الطريق الى طابا

[islamnabil]

السلام عليكم
طبعا ده مش عنوان فيلم جديد ولا حاجة

انا ان شاء الله رايح اقضي يومين في طابا
و ان شاء الله حسافر بالعربية
ياريت بقى خبراتكم عن الطريق و اماكن الخدمات و الرادار و الذي منه
الحقيقة الهدف من الرحلة هو استكشاف سيناء الحبيبة و الاستجمام طبعا :k52:
والاستمتاع بقيادة السيارة وسط طبيعة سيناء الخلابة

ياريت لو حد عنده معلومات اكتر عن الانشطة اللي الواحد ممكن يعملها هناك و اهم المعالم اللي لازم ازورها و كده يعني
طبعا اكيد في بيننا حد من سيناء او عنده خبره بيها فاياريت ماتبخلوش عليا بردكم
وجزاكم الله خيرا

[Samir Elshahawy]

أولا.. الطريق الي "طابا" ( وليس الي أيلات):
- طريق القاهرة / السويس (86 كم) حتي البوابة , السرعة (100كم/ساعة) ,
- بعد بوابة السويس تأخد أول يوتيرن شمال في أول يمين الي نفق الشهيد "أحمد حمدي"
- بعد النفق تمشي هتلاقي طريقين علي طول في أتجه "راس سدر و شرم الشيخ" و طريق شمال (اتجاه نويبع - طريق نخل) هاتمشي في طريق "نخل" في اتجاه نويبع (حوالي 360 كم) الي طابا

ثانيا.. أماكن الرادار:
- طريق القاهرة / السويس: عند مدينة بدر - و احيانا بعد بدر بحوالي (10 - 15) كم
- طرق سيناء : لم أجد عليها رادارات و لكن الحرص واجب

ثالثا.. حالة الطريق:
- طريق السويس جيد جدا تقدر تمشي عليه لحد (160 كم/ساعة) و لكن لا أنصحك بذلك خليك في المضمون (100 - 120) كم/ساعة
- طريق نخل متوسط لأن فيه توضيب في وصلات كتير فبلاش تجري فيه و كمان فيه كمائن أمنية و مرورية كتير
- طريق "طابا" شبيه بطريق "العين السخنة" و لكن أخطر (منحنيات حادة جدا و منحدرات) فأحذر و لا تسرع

رابعا.. محطات الخدمة:
- محطة شل ووطنية في الكيلو 4 و نص أول طريق السويس
- محطة "موبيل" قبل بوابة السويس مباشرة
- محطة و أستراحة "وطنية" قبل مدخل النفق
- توجد محطة بنزين بعد النفق في أول دخلة طريق (نخل - نويبع)
- مدينة نخل بها أستراحات و كافيتريات و محطات بنزين

خامسا.. الاماكن السياحية:
- طابا و القري بين طابا و نويبع (نويبع 70 كم من طابا)
- قلعة "صلاح الدين" بالقرب من نويبع
- هيلتون طابا

و رحلة موفقة و أجازة سعيدة بأذن الله

[pro_samir]

أهم حاجة تاخد بالك من الطريق كويس بالذات المناطق اللى الطريق فيها ماشى بين جبال والملفات اللى فيها مع المطالع والمنازل

وبخاصة قبل نويبع بشوية

والطريق نويبع طابا حوالى 65 كيلو منتهى الروعة ومنتهى الخطورة فى نفس الوقت لأن ممكن تبقى نازل من على جبل و بتاخد ملف فى نفس الوقت وطبعا خطر انك تفضل دايس فرامل فترة طويلة فالمفروض بتلم العربية بالغيارات بتاع الفتيس

ومستنيين شوية صور حلوة كدة

[islamnabil]

أولا.. الطريق الي "طابا" ( وليس الي أيلات):
- طريق القاهرة / السويس (86 كم) حتي البوابة , السرعة (100كم/ساعة) ,
- بعد بوابة السويس تأخد أول يوتيرن شمال في أول يمين الي نفق الشهيد "أحمد حمدي"
- بعد النفق تمشي هتلاقي طريقين علي طول في أتجه "راس سدر و شرم الشيخ" و طريق شمال (اتجاه نويبع - طريق نخل) هاتمشي في طريق "نخل" في اتجاه نويبع (حوالي 360 كم) الي طابا

ثانيا.. أماكن الرادار:
- طريق القاهرة / السويس: عند مدينة بدر - و احيانا بعد بدر بحوالي (10 - 15) كم
- طرق سيناء : لم أجد عليها رادارات و لكن الحرص واجب

ثالثا.. حالة الطريق:
- طريق السويس جيد جدا تقدر تمشي عليه لحد (160 كم/ساعة) و لكن لا أنصحك بذلك خليك في المضمون (100 - 120) كم/ساعة
- طريق نخل متوسط لأن فيه توضيب في وصلات كتير فبلاش تجري فيه و كمان فيه كمائن أمنية و مرورية كتير
- طريق "طابا" شبيه بطريق "العين السخنة" و لكن أخطر (منحنيات حادة جدا و منحدرات) فأحذر و لا تسرع

رابعا.. محطات الخدمة:
- محطة شل ووطنية في الكيلو 4 و نص أول طريق السويس
- محطة "موبيل" قبل بوابة السويس مباشرة
- محطة و أستراحة "وطنية" قبل مدخل النفق
- توجد محطة بنزين بعد النفق في أول دخلة طريق (نخل - نويبع)
- مدينة نخل بها أستراحات و كافيتريات و محطات بنزين

