هل يوجد مواصلات للعين السخنة

[kareem_Ashmawy]

السلام عليكم
هل فى مواصلات للقرى السياحية فى العين السخنة
عشان احتمال نطلع مجموعة شباب من غير عربية
و لو حد عنده فكرة عن أسعار التذاكر
سواء سوبر جيت أو ميكروباصات أو بيجو
و شكرا جزيلا

[kliken]

بص يا باشا انا اعرف ان ليها مواصله من القاهرة على طول بس هينزلك عند المفارق بتاعه السخنه
والاضمن انك تركب السويس و تنزل محطه الاتوبيس عادى اخر الخط و تاخد مواصله بتاعه العين السخنه مكروباص و رخيص بس هتركبله مواصله داخليه او هتنزل من اتوبيس القاهره تاخد تاكسى لغايه القريه اللى هتروحها و تتفق مع التاكسى على مبلغ معقول

[kareem_Ashmawy]

شككرا جزيلا يابشمهندس ربنا يكرمك

[brown-eyes]

في اوتوبيس انا كنت باخده وانا رايح الغردقة بيطلع من التحرير او من مدينة نصر قصاد نادي السكة
هي كان اسمها شركة الجونة بس دلوقتي بقي بيص جو
وده طبعا بيعدي علي العين السخنة بس من بره بس تقريبا بيعدي علي معظم القري السياحية اللي علي البحر واسعاره كانت ب 50 و 60 و70 و80 حسب الاوتوبيس والوقت بس كله زي بعض وكده كده انت مسافتك قريبة

[kliken]

شككرا جزيلا يابشمهندس ربنا يكرمك

على ايه يا باشا انت تؤمر

[aratux]

بس لازم ترتب برضه هاترجع إزاى, و لا بتفكر تفضل هناك على طول؟؟؟

[amir]

السلام عليكم
هل فى مواصلات للقرى السياحية فى العين السخنة
عشان احتمال نطلع مجموعة شباب من غير عربية
و لو حد عنده فكرة عن أسعار التذاكر
سواء سوبر جيت أو ميكروباصات أو بيجو
و شكرا جزيلا

انت جيت في جمل؟!!!
انا كان الجيش بتاعي عند طريق السويس العين السخنه
زي ماkilken قال بس بتعديل بسيط
انت تروح انت و صحابك موقف السوبر جيت سواء رمسيس او الماظه (ارشحلك الماظه علشان الاسوبرجيت مش هيعطلك قوي زي رمسيس (لأنه بيطلع من رمسيس و بعدين يروح موقف الماظه)

لما توصل بالسلامه السوبر جيت هيقف في مكان من اتنين:
1-محطه الاسعاف: و ساعتها هتعدي الشارع و هتلاقي ناس واقفه علي الصف التاني جوه و ميكروباصات كتير قوي بتيجي تركب اللي رايحه موقف السخنه
2-موقف السوبرجيت بتاع السويس: هتلاقي جنبه موقف ميكروباصات يا اما تركب العين السخنه علي طول من هناك او تركب لموقف السخنه(بلاش تستني ميكروباصات السخنه من هناك علشان انت و حظك و ساعات بياخد وقت علي بال ما يحمل

و من موقف السخنه تركب ميكروباص و تسأل بس السواق علي اسم القريه اللي انت رايحها

و ممكن بردو تاخد تاكسي بس خد بالك اقل حاجه كانت بتوديني لغايه ميناء السخنه (هتبقي تشوفها و انت علي طريق السخنه علي ايدك الشمال) و كان بياخد 15 جنيه
فأنت و صحابك ممكن يبقي من 20-25الي 30 مش اكتر من كده و اتفق قبل ما تركب