من المنصورة للسخنة

[mhoreya]

عاوز اروح من المنصورة للسخنة و اعرف 3 طرق و محتار اروح من انهى واحد فيهم

1 طريق الزقازيق و بعدين العاشر و وادى جحول و انزل على طريق السخنة ( مسافرتش من طريق الزقازيق قبل كده بس شوفت الطريق ده على جوجل مابس و اصلا هيبقى معايا gps بتاع العربية و الطريق ده اقصر من الطريقين التانيين بحوالى 30 كيلو على كلام جوجل و اعتقد بردو ميزه فيه انو سالك )

2 طريق القاهرة دائرى اتجاه الهرم
3 طريق القاهرة دائرى اتجاه المطار

تنصحونى بانهى طريق فيهم ؟؟؟؟؟؟؟

[mohamed_selim]

هو طريق القاهره من المنصوره بيعدى على ايه؟
طريق الزقازيق كويس و منه للعاشر بس متاخدش وصلة الروبيكى ... هتكمل بعد العاشر فى اتجاه اسماعيليه حاجه بسيطه و تركب الدائرى الاقليمى هيعدى بيك فوق طريق السويس و بعده طريق السخنه تنزل و تكمل

[mhoreya]

هو طريق القاهره من المنصوره بيعدى على ايه؟
طريق الزقازيق كويس و منه للعاشر بس متاخدش وصلة الروبيكى ... هتكمل بعد العاشر فى اتجاه اسماعيليه حاجه بسيطه و تركب الدائرى الاقليمى هيعدى بيك فوق طريق السويس و بعده طريق السخنه تنزل و تكمل

طريق القاهرة من المنصورة المنصورة -اجا-ميتغمر-بنها-القاهرة يعنى من المنصورة لغاية مدخل القاهرة لو بليل و الطريق فاااضى يبقى ساعة و نص لكن فى الاوقات العادية مش اقل من ساعتين

انا شايف على جوجل ان طريق الزقازيق اقصر و مش هيبقى فيه زحمة طريق القاهرة خصوصا مدخل القاهرة بس المشكلة انى ممشتش عليه قبل كده

[mohamed_selim]

بص انا مشيت من القاهره للزقازيق من طريق بلبيس الصحراوى مخدش ساعه
لو من الزقازيق للعاشر انت مش هتخش القاهره اصلا لانك هتوصل فى العاشر عند طريق اسماعيليه الصحراوى هتكمل كانك رايح القاهره و تمشى حاجه بسيطه قوى هتلاقى الطريق الدائرى الجديد تركبه كانك داخل شمال من اتجاهك (ضهرك لطريق الاسماعيليه) و تمشى عليه طوالى هتلاقى منزل لطريق السويس ملكش دعوه بيه و بعديه منزل لطريق السخنه تنزل و تكمل على السخنه

[kar!m]

على فكرة انت من الزقازيق مش هتكمل للعاشر أصلا .. انت من بعد كارتة بلبيس ب 500 متر تركب الدائري الاقليمي ياخد منك ساعة وربع تكون في العين السخنة.

[abb]

نصيحه اي طريق غير طريق وادى حجول ممكن من القاهره القطاميه هينزلك ف وسط السخنه اما الدائراى الاقليمى ههينزلك اول السخنه ناحيه السويس القطاميه السرعه 120ك\س