إعـــــــلان

Collapse

.

,
See more
See less

ازاي أروح الازهر بارك من شارع فيصل

Collapse
X
 
  • Filter
  • الوقت
  • Show
Clear All
new posts

  • ازاي أروح الازهر بارك من شارع فيصل

    السلام عليكم يا شباب ياريت توصفولي حركب ايه ولا حعمل ايه عشان اروح الازهر بارك علماً بأني حتحرك من شارع فيصل :b4_556:

  • #2
    الموضوع بسيط خالص ممكن تاخد المترو من اول فيصل وتنزل محطة العتبة ومن عند جراج العتبة الى قدام المطافى هاتلاقى عربيات بيجو 7 راكب تاكسى (النفر بجنيه تقريبا ) بتروح لحد الحسين ومن الحسين اتمشى 3 دقايق هاتبقى فى حديقة الازهر بس امانة ابقى لنا الفاتحة وانت معدى جنب سيدنا الحسين
    احمد حـــــ ابوكريم ــــــــــــــامد
    unix Administrator - مركز المعلومات ودعم اتخاذ القرار - مجلس الوزراء
    Opel Vectra B 1997

    Comment


    • #3
      فعلاً زي ما قال الإستاذ أحمد الموضوع بسيط، فيه طريق تاني سهل جداً إنك تركب السيده عائشة من فيصل وتنزل تركب تاكسي بردو ب 2 جنيه بس خلي بالك حتحتاج تعدي الطريق وفي المنطقه دي بالذات خطر خلي بالك وخصوصا لو معاك حد.
      مع تمنياتي لك بقضاء وقت ممتع.
      [CENTER]If there's so much I must be
      Can I still just be me
      The way I am?

      Can I trust in my own heart
      Or am I just one part
      Of some big plan
      .........?.........
      [/CENTER]

      Comment


      • #4
        الف شكر يا جماعة بجد وان شاء الله حدعيلكم وانا معدي علي الحسين ^^ بس أعتقد ان طريقة المترو أسهل صح ولا لاء

        Comment


        • #5
          حسب راحتك وراحة الى معاك فيه ناس مش بتطيق المترو خالص وناس مش بتطيق الميكروباص خالص ممكن من السيدة عائشة زى ماقاللك بشير ودى سهلة وقريبة بس بيتهيألى هاتضطر تركبها من الهرم مش من فيصل وهاتقف شوية تستنى الميكروباص لانه مش كتير (بس ممكن تركب لميدان الجيزة ومن هناك تغير للسيدة عائشة وبعدين تاخد حاجة للحسين) ولو هاتاخد تاكسى خليه يعدى بيك شارع صلاح سالم مش لازم تعدى على رجلك.

          وممكن لو انت مش فارقة معاك الفلوس او لو معاك حد كبير فى السن خد تاكسى على طول من عند البيت لحد هناك :)
          احمد حـــــ ابوكريم ــــــــــــــامد
          unix Administrator - مركز المعلومات ودعم اتخاذ القرار - مجلس الوزراء
          Opel Vectra B 1997

          Comment


          • #6
            المشاركة الأصلية كتبت بواسطة madawbs مشاهدة المشاركة
            بس بيتهيألى هاتضطر تركبها من الهرم مش من فيصل وهاتقف شوية تستنى الميكروباص لانه مش كتير (بس ممكن تركب لميدان الجيزة ومن هناك تغير للسيدة عائشة وبعدين تاخد حاجة للحسين) ولو هاتاخد تاكسى خليه يعدى بيك شارع صلاح سالم مش لازم تعدى على رجلك.

            وممكن لو انت مش فارقة معاك الفلوس او لو معاك حد كبير فى السن خد تاكسى على طول من عند البيت لحد هناك :)
            عربيات السيده عائشه من اول فيصل عند الملف قبل الكوبري لو متعرفوش اسال و هو معروف مش محتاج تروح الهرم
            منصحكش تعدي الشارع ممكن التاكسي يلف بيك من تحت الكوبري تقريبا لو مش غلطانه فالاسم الفردوس مش بعيد يعني
            وان شاء الله يبقي يوم حلو

            وسواء مترو او مواصلات الموضوع مش فارق كتير الا لو حد مبيحبش يركب مترو او حاجه كده
            dh4ever سابقا
            [thread=55971] سلوكياتنا واللي حوالينا [/thread]

            Comment

            Working...
            X