كيفية الذهاب إلي أبو رواش

[Salah_sr]

ممكن حد يقول كيف أروح أبو رواش (غبور ) عن طريق الدائرى حيث إني من سكان مدينة الشروق ولكم جزيل الشكر

[bassam nagy]

انزل نزلة طريق اسكندرية الصحراوى وكانك رايح اسكندرية لحد ماتعدى المحور بعديها تقريبا بى 3 كيلو هاتقابللك اول بنزينة على ايديك اليمين تدخل من جنبيها على طول يمين وهاتمشى بتاع اتنين كيلو هاتلاقى مركز خدمة هيونداى غبور

[Hossam Mounir]

بص يا سيدى :
- أكيد سيادتك هتاخد الدائرى من مدخل مدينة السلام ... ثم هتنزل من الدائرى مباشرة مع تقاطعة مع محور 26 يوليو
-وبعد كدة هتاخد المحور طوالي لحد مدخل طريق الأسكندرية الصحراوى ... وخلى بالك أن أخر حته فى المحور مماشين حارة واحد فقط لأنهم ضاميين الطريقين مع بعض علشان بيعملوا صيانة للمحور فى أتجاهة العودة ...
- ثم هتكمل زى ما الأخ بسام أشار حوالى 3 كيلو لحد متلاقى محطة بنزين أمارات مصر هيا دى مدخل أبو رواش ... ثم حوالى 1 كيلو تلاقى غبور على أيدك اليمين ... وتدخل أول مدخل يقابلك .... فى المبنى ... ده المدخل بتاع الصيانة ...

الوصف التفصيلى من على Google Earth ... وتروح وترجع بالسلامة ...

أول الطريق الدائرى :


30° 8'55.00"N
31°25'13.72"E



المنزل من الطريق الدائري إلى محور 26 يوليو :

30° 3'50.83"N
31°10'26.75"E



المنزل من محور 26 يوليو إلى طريق مصر الأسكندرية الصحراوى :

30° 2'56.78"N
31° 3'21.59"E



المدخل إلى أبو رواش :

30° 3'40.94"N
31° 1'44.01"E

مدخل الصيانة فى غبور :
30° 4'4.82"N
31° 2'14.24"E

معلهش أعكس كل القرايات وأنت بتدخلها على Google لأنه مش راضية تتكتب معدولة ...

تحياتى للجميع ...

م / حسام منير

[Salah_sr]

ياباشا مش عارف أقول إيه ألف شكر و حقول لك لما أرجع عن هذا المشوار أخوك صلاح

[Hossam Mounir]

تروح وترجع بالسلامة ... وخلى بالك المشوار ده من على Google حوالي 50 كم للأتجاه الواحد ... وخصوصاً ... مع الجو الحر ده ... ويا ريت تطمنا على العربية لو فيها حاجة ...
ولو يبقى من بختك أن مهندس الأستقبال بتاعك يبقى م / محمد عبدالله أنسان ذوق ... وبيفهم ...وهو أكيد فاكرنى علشان موضوع الكاسيت ...

تحياتى للجميع ...

م / حسام منير

[Salah_sr]

زيارة أبو رواش

أخي العزيز حسام و الأخوة الأعضاء أنا رحت اليوم غبور أبو الريش و كنت هناك الساعة التاسعة صباحا وأخذت رقم 176 وكانت الزحمة رهيبة هناك علي فكرة أنا أتصلت علي 16101 علشان أخذ معاد و لكن الفتاة قالت لي طلما عندك مشكلة و مش حتعمل سرفيس يبقي لا داعي للحجز وطلع إن نصف الكلام فقط صح يعني لما تكون عندك مشكلة كبيرة في العربية لا يلزم عمل حجز و لكن مشكلة بسيطة يجب عمل حجز المهم أنا كنت موزع علي المهندس محمد رشدي و هو شخصية بشوشة و مهذب جدا قال ما مشكلتك قلت له أنا عندي شك لدرجة اليقين إن قراءة عداد السرعة غير مضبوط و لقد رحت من قبل لكار تك وكشفوا علي ماتور العربية بالكمبيوتر و لم يجدوا مشكلة و قالوا لي العداد سليم ولكني لم أقتنع المهم المهندس أحضر لي رئيس قسم الكهرباء و لما قلت له المشكلة قال إما إن حساس السرعة بايظ و هذه الحالة حنغير لك عدادات العربية وهي عملية بسيطة إن شاء الله لأن العدادات يمكن خلعها دون فك التابلوه و موصلة عن طريق فيشة مع بقية العربية وأو يكون عشم نوار لم يركب الأرضي بتاع الكهرباء ( البطارية ) و ده بيسبب مشاكل في عدادات السرعة أو يعطي درجة حرارة أعلي من الطبيعي المهم دخلت العربية الساعة 12 ظهراً و خرجت الساعة 1.45 و طلبت مقابلة فني الكهرباء علشان أعرف إيه إلي حصل قال لي إن سلكة الكهرباء بتاعه الأرضي مع تركيب الأنذار نسي يركبها و هي سبب المشكلة وتم توصيل العربية بالكمبيوتر و لا يوجد أي مشكلة في العدادات شكرتهم و روحت أرجو أن تكون المشكلة أنتهت هنا (الأيام حتبين إن شاء الله ) ملاحظاتي علي مركز الصيانة أولا المركز كبير و لكن حجم العمالة الفنية التي تعمل في الورشة قليلة جدا مع عدد الخانات في الورشة و إن العمال في حالة تراخي و بطأ شديد أثناء العمل مما يسبب بطأ في الإنتاجية و المركز محتاج لضبط وربط حتي لا تتكدس العربيات بالشكل ده و الشئ الثاني إن كل واحد عايز يعمل سرفيس بيروح المركز و يعذب نفسه بينما لو مكنش عندك مشكلة في العربية يمكن الذهاب إلي مراكز صيانة معتمدة و توفر علي نفسك البهدلة , الشئ الثاني و الملاحظ إن كثير من الناس داخل و هو متحفز للخناق حتي لو بدون داعي مع إني شايف الأستقبال كويس و لا يفرق عن التوكيلات في سلطنة عمان مع وجود زحمة أكثر في مصر ده كانت تجربتي مع غبور أبو رواش و أتمني للجميع عدم الحاجة لأي توكيل