشاهدة المشاركة
                بصراحه جزاكم الله كل خير
                انا حاجز في دلتا شرم قوضه بصاله بالمنافع اليوم ب 250 جنيه بدون اكل
                وربنا يصلح الحال انا اصلا لسه عامل صيانه للعربيه عشان المشوار ومروق عليها
                فادعوا ليا انها تكون رحلة ممتعه
                ياترى رحت ورجعت من شرم .؟؟؟ احكي لنا على الطريق واخبار السكة ايه ؟؟؟

                Comment


                • #9
                  تطلع من اسماعيليه فى اتجاه فايد و السويس و قبل ما توصل السويس هتلاقى نفق احمد حمدى شمال تاخده و تعدى و تخش شمال بعد ما تطلع و طوالى لحد شرم
                  لو مش عارف الطريق خليك على مهلك الطريق كويس و كل ١٠٠ كيلو هتلاقى بلد ممكن تقف و تريح فيها
                  الملفات خداعه بس لو بالراحه كله تمام
                  [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                  Comment


                  • #10
                    المشاركة الأصلية كتبت بواسطة mohamed_selim مشاهدة المشاركة
                    تطلع من اسماعيليه فى اتجاه فايد و السويس و قبل ما توصل السويس هتلاقى نفق احمد حمدى شمال تاخده و تعدى و تخش شمال بعد ما تطلع و طوالى لحد شرم
                    لو مش عارف الطريق خليك على مهلك الطريق كويس و كل ١٠٠ كيلو هتلاقى بلد ممكن تقف و تريح فيها
                    الملفات خداعه بس لو بالراحه كله تمام
                    استفسار يا باشا ... هو مفيش علامات ارشادية قبل اى ملف من الملفات الصعبة ديه ؟؟
                    عشان انا ناوى باذن الله اطلع شرم خلال يومين بالسيارة ... وجزاك الله كل خير

                    Comment


                    • #11
                      فى طبعا علامات و تحذيرات و مطبات الصغيره دى اللى بتعمل صوت عشان تعرف انك داخل على ملفات ... الفكره ان اللى سايق ميعملش شوماخر و يخش الملف بسرعه لان ممكن يبانلك انها سهله بس مش هتعرف تلم نفسك لو العربيه عومت منك
                      بالسلامه ان شاء الله
                      [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                      Comment


                      • #12
                        المشاركة الأصلية كتبت بواسطة mohamed_selim مشاهدة المشاركة
                        فى طبعا علامات و تحذيرات و مطبات الصغيره دى اللى بتعمل صوت عشان تعرف انك داخل على ملفات ... الفكره ان اللى سايق ميعملش شوماخر و يخش الملف بسرعه لان ممكن يبانلك انها سهله بس مش هتعرف تلم نفسك لو العربيه عومت منك
                        بالسلامه ان شاء الله

                        تسلم يا باشا على المعلومة ؛ وجزاك الله كل خير

                        Comment


                        • #13
                          فى لوحات ارشادية عند وجود مطبات او منحنيات وخالى بالك من المطبات الموجودة عند الاكمنة وعند الدخول والخروج من نفق احمد حمدى لانه صعبة على اى سيارة ويفضل انك تسافر بعد الفجر افضل لاقدر الله العربية تعطل او اى شىء يحدث هيكون فى النور وربنا يستر طريقك وتروح وتيج بامنة وحفظ من الله
                          محمود السيد
                          ابو ادم
                          :10_1_102v[2]:

                          Comment


                          • #14
                            المشاركة الأصلية كتبت بواسطة محمود السيد مشاهدة المشاركة
                            فى لوحات ارشادية عند وجود مطبات او منحنيات وخالى بالك من المطبات الموجودة عند الاكمنة وعند الدخول والخروج من نفق احمد حمدى لانه صعبة على اى سيارة ويفضل انك تسافر بعد الفجر افضل لاقدر الله العربية تعطل او اى شىء يحدث هيكون فى النور وربنا يستر طريقك وتروح وتيج بامنة وحفظ من الله
                            تسلم ياباشا ... وجزاك الله كل خير

                            Comment

                            Working...
                            X