من الاسكندرية لمطار القاهرة

[Mina W]

انا رايح اجيب اخويا من المطار يوم الاتنين و اكون شاكر لو حد وصفى لى الطريق للمطار من بعد بوابة القاهرة علشان بصراحة انا اخرى اركن اخر ش الهرم و اركب المترو من محطة الجيزة و اقديها مواصلات لحد ما اخلص و دى اول مرة امشى جوه القاهرة.

و لو ممكن يا ريت لو فى سكة من بره الزحمه المرور جوه البلد

و شكرا مقدما

[medomezo]

اطلع المحور وقبل ميدان لبنان ااطلع تانى فتحه من تحت الدائرى (طريق اسكندريه الزراعى والاسماعليه الصحراوى)وتفضل ماشى بعد فتحه مدينه السلام ها تنزل النفق وبعد النفق ب 10 كم هاتلاقى فتحه المطار الجديدة وتوصل بالسلامه ان شالله






0طريق اسكندريه

[Mina W]

اشكرك على ردك بس لو فى تفاصيل اكتر، اصلى بصراحة مش عارف اى حاجة مثلا فى يافطة على بداية المحور؟ او اى علامة و شكرا مرة تانية

[heshaaam]

تمام زى ماقالك ميدو

انت هتطلع المحور وطبعا المحور هتلاقيله 100 يافطة وهتلاقى اتوبيسات القرية الذكية بيلفو ويطلعو المحور وانت جى هتلاقيه فوق الطريق وهتلف وتطلعه

تفضل فيه لغاية ماتلاقى حتة زحمة وفتحتين ع يمينك هتدخل ف اليافطة اللى هتلاقى مكتوب عليها الوراق ومصر اسكندرية متدخلش الفتحة التانية بتاعة الهرم

تفضل فيها هتعدى ع امبابة الوراق شبرا المرج كل ده هيبقى له نزلات بس انت ع طول ملكش دعوة بيهم هتلاقى بقى موقف العاشر ونزلة السلام ودخلة للمطار بعد النفق

[M.Osama]

زي ما وصفولك تمام ومنزل المطار بعد اول نفق حتقابله عالدائري بـ 10 كيلو وله الف علامه ويافطه وبيوصلك مباشرة جوا المطار من غير لف ولا دوران فشوارع داخليه

[Mina W]

اشكركم جميعا على الاهتمام و الرد، انا هتكتب انا مشيت ازاى لو فى طريق افضل يبقى حد يصحح

انا بعد ما عديت البوابة سيبت اول فتحه يمين و دخلت فى التانية (الاولى هاطلع المحور بس فى اتجاه 6 اكتوبر و التانية فى اتجاه المطار) و فضلت ماشى لحد ميدان زحمة و الطريق اتقسم منزل فى النص و كوبرى مكمل فى الطرفين (تقريبا ده ميدان لبنان) ، نزلت و لفيت و دخلت يمين و طلعت على الكوبرى تانى و دخلت يمين فى اول فتح و كده بقيت على الدائرى و فضلت ماشى لحد قبل النفق (للاسف لحتيش اقرا اخر رسالتين) سألت و قالوا مانزليش انفق و ادخل يمين (و دى غلطة كبيرة لانى مشيت لحد الكليه الحربية لفيت كتير لحد ما دخلت المطار) لكن و انا راجع طلعت من المطار و مشيت لحد الدائرى (تقريبا 4 كم ، ده افضل كتير من دخول طريق العروبة و الزحمه ده غير ميت دوران لحد ماتوصل) (تانى غطلة اكتشفت انى ماشى فى الاتجاه الغلط على الدائرى مان بيقول اتجاه القطامية و السويس و هو مفروض اتجاه الاسماعلية الصحراوى و مصر / اسكنرية الزراعى) و المفروض عند اول ميدان (ما انزليش النفق) و الف و ارجع و الاقى انى رجعت لحد قبل البوابة تانى

شكرا مره تانية و ارجو اكون افدت لو حد زى حالاتى يدوب بيفك الخط فى طرق القاهرة الكبرى