ازاى اروح فيصل او الهرم

[hr hr]

السلام عليكم

بختصار شديد

ازاى اروح فيصل او الهرم من شبرا الخيمه المؤسسه

بدل مدخل من رمسيس والازدحام الشديد

[man1974]

السلام عليكم

بختصار شديد

ازاى اروح فيصل او الهرم من شبرا الخيمه المؤسسه

بدل مدخل من رمسيس والازدحام الشديد

اركب من المؤسسة إلى نادي الرماية، فيه عربيات بالنفر بتروح من المؤسسة لهناك، ومن هناك شوف إنت عايز تروح فين،

ولو معاك عربية خد الدائري من المؤسسة إلى نزلة المريوطية

وشكرا

[amr011111]

لو مواصلات يبقى اسرع حاجه مترو الانفاق تركب اتجاه الجيزة وتنزل محطة الجيزة هتكون ساعتها فى بداية شارع الهرم فوق النفق. فتاخد ميكروباص فولكس يوديك المكان اللى عاوزه فى شارع الهرم.

[hr hr]

اركب من المؤسسة إلى نادي الرماية، فيه عربيات بالنفر بتروح من المؤسسة لهناك، ومن هناك شوف إنت عايز تروح فين،

ولو معاك عربية خد الدائري من المؤسسة إلى نزلة المريوطية

وشكرا

انا معايه عربيه يا غالى يعنى اطلع الدائرى ونزل نزلت المريوطيه

ومشكور على ردك واتهمامك

[hr hr]

لو مواصلات يبقى اسرع حاجه مترو الانفاق تركب اتجاه الجيزة وتنزل محطة الجيزة هتكون ساعتها فى بداية شارع الهرم فوق النفق. فتاخد ميكروباص فولكس يوديك المكان اللى عاوزه فى شارع الهرم.

تسلم على ردك

انا عارف المترو اسرع انا بقالى 7 سنين رايح جاى على فيصل والهرم من على المترو

بس كنت بسال علشان اول مره هروح بعربيتى وعايز اوصل من بره بره بدون الدخول رمسيس

[amr011111]

كوبرى احمد عرابى ثم كوبرى المظلات اللى ناحية شارع شبرا ثم تكسر يمين من بعد كمين المظﻻت ومنه على الكورنيش وتكمل طوالى وساعتها عندك حلين ياما تطلع كوبرى اكتوبر وتنزل اخر نزله فيه وتكمل طريقك فى شارع البطل احمد عبدالعزيز ومتطلعش كوبرى الدقى اللى فى وشك هتمشى من يمينه فى يمين تانى اللى هو شارع التحرير لحد اخره شمال تبقى فى شارع السودان تطلع الكوبرى وتنزل اخره كده بقيت فى شارع فيصل

الطريق التانى انك وانت فى الكورنيش تطلع كوبرى الساحل وتنزل النزله اللى على الشمال هتلاقى نفسك فى كورنيش امبابه تمشى طوالى وتدخل نفق الكيت كات ومنه طوالى لحد ما توصل لنفق العجوزه اطلع من فوقه يمين هتلاقى نفسك فى شارع التحرير تمشى لاخرة وتكسر شمال هتلاقى نفسك فى شارع السودان
الطرق اللى فوق اقل الطرق زحمه للوصول للهرم

اللى هى عن طريق شارع السودان
لو حصل فى الطريق الاولانى طلعت كوبرى الدقى او فى الطريق التانى دخلت نفق العجوزه ان شاء الله هتوصل برضه لشارع الهرم بس هتبقى طرق زحمه شويه وبالتوفيق