بورسعيد

[osamaesm]

ان شاء الله رايح بورسعيد يوم الجمعه

بس انا مرحتهاش قبل كده ولا مره
فمش عارف اروح فين واشتري لبس منين للولاد واكل فين سمك طبعا وايه الاحسن اركن عربيتي واتحرك بتاكس ولا الركنه سهله والتاكس اسعاره ايه يعني زي مصر والا ايه

[mshamy]

إن شاء الله تنور البلد

أولا الطريق:
حضرتك تاخد طريق الإسماعيلية وإحذر الردار عند مدينة الشروق و قبل الإسماعيلية بعشرة كيلو متر ثم تأخد طريق بورسعيد و احذر الردار قبل بوابة الكارتة و السرعة 100 كيلو/ساعة

ثانيا محلات الملابس:
1- شارع الجمهورية و منطقة الإفرانج (مستوى عالي)
2- ميدان المنشية و شارع الثلاثيني
3- التجاري

ثالثا الأكل:
اتجه لشارع طرح البحر و أسال على مجمع المطاعم و اختر ما بين الكاستن و البرج و بالهنا و الشفا

رابعا العربية و المرور:
البلد ما تعتبرش زحمة إلا في أماكن التسوق ... بس العثور على ركنة مش مستحيل و ممكن تركن في شارع جانبي و تمشي خطوتين ..البلد صغيرة و المواصلات متوفرة لو تحب تأخد تاكسي من الشرق للغرب ب 3 او 4 جنية بالكتير

[waelwael]

يا سيدى الفاضل مرحبا بك فى بورسعيد
الزميل العزيز mshamy إفاض معك وكل ما ذكره مظبوط مائه فى المائه ولكن سأشرح لك بعض التفاصيل
بالنسبه للأكل لحسن حظك إن كافه المطاعم الكبرى تم نقلها إلى مجمع المطاعم الجديد وهو يقع على البحر مباشره نهايه شارع الأمين وقبله يقع إستاد بورسعيد وفعلا إفضل مطعم البرج والكاستن
أما بالنسبه للملابس فأن هناك العديد من الأسواق السوق الأول هو السوق التجارى وبدايته تبدأ من شارع محمد على الذى هو نفس طريق القاهره / بورسعيد ولكن داخل المدينه ويمكن ركن السياره بجوار الكنيسه التى تقع فى شارع محمدعلى حيث إغلب زوار بورسعيد من المحافظات المجاوره يفعلون ذلك وتعدى الشارع تجد نفسك فى السوق التجارى و موازى له سوق الحميدى وهو سوق ملابس إيضا ويوجد العديد من المحلات فى ش التلاتينى الذى يقطعه ش محمد على ويؤدى ش التلاتينى إلى ميدان المنشيه الذى به العديد من المحلات ومن ميدان المنشيه يمكن التوجه إلى ش الجمهوريه وبه العديد من المحلات وقد إنشا سوق تجارى ملحق بقريه مرحبا بشارع طرح البحر وبجواره سوق تجارىملحق بقريه الكراون .
مع الأخذ فى الأعتبار إن المحلات بسوق التجارى والحميدى تبيع منتجات صينيه بأسعار رخيصه بالمقارنه بمحلات ش التلاتينى وش الجمهوريه وش ميدان المنشيه والسوق التجارى بقريه مرحبا والكروان .والتى تبيع منتجات تركيه وسوريه إفضل نسبيا من المنتجات الصينيه
و لكن إحب إن أوضح لك إن نشاط المنطقه الحره قد تقلص بصوره كبيره هذا العام وتعد حاليا محلات وسط البلد بالقاهره إفضل من حيث التنوع فى المنتجات من بورسعيد ووكذلك منطقه القنطره غرب بمحافظه الأسماعيليه حاليا يوجد العديد من المواطنين البورسعيدين يشترون ملابسهم من القنطره والقاهره
وسعر الميكروباص فى بورسعيد 40 قرش والتاكسى إقصى سعر 3 جنيه
وإن شاء الله وقت ممتع بأذن الله فى بورسعيد
وأى سؤال فى أى وقت

[osamaesm]

الف شكر ياشباب
انا برده مش معتمد علي الشرا قوي الفكره كلها اني اغير جو انا ةالولاد وخصوصا اني هكون بايت في اسماعليه النهارده باذن الله

[Migo123]

ووكذلك منطقه القنطره غرب بمحافظه الأسماعيليه

ايه اللي بيحصل في المنطقه دي بقه ؟؟؟
ملابس مستورده ... ومحلات ولا تجار ولا ايه النظام ؟؟؟!!!!!

[mohamed_rhem]

طيب ياريت اهل بورسعيد

يقولنا فين بتتباع سيارات الاستيراد يعني الصاج والمواتير

[waelwael]

مرحبا بك فى بورسعيد الزميل mohamed_rhem
إنت قصدك قطع غيار السيارات المستعمله
دى تباع فى منطقه مساكن بنك الأسكان وعددها 84 عماره وهى على مقربه من موقف مبارك الخاص بمواصلات القاهره بخمس دقائق فقط ولحس حظك إن كافه المحلات قامت بأستيراد البضاعه الخاصه بالحصه الأستيراديه بها الشهر الماضى فقط فعندما تحضر بأذن الله ستجد ما تريده إن شاء الله وكل محل متخصص فى إنواع معينه فقط .
و أى سؤال إحنا فى الخدمة

[waelwael]

يوم الجمعه إجازه العمل من السبت حتى الخميس من الساعه الثامنه صباحا حتى السادسه مساء

[biboelking200]

طيب عاوزين نسال علي حاجات الاوبل عندكم يا عمنا فين في العمارات ديه علشان نزلت سالت لاقيت 2 بس اللى شغالين فيه
محمد قشطه باين وحمدي لادا بس دول في حته تاني ولا خلاص الكلام علي كده