الرادار

[DR.M]

في مدخل اي بلد السرعة 60 الباقي 90
هتعرف منين؟؟ 1- تهدي السرعة و تقرأ العلامة
2- تتمسك رادار

[agwaa]

يا سيدى شكرا على النصيحه بس لو الطريق فاضى قدامك ليه تمشى زى الكتكوت ومجاوبتنيش على الزراعىوشكرا ونتغاضى عن اسلوبك الحاد

إسمع كلام أخوك الكبير يا ولدي ( كلام أخوك الكابير يصير يا حسنين .. علشان كبير يا ولدي ....)

لأ بجد الأخ العضو العزيز كان أمين معاك وكان عنده موش ألف حق لأ مليون حق السرعة موش شطارة

ورأيي الشخصي قد أبطأ تصل أسرع

دة موش كلام أنشا ء

أنا مقدر موقفك إنك مستجد في السواقة والموضوع لسة جديد عليك فبتحب تتمنظر حبتين أحنا كلنا كنا كدة في الأول بس حقيقي لو العربية اللي أنت راكبها لو تمنها أنت شقيان فيها هتتدارك الكلام ده وهتتخطى مرحلة التهور دي بسرعة
وفي النهاية إنت حر ما لم تتضر

أما عن تساؤلك عن الرادار على الطريق الزراعي زي ما عضو قال لك أماكن فيه 90 وأماكن فيها 60
هتقوللي أعرفها إزاي أقول لك بالممارسة يعني بخبرتك بالطرق اللي بتسافر عليها

[agwaa]

عاوز اروح اسكندرية يومين او ثلاثه
حد يعرف فندق رخيص على الكورنيش تكون اسعارة فى المتناول لفردين
يهمنى يكون نظيف و مش مهم الاكل اوى

مافيش فندق في إسكندرية وعلى الكورنيش رخيص ده من رابع المستحيلات
وعموما شوف فندق نوبل بكورنيش كليوباترا سعره موش بطال

والإخوة السكندريين ممكن يفيدوك أكتر

[ابو حسين]

بص يا سيدي انته بتقول انته لسه مبتدا في السواقه وبتجري ..حرام علييك يا عم امشي براحه او متوسط عشان تروح بيتك سليم انته غالي اوي عند اهلك ودي نصيحه من اخوك ..
بالنسبه للسرعه جوه البلد قانوني 60 وعلى الاوتستراد 60 لاني والله العظيم اتلقط رادار على 87 ودفعت فوري 150 بالنسبله للمحور 90 و اسكندريه الصحراوي 100 ومن الاخر السرعه مش شطاره و لا رجوله خد بالك بجد وامشي معقول عشان فلوس عربيتك انته مش لاقيها في الشارع انته تعبان فيها .. اسف والله لان كلامي تقيل شويه بس بجد بحزن لما حد يحصله على بسبب السرعه .. وربنا يوفقك ويحمييك ..

[badreldin]

ميرس بوكو

متشكرين يا باشا على الاهتمام

مافيش فندق في إسكندرية وعلى الكورنيش رخيص ده من رابع المستحيلات
وعموما شوف فندق نوبل بكورنيش كليوباترا سعره موش بطال

والإخوة السكندريين ممكن يفيدوك أكتر

[robenftw]

بيبقي مكتوب علي العلامات المرورية . اكيد و انتا بتتعلم السواقة زاكرت و حفظت ورقة مكتوب عليها العلامات المرورية. لما تحفظها هتعرف امتا تمشي 20 او 30 او 60 او 90 او 100

[Mosmafa]

عايز اجاية بشكل تاني
سافر من بعد 7 المغرب لغاية 5 الفجر
الوقت ده مفيهوش حاجة اسمها ردادر
الا عالمحور في كاميرا ليلي
بتلقط 80 او 60 مش فاكر