مستشفى غمرة العسكرى

[mando_07]

ممكن يا جماعة اللي يعرف مكان مستشفى غمرة العسكرى يقولي أروحها ازاي (علماً باني ساكن في الهرم) عشان جدتي أتحجزت إنهردة هناك في العناية المركزة وأنا بإذن الله هرحلها بكرا يعني
المفروض بعد مطلع كوبري أكتوبر أنزل أني فتحة وبعد كدا أمشي ازاي
و شكراً مقدماً

[Terrible_DaRsH]

متاكد انها فى غمرة يا ماندو ولا فى الشرابية ؟

[mando_07]

افتكر أنها قريبة من الشرابية

[Terrible_DaRsH]

و انت جاى من الهرم هتنزل نزلة غمرة عادى .. وتاخد اول يو تيرن على الطريق علشان تبقي فى الطريق العكسي وتطلع اكتوبر تانى و تنزل اول نزلة وتلف هتلاقى المستشفى على شمالك ..

[نور القمر]

انا اعرف انها عند محطة مترو الانفاق غمرة بالظبط

[mando_07]

و انت جاى من الهرم هتنزل نزلة غمرة عادى .. وتاخد اول يو تيرن على الطريق علشان تبقي فى الطريق العكسي وتطلع اكتوبر تانى و تنزل اول نزلة وتلف هتلاقى المستشفى على شمالك ..

يعني أنزل نزلة غمرة من كوبري أكتوبر ؟ وهي بيبقى في يافطة ولا حاجة قبل الفتحة ولو بيبقى فيه حاجة أبلها مميزة و معلش بعد منزل و أخود ال u turn وأطلع على الكوبري وأنزل أول لفة أعمل إيه أفضل ماشي وهي هتبقى على شمالي؟؟وطبعاً ألف شكر يا حبيب قلبي على مساعتدك دي:k10: أنا مكنش عندي خلفية خالص عمري مارحت المكان دة

[mando_07]

انا اعرف انها عند محطة مترو الانفاق غمرة بالظبط

شكراً يا نور القمر وربنا يسهل بكرة

[A.Saad]

تقوم بالسلامة ان شاء الله

[mando_07]

تقوم بالسلامة ان شاء الله

يا رب
وشكراً ليك

[Terrible_DaRsH]

يعني أنزل نزلة غمرة من كوبري أكتوبر ؟ وهي بيبقى في يافطة ولا حاجة قبل الفتحة ولو بيبقى فيه حاجة أبلها مميزة و معلش بعد منزل و أخود ال u turn وأطلع على الكوبري وأنزل أول لفة أعمل إيه أفضل ماشي وهي هتبقى على شمالي؟؟وطبعاً ألف شكر يا حبيب قلبي على مساعتدك دي:k10: أنا مكنش عندي خلفية خالص عمري مارحت المكان دة

العفو يا ماندو ..

بص يا مان .

طبعا بعد رمسيس بشوية هتلاقى مكتوب نزلة غمرة بعد 200 متر ..

انزلها وخليك شمااااال لحد ما تلاقى على شمالك ملف بس كبير شوية تلفه هيبقي عنده محلات موبيليا علشان ميفوتكش ..

اول ما تلف من هناك هتلاقى مطلع اكتوبر تانى ..

تطلعه وتقوم نازل اول نزلة تقابلك و تقوم واخد اول ملف يمين هتلاقى نفسك عند المستشفى ..

وربنا يقومهالك بالسلامة ان شاء الله ..

[mando_07]

العفو يا ماندو ..

بص يا مان .

طبعا بعد رمسيس بشوية هتلاقى مكتوب نزلة غمرة بعد 200 متر ..

انزلها وخليك شمااااال لحد ما تلاقى على شمالك ملف بس كبير شوية تلفه هيبقي عنده محلات موبيليا علشان ميفوتكش ..

اول ما تلف من هناك هتلاقى مطلع اكتوبر تانى ..

تطلعه وتقوم نازل اول نزلة تقابلك و تقوم واخد اول ملف يمين هتلاقى نفسك عند المستشفى ..

Terrible DaRsH أنا ولاهي عاجز عن الشكر أنا لولاك كنت هنزل مصر الجديدة وأبقى اسئل هناك وصفك ممتاز محدش قبل كدا وصفلي طريق وتخيلته كدا

وربنا يقومهالك بالسلامة ان شاء الله ..

الله يخليك يارب تقوم بالسلامة انشاالله لحسن قلقتنا عليها