جسر السويس.

[a_tantawy7]

السلام عليكم يا شباب,
عايز أعرف ازاي أروح شارع جسر السويس من مدينة نصر؟ أنا رايح عند عمارات الميريلاند بجانب مبنى فودافون.
شكرا جزيلا.

[WalidAdel]

شوف ياسيدي حضرتك تروح شارع النزهه و منه الي شارع الثوره اللي فيه استوديو مصر و جراند كافيه تنزل النفق و تطلع ثم تمشي في الشارع ده لحد اخره حتلاقي الميريلاند في وشك علطول و في شريط مترو تعديه و امشي شمال حيث يبقي الميريلاند علي يمينك تمشي لحد اخر سور الميريلاند و تخش يمين في يمين مع السور بردوا حتلاقي عمارات الميريلاند علي شمالك اسال بقي هناك عن مبني فودافون دا علشان انا معرفوش

[a_tantawy7]

شوف ياسيدي حضرتك تروح شارع النزهه و منه الي شارع الثوره اللي فيه استوديو مصر و جراند كافيه تنزل النفق و تطلع ثم تمشي في الشارع ده لحد اخره حتلاقي الميريلاند في وشك علطول و في شريط مترو تعديه و امشي شمال حيث يبقي الميريلاند علي يمينك تمشي لحد اخر سور الميريلاند و تخش يمين في يمين مع السور بردوا حتلاقي عمارات الميريلاند علي شمالك اسال بقي هناك عن مبني فودافون دا علشان انا معرفوش

حضرتك قصدك يمين من شارع النزهة على شارع الثورة وأكمل على طول على النفق ولا ألف يوترن من الثورة عشان أدخل النفق؟ وأالف شكر ليك.

[WalidAdel]

حضرتك قصدك يمين من شارع النزهة على شارع الثورة وأكمل على طول على النفق ولا ألف يوترن من الثورة عشان أدخل النفق؟ وأالف شكر ليك.

ما حضرتك جاي من مدينة نصر معني كده انك جاي من ميدان الساعه و مش حتطلع الكوبري بتاع النزهه حتخش من جنبه علي شارع الثوره و بعدين يوتيرن علشان تروح النفق

[a_tantawy7]

ما حضرتك جاي من مدينة نصر معني كده انك جاي من ميدان الساعه و مش حتطلع الكوبري بتاع النزهه حتخش من جنبه علي شارع الثوره و بعدين يوتيرن علشان تروح النفق

وصلت, مشكوووور يا باشا.

[R A N A]

في برده طريق تاني من شارع النزهة:
حضرتك تدخل شارع النزهة وتطلع الكوبري وتنزله وتخليك فيه لحد الاخر لحد مالشارع ينتهي وميبقاش قدامك غير طريقين يايمين ياشمال وهاتلاقي كوبري فوقيك تدخل من تحته شمال كده تعتبر داخل على ميدان سفير تفضل ماشي على طول في الشارع ده وتعدى اول تقاطع وتكمل على طول لحد ماتلاقي المحكمة على يمينك وفي اشارة تطلع من الإشارة تدخل شمال وتفضل فيه على طول لحد ماتعدي بنزينة (تقريبا وطنية أو مصر للبترول مش فاكرة) بعد ماتعدي البنزينة هاتلاقي سور الميريلاند بدأ شوف بقي حضرتك عمارات الميريلاند دي مكانها فين لو ورا الميريلاند يبقي هاتخلص السور وتدخل معاه يمين (هاتلاقي على شمالك سيراميكا كيليوباترا ورويال هاوس وحاجات كتير كده) تدخل بعد كده اول يمين غالبا هي دي عمارات الميريلاند

[م.محمد شافعي]

يااااااااااه ده حضرتك كده وديتو بعيد جدا عن المكان اللي رايحه وعن طريق رأس الرجاء الصالح--الراجل بيقولك عايز يروح جسر السويس--- انا بهزر معاك بس انت حصلت معاك لخبطه ما بين عمارات الميرلاند اللي في جسر السويس و ما بين عمارات الميرلاند اللي قبل روكسي لانهم الاتنين مطلين علي الميرلاند بس من اتجاهات مختلفه.

الاخ طنطاوي افضل طريق لحضرتك واسهل انك تمشي من شارع الرقابه الاداريه وتعدي ميدان السبع عمارات لحد كوبري الجلاء و تدخل مع الشارع شمال وتفضل ماشي و تعدي سفير و المحكمه لحد كوبري التجنيد وتدخل شمال من تحت الكوبري تكون بذلك في شارع جسر السويس وتمشي بالسياره حوالي دقيقه هتلاقي مجموعة عمارات شكل بعضها علي يمينك و فيها فرع فودافون في المنتصف و بجواره سوبر ماركت اولاد غانم وتعالي افطر عندنا عشان انا ساكن هناك.

[R A N A]

يااااااااااه ده حضرتك كده وديتو بعيد جدا عن المكان اللي رايحه وعن طريق رأس الرجاء الصالح--الراجل بيقولك عايز يروح جسر السويس--- انا بهزر معاك بس انت حصلت معاك لخبطه ما بين عمارات الميرلاند اللي في جسر السويس و ما بين عمارات الميرلاند اللي قبل روكسي لانهم الاتنين مطلين علي الميرلاند بس من اتجاهات مختلفه.

الاخ طنطاوي افضل طريق لحضرتك واسهل انك تمشي من شارع الرقابه الاداريه وتعدي ميدان السبع عمارات لحد كوبري الجلاء و تدخل مع الشارع شمال وتفضل ماشي و تعدي سفير و المحكمه لحد كوبري التجنيد وتدخل شمال من تحت الكوبري تكون بذلك في شارع جسر السويس وتمشي بالسياره حوالي دقيقه هتلاقي مجموعة عمارات شكل بعضها علي يمينك و فيها فرع فودافون في المنتصف و بجواره سوبر ماركت اولاد غانم وتعالي افطر عندنا عشان انا ساكن هناك.

حضرتك كده تقصد الشارع اللي فيه سنترال مصر الجديدة؟
هو في عمارات الميريلاند هناك كمان.
معلش انا اسفة انا مكنتش اعرف ان العمارات دي برده اسمها عمارات الميريلاند (انا وصفتله الميريلاند نفسها وهو ينقي بقي ) بس عموما انا كده اعتبر وصفتله نص الطريق اللي حضرتك وصفته بس هو يكمل على طول بقي لحد كوبري التجنيد ويدخل شمال.

[a_tantawy7]

مشكورين جميعا اخواني وربنا يديم المعروف, على فكرة يا أستاذ msh2179 هو فعلا أنا رايح عند سوبر ماركت اولاد غانم, هاااا, أجي أفطر ولا رجعت في كلامك, خد بالك مش هبقى لوحدي, بهزر ومشكورين مرة أخرى.