من الاتوستراد الي نادي المعادي

[amromoustafa]

السلام عليكم
انا عايز اذهب من الاتوستراد من امام نادي السكة الحديد الي نادي المعادي بالسيارة فما افضل طريق الي هناك وما المدة المتوقع الوصول خلالها
وشكرا لكم جميعا

[bishoy02010]

معلش لو حضرتك تقلى مكان نادى المعادى فين فى المعادى إن شاء الله هوصفلك الطريق بس نادى المعادى انا مش عارفة !!! حضرتك تقصد دجلة !!!

[stonetaker]

حضرتك تخلى نادى السكه على شمالك وتمشى علطول طريق الاوتستراد لا تحود لا يمين ولا شمال لحد ما تلاقى كوبرى مشاه فوقك(صفر قريش) تبتدى تهدى وتيجى ناحيه اليمين عشان اول ما تلاقى يافطه مكتوب عليها دجله هتدخل الدخله دى( وسط عمارات نيركو) تخلص الشارع ده وتدخل شمال وتفضل ماشى علطول وتعدى على ميدان(فيكتوريا) تاخد الشارع اللى قدامك برضو وتكمل علطول وهتعدى على ميدان تانى (ميدان بورسعيد) عند قسم المعادى من هنا تفوت اول شارع وتدخل فى تانى شارع فى الميدان ومن الشارع ده هتلاقى ميدان فى النص ده ميدان نادى المعادى
معلش الوصفه يمكن تكون ممله شويه بس انا وصفلك بالتفصيل بعيد عن شارع النصر وزحمته

[amromoustafa]

معلش لو حضرتك تقلى مكان نادى المعادى فين فى المعادى إن شاء الله هوصفلك الطريق بس نادى المعادى انا مش عارفة !!! حضرتك تقصد دجلة !!!

انا اقصد نادي المعادي اللي بجوار المركز الاولمبي بالمعادي وشكرا لك

[heshaaam]

خد الخريطة دى هتلاقى الاوتوسترد ع يمين القمر الصناعى والنادى ع الشمال من القمر الصناعى

[heshaaam]

ودى خريطة تانية