إعـــــــلان

Collapse

.

,
See more
See less

مطلوب معلومات عن راس سدر + الطريق

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    مطلوب معلومات عن راس سدر + الطريق

    مساء الخير لأحلي ناس

    بفكر أخطف يوم كدة في حتة جديدة .. لو حد راح راس سدر قبل كدة يقولي إيه نظامها و أسعار الفنادق و القري هناك بالنسبة للداي يوز .. و إيه أحسن الأماكن و لو فيه مزارات قريبة منها علي الطريق زي عيون موسي مثلاَ .

    و يا ريت وصف للطريق من ميدان لبنان .. و شكراَ لكم مقدماَ .
    [COLOR="gray"]
    [CENTER]Leadership is based on inspiration, not domination[/CENTER][/COLOR]
    الكلمات الدلالية (Tags): أحسن, أسعار, إيه, البنزين, الطريق, الي, ام, حل, رادار, راس, رخصة, ريس, سير, عن, في, مرور, مصر, مطلوب, مع, معلومات, من, هنا, وصف
  • #2
    أنا كنت لسة هناك الأجازة الي فاتت ...

    في الأول مجموعة قرى سياحية على البحر ... وفي الآخر البلد نفسها ...

    البلد طبعا ً فاضية مفهاش حاجة ... كل الشغل في القرى السياحية

    أنا نزلت في قرية رمادا ... بس معنديش فكرة عن الأسعار ...

    البحر هناك تحفة بمعنى الكلمة ... المية نضيفة جدا ً والسمك الصغير حواليك

    وممكن بردوا الصبح تروح مزار عيون موسى ... المكان هناك حلو وهتتبسط فيه ومش هياخد منك نص ساعة

    بالليل في القرى السياحية بيبقى فيه كل يوم حفلات دي جي على حمام السباحة وسهرة للفجر

    هيا بلد حلوة للاسترخاء ... لكن أنا شايف إنها مش مناسبة أوي للشباب
    [CENTER]الي مدخلش QNET .. مدخلش دنيا
    http://www.nilemotors.net/Nile/244377-a.html
    [/CENTER]

    Comment

    • #3
      أنا بسافر كتير بحكم عملي علي الطريق ده و وصفه كالتالي:
      من ميدان لبنان - المحور - الطريق الدائري في أتجاه طريق السويس - منزل طريق السويس - علي طول الي السويس - بعد بوابة السويس تلف أول يوتيرن شمال - بعد كده يمين طريق النفق- بعد النفق تأخد يمين في أتجاه رأس سدر

      - السرعة علي طريق السويس 100كم/ساعة (فيه رادار عند مدينة بدر)
      - السرعة علي طريق رأس سدر 90 كم/ساعة و الطريق أتجاهين و فيه أصلاحات فخلي بالك

      - محطات البنزين و الخدمة:
      1- محطة شل أول طريق السويس (الكيلو 4 و نص)
      2- محطة بنزين (مش فاكر أسمها ) قبل بوابة السويس
      3- محطة وطنية + كافيتريا و ماركت قبل النفق
      4- محطة بنزين في رأس سدر (التعاون / مصر للبترول)

      و توصل بالسلامة و تقضي أن شاء الله أجازة سعيدة
      [SIGPIC][/SIGPIC]

      Comment

      • #4
        متشكر جداَ لأستاذ و باشمهندس سمير

        كنت عايز أسأل علي حاجة يا جماعة .. انا عندي شرخ في الزجاج الأمامي
        هو لا يعوق الرؤية لكن باين شوية .

        هل ده يكون خطر .. هل فيه لجان رخمة في الطريق ده أو طريق السخنة ممكن تسحب الرخصة بسبب الموضوع ده ؟

        و شكراَ مقدماَ مرة تانية .
        [COLOR="gray"]
        [CENTER]Leadership is based on inspiration, not domination[/CENTER][/COLOR]

        Comment

        • #5
          يبص يا محمود .

          اجمل مكان رحته فى حياتى هو راس سدر بامانة .

          كان عندنا شاليه هناك زمان . وكان اجمل مكان بروحه فى حياتى .

          و انت ماشي فى نفق الشهيد احمد حمدى ابقي افتكرنى يا ريس :) :)

          بس مش هتلاقى مدينة كبيرة يعنى كلها مدن .

          بس البحر هناك انظف من شرم :)

          و فى لجنة تفتيش عند عين موسي تقريبا دى اللى بتبقي رخمة ممكن

          تيجى بالسلامة .

          Comment

          • #6
            اللجان اللي في الطريق كلها لجان "أمن دولة" و نادر أن تجد لجان مرور كل اللي بيهتموا به الهوية (البطاقة للركاب + رخصة القيادة للسائق+ رخصة العربية) و في حالة عربيات الايجار (عقد الايجار)

            ماتقلقش يامحمود أهم حاجة ماتجريش علي الطريق ده و تحاول تمشي عليه بالنهار مش بالليل
            [SIGPIC][/SIGPIC]

            Comment

            السابق template التالي
            Working...
            X