خامسا.. الاماكن السياحية:
- طابا و القري بين طابا و نويبع (نويبع 70 كم من طابا)
- قلعة "صلاح الدين" بالقرب من نويبع
- هيلتون طابا

و رحلة موفقة و أجازة سعيدة بأذن الله

يافندم جزاك الله خيرا
اوجزت و اوفيت
ربنا يكرمك

[islamnabil]

أهم حاجة تاخد بالك من الطريق كويس بالذات المناطق اللى الطريق فيها ماشى بين جبال والملفات اللى فيها مع المطالع والمنازل

وبخاصة قبل نويبع بشوية

والطريق نويبع طابا حوالى 65 كيلو منتهى الروعة ومنتهى الخطورة فى نفس الوقت لأن ممكن تبقى نازل من على جبل و بتاخد ملف فى نفس الوقت وطبعا خطر انك تفضل دايس فرامل فترة طويلة فالمفروض بتلم العربية بالغيارات بتاع الفتيس

ومستنيين شوية صور حلوة كدة

جزاك الله خيرا
وربنا يستر ان شاء الله في الطريق
و ان شاء الله الكاميرا جاهزة و full charged
دعواتك

[أشرف فتحى]

إن شاء الله تكون رحله سعيده!
نصيحه صغيره
عند النخل يوجد كثبان رمليه متحركه بمعنى الهوا بيجيب تراب او رمل ناعم من الجبل ويرميها على الطريق مكون تلال صغيره من الرمال على جانب الطريق كمان الطريق بيبقى على منخفض صعب وخطر ومن نويبع لطابا الطريق عباره عن مجموعه ملفات خطر وللعلم الطريق مزدوج رايح جى!

فيفضل وبما انك هتروح بسيارتك ولاول مره تكون بالنهار وبلاش القياده باليل تماما!! بتبقى عباره عن فيلم رعب لهيتشكوك!


لكن جمال المناظر بيعوضك عن كل ده مش هتبطل تقول سبحان الله !ورحله سعيده إن شاء الله!

[islamnabil]

إن شاء الله تكون رحله سعيده!
نصيحه صغيره
عند النخل يوجد كثبان رمليه متحركه بمعنى الهوا بيجيب تراب او رمل ناعم من الجبل ويرميها على الطريق مكون تلال صغيره من الرمال على جانب الطريق كمان الطريق بيبقى على منخفض صعب وخطر ومن نويبع لطابا الطريق عباره عن مجموعه ملفات خطر وللعلم الطريق مزدوج رايح جى!

فيفضل وبما انك هتروح بسيارتك ولاول مره تكون بالنهار وبلاش القياده باليل تماما!! بتبقى عباره عن فيلم رعب لهيتشكوك!


لكن جمال المناظر بيعوضك عن كل ده مش هتبطل تقول سبحان الله !ورحله سعيده إن شاء الله!

علم و جاري التنفيذ يافندم
ان شاء الله اتحرك بالنهار
و جزاك الله خيرا على النصيحة

[ahmedgehad]

حد يعرف دلوقتي أخبار الطريق ايه من ناحية الأمان والسرعة
وهل في سوبرجيت يروحه بدل ما الواحد يسوق المسافة دي كلها ؟

[أشرف فتحى]

السوبر جيت من الماظه بيروح نويبع وفى الطريق طابا..

[محمود سامح]

معلومات جميلة ورائعة بس اسعار الفنادق ياريت حد يقول لنا

[hugan]

روحتها بعربتي القديمه فيات 125 صد رد في يوم واحد
العربيه كانت بتخسع بطريقه غبيه في المطالع
وفعلا خلي بالك من الكثبان الرمليه الخفيفه
لائنها لاقدر الله ممكن تعمل مشكله لو مش مركز وواخد بلك

[mohabelnegm]

طريق نخل ليه سمعة مش كويسة من ناحية ألأمان...مش عايز أقلقك..بس عن نفسى مش هافكر أخش طريق نخل أبدا.. ممكن تطلع على الشرم تقضى يومين و تطلع على طابا من شرم . يعنى تخلى مسارك القاهرة - شرم و تقضى يومين فى شرم و من شرم على طابا و ترجع من نفس الطريق حتى لو أطول ...شرم طابا 230كم. شرم طابا طريق متأمن كويس و أتوبيسات السياحة رايحة جاية عليه انما طريق نخل ممنوع بتاتا للسياحة لخطورتة أمنيا.

[ahmedgehad]

معني كده إن طابا صعب تتراح دلوقتي لان طريق نخل مش كويس دلوقتي من ناحية الأمان وفي نفس االوقت طريق شرم بعيد
طريق شرم هيبقى اكتر من 750 كيلو
طريق النخل 380 كيلو

[ahmedgehad]

معلومات جميلة ورائعة بس اسعار الفنادق ياريت حد يقول لنا

في عروض حلوة هناك
وفي عروض كويسة للمصرين في بعض الفنادق وممكن تشوفها علي booking. Com
وانا كنت هروح هنزل ف موفنبيك طابا c view all inclusive وكان الغرفة ب 550 الليلة وده تمن قليل جدا بالمقارنة بأي حاجة تانية

[Omar.Shawki]

كنت هناك من شهر تقريبا ورحت بعربيتى على طريق نخل فعلا الطريق مقلق بس ربنا سترها و فيه كماين عادى وفى نخل فى بنزينة وطنية تقدر تمون وتشرب حاجة وتكمل واخطر حاجة اخر 15 كيلو قبل طابا ملفات جامدة جدا بين الجبال والسرعة فيه 30 كم/س ومفيش شبكة
غرفة دبل فى هيلتون طابا 450 جنيه الليلة شامل فطار وعشاء