سانت فاتيما

[دموع الثلج]

هى سانت فاتيما ادخلها من فين

مشكلتى بتوه جوه مصر الجديده اعرف كل المداخل لها بس

وتقريبا لو مش غلطانه سانت فاتيما دى ادخلها من عند كوبرى المطار انزل نزله طريق الاسماعليه شمال واكمل على طول مدخلش يمين ناحيه السندباد

صح كده ؟

[mokhtar]

انا هاقولك على قد اللى عارفه طبعا فيه هنا خبراء فى مصر الجديده..ممكن تاخدى صلاح سالم وتفضلى ماشيه جنب سور الكليه الحربيه لحد اخره وتدخلى يمين من جنبه جنب مكتب تنسيق الكليات العسكريه ده شارع عبد العزيز فهمى اول ميدان لا التانى هو سانت فاتيما اقرب من اللفه بتاعت عبد الحميد بدوى ونادى الشمس والحجاز ..ويارب يكون الوصف ده صحيح




..mokhtar..

[Hassan Khalil]

انا هاقولك على قد اللى عارفه طبعا فيه هنا خبراء فى مصر الجديده..ممكن تاخدى صلاح سالم وتفضلى ماشيه جنب سور الكليه الحربيه لحد اخره وتدخلى يمين من جنبه جنب مكتب تنسيق الكليات العسكريه ده شارع عبد العزيز فهمى اول ميدان لا التانى هو سانت فاتيما اقرب من اللفه بتاعت عبد الحميد بدوى ونادى الشمس والحجاز ..ويارب يكون الوصف ده صحيح

..mokhtar..

وصفك مظبوط .. بس هيا جايه من الناحية التانية :)
زي ما الاخ الكريم قال ...
حتاخدي صلاح سالم بالكامل لحد ما تلاقي ميريديان هليوبوليس علي يمينك ... بعدين حتطلعي الكوبري بتاع نادي الجلاء .. حتنزلي في طريق المطار .. تخليكي ماسكة شمال جنب الرصيف .. اول يوتيرن تاخديه و تلفي .. كده اصبحت الكلية الحربية علي يمينك ..تمشي معاها و تقومي داخلة يمين ..سور الكلية الحربية لسه بيلف معاكي ...حتلاقي ميدان .. و مسجد علي اليمين .. و محطة مترو الميرغني علي الشمال ... مع صينية الميدان حتسيبي اول شارع يمين .. و تاخدي الشارع اللي في الوش مباشرة ..( كأنك مش بتلفي مع الصينية ) .. 3 دقائق .. و بقيتي في ميدان سانت فاتيما :)

[دموع الثلج]

الف ششششكر يا جماعه على الوصف

الحمد لله رحت المكان قبل ما حد يرد على

ركنت فى ميدان الساعه فى مدينه نصر وركبت تاكسى ورجعت لعربيتى بتاكسى

بس هحفظ وصفكم واجرب المره الجايه :k41:

[mokhtar]

الف ششششكر يا جماعه على الوصف

الحمد لله رحت المكان قبل ما حد يرد على

ركنت فى ميدان الساعه فى مدينه نصر وركبت تاكسى ورجعت لعربيتى بتاكسى

بس هحفظ وصفكم واجرب المره الجايه :k41:

بس كده الياريس تزعل المفروض انها بتشيلك فى اى حته




..mokhtar..