توكيل الامل بالاسكندرية- الكيلو 26 الصحراوي

[medo_31]

السلام عليكم ورحمة الله
ان شاء الله رايح اعمل صيانة للعربية وهسافر من طنطا بالزراعي .. عايز وصف دقيق لو سمحتم وافضل طريق محتصر للتوكيل ايه وياريت لو فيه علامات على الطريق اخد بالي منها ان انا ماشي صح زي بنزينة -مكان معين اي حاجة اعرف منها اني ماشي سليم وجزاكم الله خيراً

[medo_31]

مفيش حد عارف يا رجالة ؟

[ramy_gamal]

حضرتك هتوصل ل ابيس وتكمل طوالى وتعدى صينيه المطار طوالى بردة .بعد المطار هتلاقى مستشفى طلعت مصطفى على اليمين وبعدها 2 مطب صناعى وبردة طوالى مع السكه هتلاقى كوبرى هتتطلعه وتنزل اول نزله شمال بعد ما تنزل هتلاقى مطب صناعى وبعدى مستشفى الشرطه وبعدها كارفور على يمينك وتمشي طوالى مع السكه هيقابلك 2 كوبرى ورا بعض بعد اخر واحد هتمشي شويه هتلاقى التوكيل على يمينك

[medo_31]

حضرتك هتوصل ل ابيس وتكمل طوالى وتعدى صينيه المطار طوالى بردة .بعد المطار هتلاقى مستشفى طلعت مصطفى على اليمين وبعدها 2 مطب صناعى وبردة طوالى مع السكه هتلاقى كوبرى هتتطلعه وتنزل اول نزله شمال بعد ما تنزل هتلاقى مطب صناعى وبعدى مستشفى الشرطه وبعدها كارفور على يمينك وتمشي طوالى مع السكه هيقابلك 2 كوبرى ورا بعض بعد اخر واحد هتمشي شويه هتلاقى التوكيل على يمينك

الف شكر يا باشا على الوصف والشرح الممتاز .. بس كنت بحثت شوية على جوجل ماب ولقيت فيه طريق تاني من بعد كفر الدوار اركب الدولي .. لو تعرف ده كمان يبقى كتر خيرك ومن فيهم اسهل واقصر

[tata2011]

الف شكر يا باشا على الوصف والشرح الممتاز .. بس كنت بحثت شوية على جوجل ماب ولقيت فيه طريق تاني من بعد كفر الدوار اركب الدولي .. لو تعرف ده كمان يبقى كتر خيرك ومن فيهم اسهل واقصر

السلام عليكم.
فعلا طريق اقصر . حضرتك هتوصل كفر الدوار . بعدها بشوية هتلاقى قدامك كوبرى بعرض الطريق دا اسمه الدولى الساحلى خلى باللك هتعدى من تحته وتاخد الطلعة اللى يمينك اوعى تاخد الاولانية لانها هتوديك بورسعيد هتاخد تانى طلعة . كده انت بقيت على الدولى هتمشى حوالى 10 كيلو تقريبا وهتلاقى ريحة وحشة مقابلاك بعد شوية تقريبا فى مصرف على الطريق . المهم خليك فى اليمين عشان هتلاقى نزلتين خد تانى نزلة كده بقيت على الصحراوى بتاع القاهرة هتفضل ماشى طوالى هتلاقى الكوبريين اللى قال عليهم الزميل
على فكرة لو معاك هاتف اندرويد شغل عليه جوجل ماب هيوصلك وانت مغمض

[medo_31]

السلام عليكم.
فعلا طريق اقصر . حضرتك هتوصل كفر الدوار . بعدها بشوية هتلاقى قدامك كوبرى بعرض الطريق دا اسمه الدولى الساحلى خلى باللك هتعدى من تحته وتاخد الطلعة اللى يمينك اوعى تاخد الاولانية لانها هتوديك بورسعيد هتاخد تانى طلعة . كده انت بقيت على الدولى هتمشى حوالى 10 كيلو تقريبا وهتلاقى ريحة وحشة مقابلاك بعد شوية تقريبا فى مصرف على الطريق . المهم خليك فى اليمين عشان هتلاقى نزلتين خد تانى نزلة كده بقيت على الصحراوى بتاع القاهرة هتفضل ماشى طوالى هتلاقى الكوبريين اللى قال عليهم الزميل
على فكرة لو معاك هاتف اندرويد شغل عليه جوجل ماب هيوصلك وانت مغمض

شكرا استاذنا الفاضل وجزاك الله خيراً .. بالنسبة للنزلة التانية اللي هى عند كارفور كده ولا دي حاجة تانية
معلش انا بمشي مع كلامك على الخريطة

[tata2011]

شكرا استاذنا الفاضل وجزاك الله خيراً .. بالنسبة للنزلة التانية اللي هى عند كارفور كده ولا دي حاجة تانية
معلش انا بمشي مع كلامك على الخريطة

تمام دى اللى عند كارفور النزلة الاولانية هتوديك كارفو واسكندرية النزلة التانية هيبقى كارفور وراك وده اتجاه القاهرة

[medo_31]

تمام دى اللى عند كارفور النزلة الاولانية هتوديك كارفو واسكندرية النزلة التانية هيبقى كارفور وراك وده اتجاه القاهرة

الف شكر تعبتك معايا