إزاى أروح ميراج سيتى؟؟

[SeiffoZ]

عايز أعرف إزاى أروح فندق ماريوت فى ميراج سيتى ؟؟؟
علما أنا ساكن فى المهندسين ..

[kliken]

ميراج سيتى واضح قوى من على الدائرى قبل نزله مدينه نصر و بيكون على ايدك الشامل و انت متجه ناحيه مدينه نصر بس مش عارف بصراحه ايه احسن طريق من المهندسين للدائرى

[WalidAdel]

شوف ياباشا اسهل اسهل طريق كوبري اكتوبر عادي تنزل في صلاح سالم و بعدين نفق العروبه تنزلو تطلع تخش يمين علي شارع الثوره علطول حتعدي من تحت الكوبري الاول دا كوبري الميرغني و بعديه بشويه من تحت الكوبري الثاني دا كوبري النزهه علطول بردوا حتلاقي كوبري ثالث كده تعدي من تحته عادي في طريقك علطول بردوا حتلاقي حنة اسمها الكيلو 4.5 دي اول طريق السويس تكمل علطول حتلاقي كوبري رابع دا الدائري تطلع الدائري يمين حتلاقي ميراج سيتي علي شمالك تعمل يوترن و سهره سعيده

[migomax]

الوصفتين صح بس المحور سهل جدا من ميدان لبنان وادخل يمين على الدائري اتجاه طريق مصر الأسكندرية الزراعي وتفضل ماشي على طول لغاية ما تجيلك مدينة السلام كمل برضه على الدائري حتلاقي نفق تعديه وعلى طول لغاية ما تلاقي مخرج السويس على طول برضه جي دبليو ماريوت ح يكون واضح جدا على شمالك وانت على الدائري يو تورن وكده كله تمام