تعديل جميع مواعيد القطارات

[mr_kenawy]

اعتبارا من 1/4/2009 تم تعديل جميع مواعيد القطارات قبلى و بحرى , ياريت لو حد من اعضاء المنتدى الكرام معاه الجدول الجديد لمواعيد و ارقام القطارات يفيدنا بيه.

نقل لمنتدى السفريات بمعرفتى

مشرف المنتدى العام

[ASKAFRAWY]

مصدر الخبر؟

[mr_kenawy]

التجربة الشخصية بالاضافة الى جميع الجرائد, النهاردة كنت مسافر من اسيوط الى سوهاج و بالعكس و لما جيت احجز لقيت كل الشبابيك ممتنعة عن الحجز لاى حد لانهم لسة ما يعرفوش المواعيد الجديدة , و لما جه القطر و ركبت سألت رئيس القطار هل القطار بيقف فى مركز جرجا و لا لأ قالى انه هو شخصيا ما يعرفش بسبب التعديلات الجديدة.

[ASKAFRAWY]

جارى البحث عن المواعيد الجديدة!بس هى ماظهرتش فى اى جريدة او برنامج تليفزيونى

[l0new0lf]

انا سمعت ان الناس الى بتستنى القطار فى المحطه لو القطار اتاخر بياخدوا غرامه (حاجه كده زى ارضيه) الكلام ده مضبوط؟

[ASKAFRAWY]

انا سمعت ان الناس الى بتستنى القطار فى المحطه لو القطار اتاخر بياخدوا غرامه (حاجه كده زى ارضيه) الكلام ده مضبوط؟

دة من امتى؟؟ارضيه؟؟
عمار يامصر!واللى معهوش يدفع؟يقلعوه هدومه؟
هى البلد رايحة فيييييييييييييييييييييييييييييين

[l0new0lf]

انا علشان كده باسال لانى مباستخدمش القطارات
بس الناس اللى قالولى اكدولى ان الخبر جه فى التلفزيون كمان و عملوا مقابلات مع التاس (ممكن تكون كدبة ابريل؟)
ياريت الناس اللى بتستخدم القطار تسال لنا فى الموضوع ده

[ASKAFRAWY]

انا علشان كده باسال لانى مباستخدمش القطارات
بس الناس اللى قالولى اكدولى ان الخبر جه فى التلفزيون كمان و عملوا مقابلات مع التاس (ممكن تكون كدبة ابريل؟)
ياريت الناس اللى بتستخدم القطار تسال لنا فى الموضوع ده

لا معتقدش!ايأل لحضرتك على المعلومة دى..لان لو صحيحية يبقى وداعا هيئة سكة حديد مصر!!

[Mohd_Adel_Amin]

ممكن حضرتك تفتح الموقع بتاعهم
egyptrail.gov.eg
وبيكون موجود فيه مواعيد واسعار القطارات , اعذرني انا مش عارف المواعيد القديمة علشان اشوف المواعيد اتغيرت ولا لأ حضرتك من واقع علمك بها ممكن تشوف الوضع ايه ...

[A.Saad]

ممكن حضرتك تفتح الموقع بتاعهم
egyptrail.gov.eg
وبيكون موجود فيه مواعيد واسعار القطارات , اعذرني انا مش عارف المواعيد القديمة علشان اشوف المواعيد اتغيرت ولا لأ حضرتك من واقع علمك بها ممكن تشوف الوضع ايه ...

التعديلات لسه مانزلتش على الموقع