ازاي أروح الحرفيين ؟

[أبو كنوز]

أنا من اسكندريه وعايز أعرف ازاي أروح الحرفيين لو جيت من على الصحراوي؟

[kliken]

من الصحراوى هتوصل لغايه المحور تطلع المحور بعدين تطلع الدائرى و تكمل لغاية ما تلاقى نفق هتروح واخد يمين النفق و ما تنزلش النفق دة و على الفكرة هو النفق الوحيد فى الطريق و الدخله اليمين قبله على طول مفيش كام متر و النزله دى منها تروح الحرفيين على طول لو سئلت اى حد او تكمل بعد النفق على طول و تاخد اول دوران كانك راجع تانى و هتلاقى نزله مكتوب عليها دار السلام هتنزلها و بعد ما تنزل هتاخد اول طريق هيقابلك شمال هتكون فى الحرفيين
ارجو ما اكونش توهتك كدة

[أبو كنوز]

١٠٠٠ ١٠٠٠ شكر يا باشا كده الوصف سهل ولو تهت أكيد حايكون عيب مني

[kliken]

لا شكر على واجب تؤمرنى يا باشا
و ان شاء الله توصل بالسلامه

[أبو كنوز]

الله يخليك يا باشا

[Boody8882]

من الصحراوى هتوصل لغايه المحور تطلع المحور بعدين تطلع الدائرى و تكمل لغاية ما تلاقى نفق هتروح واخد يمين النفق و ما تنزلش النفق دة و على الفكرة هو النفق الوحيد فى الطريق و الدخله اليمين قبله على طول مفيش كام متر و النزله دى منها تروح الحرفيين على طول لو سئلت اى حد او تكمل بعد النفق على طول و تاخد اول دوران كانك راجع تانى و هتلاقى نزله مكتوب عليها دار السلام هتنزلها و بعد ما تنزل هتاخد اول طريق هيقابلك شمال هتكون فى الحرفيين
ارجو ما اكونش توهتك كدة

مدينة الســـلام

مش
دار الســلام
علشان تفرق كتيــر

[أبو كنوز]

شكرا يا باشا علي التوضيح

[Boody8882]

شكرا يا باشا علي التوضيح

ولا يهمك وعمومآ توصل بالسلامة
وأنا من م. السلام وعارف الحرفيين كويس لو إحتاجت حاجه أو تحب أكون معاك . أنا معنديش مانع
لو إحتاجت أى حاجه كلمنى
عبدالرحمــن

90 0 91 90 012

[أبو كنوز]

١٠٠٠ ١٠٠٠ شكر يا باشا .والله كلك ذوق و أستاذ أحمد نبيل معانا هنا علي نايل موتورز حايجي معايا عشان أنا حاعمل شغل body kit عند الصنايعي بتاعه و ربنا يجعله عامر بكم.

[homme49]

أرجو ملاحظة أن المسافة من أول طلوعك الطريق الدائرى من الطريق الصحراوى لمدينة السلام حوالى 25 كم و انت على الطريق الدائرى هناك إشارات و لوحات إرشادية تبين عدد الكيلومترات الباقية على طريق الإسماعيلية و هو الطريق الذى تقع فيه مدينة السلام ثم مدينة الحرفيين
و خد بالك الطريق الداشرى مراقب بالرادار و به بعض لجان المرور
و غالبية السيارات التى تمر به سيارات نقل

[أبو كنوز]

أرجو ملاحظة أن المسافة من أول طلوعك الطريق الدائرى من الطريق الصحراوى لمدينة السلام حوالى 25 كم و انت على الطريق الدائرى هناك إشارات و لوحات إرشادية تبين عدد الكيلومترات الباقية على طريق الإسماعيلية و هو الطريق الذى تقع فيه مدينة السلام ثم مدينة الحرفيين
و خد بالك الطريق الداشرى مراقب بالرادار و به بعض لجان المرور
و غالبية السيارات التى تمر به سيارات نقل

١٠٠٠ ١٠٠٠ شكر يا باشا والله مش عارف أقول إيه.و ربنا يسهل إن شاء الله

[kliken]

انا اسف يا باشا على اللخبطه بين دار السلام و مدينه السلام مش عارف ايه اللى جابها دار السلام بس المهم ان الزمله وضحوا و بالسلامه ان شاء الله

[hmghamry]

معلش ياجماعة استحملونا احنا الاسكندرانيه شويه انا شغال في اكتوبر وعايز اروح الحرفيين انا اعرف اروح المحور و اعرف اروح الدائري من اكتوبر اعمل ايه بقى , الرد هنا بيقول اطلع المحور بعد كده الدائري فأنا تهت كده , المحور ولا الدائري ؟ ولو طلعت دائري امشي ازاي ؟ وهل الطريق سالك لاا عربيتي بتسن