عايز اروح مرور التجمع

[Dr_Smart]

صباح الخير

ازاي اروح مرور التجمع من الدائري ثم شارع التسعين ؟

[Moh.Abdelbaset]

لو جاي من ناحية المعادي أو المنيب هتلاقي دخلة للتجمع بعد توكيل مرسيدس، بعد ما تدخل التجمع هيبقى على يمينك كومباوند القطامية هايتس هتكمل على طول وخلى السور على يمينك وهتلاقي بعد كده مخرج يمين ادخله وهيفضل السور على يمينك برضه، هتلاقي تقاطع كمل على طول وبعد كده صينية هتلف شمال وتمشي حوالي 200 متر وتدخل يمين هتلاقي المرور.
لو جاي من ناحية طريق السويس، هتنزل نفق اكاديمية الشرطة وبعدين نفق ش التسعين وخليك في اليمين هتلاقي نفق تاني على اليمين يدخلك التجمع وهيبقى على يمينك برضه سور القطامية هايتس.

[Dr_Smart]

شكرا جزيلا

انا رحت الحمدلله بالgps بس مشوار رخم وعاملينه في حته بعيده مش مقدرين ان فيه ناس مش من سكان التجمع هتروحلهم

اليفط الارشادية هناك قليلة جدا ولما تسأل الموظفين يتنرفزو ..

ربنا يصلح حال البلد

[drzezo84]

لوعايز اروح الداون تاون مول يارجالة اول مااوصل القاهره من الزراعي اطلع الدائري وبعدين

[Dr_Smart]

هتكمل في الدائري اتجاه المعادي .. هتلاقي كايروفيستيفال سيتي وikea على شمالك .. بعدها بشويه هييجي نفق ماتنزلش فيه وادخل يمين في اول يوتيرن شمال .. وطوالي .. هتبقى دخلت شارع التسعين في التجمع .. شويه هتلاقي الداون تاون عالشمال

بس خلي بالك مش تلف اول يوتيرن شمال اللي فوق النفق على طول .. ده هيرجعك عالدائري الاتجاه التاني .

[drzezo84]

thnx

شكرا ياباشا على ردك واهتمامك

[Moh.Abdelbaset]

شكرا جزيلا

انا رحت الحمدلله بالgps بس مشوار رخم وعاملينه في حته بعيده مش مقدرين ان فيه ناس مش من سكان التجمع هتروحلهم

اليفط الارشادية هناك قليلة جدا ولما تسأل الموظفين يتنرفزو ..

ربنا يصلح حال البلد

سكان التجمع المرور بتاعهم في الشروق