أروح بورسعيد بالمواصلات ازاي

[karmoty]

سلامو عليكو
أعزائي الأعضاء عايز اعرف منكم إزاي اروح بورسعيد بالمواصلات انا من الهرم وعايز أعرفايه المواصلات اللي اركبها وفين الموقف بتاع بورسعيد ؟

[Amo0o0oRa]

بص يا باشا ممكن تطلع الدائرى وتركب مرج وتنزل هتلاقى العربيات تحت الدائرى. وممكن عربيات السلام وبرضه هتنزل المرج و تركب نفس العربيات من تحت الدائرى

[A.Saad]

ممكن تاخد السوبر جيت
او شرق الدلتا
وبيتهيالى انهم من موقف الترجمان
بس اتاكد بالتليفون

[waelwael]

أولا مرحبا بك فى بورسعيد فى أى وقت
ثانيا :- يمكن السفر من القاهره من الأماكن التاليه :-
1) ميناء القاهره البرى بالترجمان ويوجد إتوبيسات شرق الدلتا ( البولمان ) بمعدل إتوبيس كل ساعه .أو إتوبيس الأتحاد العربى ( السوبر جيت )
2 ) من رمسيس يوجد فرع أخر لأتوبيسات الوبر جيت .
3 ) عربيات 7 راكب موجوده فى القللى أو فى موقف السفر بالمرج الجديده
4) يوجد محطه صعود فى جسر السويس للبولمان ( محطه التجنيد)
5 ) يوجد محطه ركوب بألماظه لكلا ن السوبر جيت والبولمان
6 ) عند الوصول لبورسعيد التاكسى من موقف مبارك إلى أى مكان 2.5ج فقط .
7 ) أى ميكروباص 40 قرش فقط
8 )أى إسأله أخرى عن مدينه بورسعيد من حيث الأقامه أو الشراء نحن فى الخدمه

[karmoty]

asaadte
عضو برونزي
Amo0o0oRa
عضو جديد
Amo0o0oRa
عضو جديد
asaadte
عضو برونزي
asaadte
عضو برونزي
شكرا جزيلا للاخوة عمورة و أسعد جزاكم الله خيرا والله مش عارف اشكركم ازاي
أما بقه بالنسبة للاخ وائل فانت كدة برنس وخصوصا انك قايل التفاصيل الدقيقة اوي يعني انت كدة عملت معايا احلى واجب وانت كدة خدمتني عالاخر وبصراحة لو طلبت منك حاجة تاني ابقى قليل الذوق انت كدة عداك العيب يا برنس
جزاك الله خيرا
وشكرا للردود على الموضوع,وجزاكم الله خيرا ياجماعة وهو ده العشم برضه
سلامو عليكم

[ashraf MAbrouk]

لو سمحت المسافة اد ايه وبتاخد كام وقت