طريق من المحور الى دائرى المعادى

[stonetaker]

انا جى من الصحراوى داندى مول ورايح المعادى هل فيه طريق من المحور يودينى دائرى المعادى؟ لان الزحمه فى المهندسين صعبه اوى ومش عايز اخد طريق ميدان الرمايه لانه برضو زحمه

[magomago]

أظن لو طلعت من المحور على الدائرى
ونزلت نزلة المريوطية بإتجاه فيصل
وعديت شارع فيصل والهرم
فى من هناك طريق تسأل علية هاتطلع الدائرى من الناحية الاخرى
اللى هو بتاع المعادى
ولو استنيت سنة كدة فى وصلة بتتعمل لتوصيل الدائرى من الناحيتين شغالين فيها جامد عشان تعدى من فوق ترعة المريوطية وشارع فيصل بدل ماتنزل فى الزحمة

[stonetaker]

انا عارف الطريق اللى بتقول عليه ده بس كنت بسال على طريق ميخلنيش اعدى على الزحمه بتاعت الهرم وفيصل

[tutankhamoun]

انا عارف الطريق اللى بتقول عليه ده بس كنت بسال على طريق ميخلنيش اعدى على الزحمه بتاعت الهرم وفيصل

طريقك مسدوداُ ....مسدوداُ ....مسدوداُ يا ولدي

عبد الحليم قالها من زمان زي ما يكون كان عارف أيه اللي هايحصل في القاهرة

الطريق اللي أنت عايزة تمشيه ده ملوش إلا وسيلتين للوصول للمعادي من عند داندي مول
تأخد المحور و تكمل للمهندسين و بعدين تخرج من المهندسين علشان تكمل على الكورنيش و دي أكنك بتلف رجاء الرجاء الصالح

الوسيلة التانية أنك تاخد شارع الهرم أو فيصل و في كلتا الحالتين الطريق واقف
مهندسين واقفه ....... و الهرم واقف ......

أستنى بقى لما الوصلة تخلص بتاعة الدائري فوق المريوطية

[WalidAdel]

شوف يابشا حضرتك تاخد المحور و منه للدائري تمشي يمين علي مدينة 6 اكتوبر كده و حضرتك ماشي حتلاقي يافطة توشيبا العربي كبير اوي و منوره كده تنزل النازله اللي بعديها (مش عارف اسم النازله ايه ) و يعدين حتنزل و تعمل يوترن علشان تخش علي فيصل المهم اعمل يوترن و امشي شويه قبل ماتعدي من تحت الدائري في يمين خشه حتلاقي طريق حلو كده و نظيف امشي فيه دا شارع في نفق يعدي من تحت فيصل و نفق اخر يعدي من تحت شارع الهرم حتكمل للاخر و تعمل يوترن ثم تخش يمين حتلاقي نفسك علي ترعة المريوطيه علي بعد حوالي 2 كيلوا من طلعة دائري المعادي

[stonetaker]

هى دى الوصفه اللى كنت بدور عليها ربنا يكرمك يا باشا

[Akram]

انا أعرف طريق تاني ,
انت تمشي في الصحراوي بإتجاه الرماية و بعد ما تعدي تحت المحور تلف يوترن شمال كأنك راجع تاني لداندي مول , و لما توصل للمحور مرة تانية تلف يمين تحت المحور و تمشي مع المحور من تحت , هتوصل لطريق اللبيني و منه تاخد يمين بإتجاه فيصل , و تعدي تحت فيصل و الهرم من خلال الأنفاق ثم تواصل الطريق للوصول للدائري بتاع المعادي و معظم الطريق ده هتلاقيه رايق ان شاء الله.