عاوز اروح شرم بالعربيه ؟

[احمدعبدالعزيز]

السلام عليكم ورحمة الله وبركاته

يا شباب المنتدى الكرام انا ان شاء الله رايح شرم يوم 13/6 وعاوز اسافر بالعربيه و اول مره اروح سايق لو ممكن حد يقولى اروح ازاى من اسكندريه الى شرم والمسافه كام كيلو .

ولكم جزيل الشكر

.

__________________
نقل للطرق و السفريات
مشرف العام

[Samir Elshahawy]

http://nilemotors.net/Nile/showthread.php?t=75777

أدخل علي اللينك ده و انت تلاقي وصف للطريق , و كمان في قسم دليل السفر و الطرق هتلاقي مواضيع تانية لنفس الغرض

[mramzy]

ياخبر ابيض الله يكون فى عونك
شوف ياسيدى انت توصل القاهره ومنها لطريق السويس لغايه نفق احمد حمدى تعديه وتفضل ماشى يمين كانك رايح راس سدر ومنها الى الطور والى شرم الشيخ السمافه من القهره الى شرم حوالى 550 كيلو ومن القاهره الى اسكندريه حوالى 220 كيلو يكون المجموع حوالى 800 كيلو تقريبا

[zocor742]

رحلة ممتعة وموفقة ان شاء الله بس ياريت يكون معاك حد بيسوق تبدلة مع بعض فى السواقة عشان هيكون الطريق طويل ومرهق وتوصل بالسلامة ان شاء الله

[asnady]

خلى بالك من السكه بعد نفق الشهيد احمد حمدى لحد شرم كلها طريق غير مزدوج يعنى رايح جاى فى وش بعض و ملفات و الطريق مش واسع
ياريت تظبط وقتك بحيث تعدى المنطقه دى بالنهار مش فى الضلمه عشان خطر
و ربنا يسترها معاك

[DR.M]

تروح وتيجي بالسلامه إن شاء الله

[himatros]

حاول تعمل حسابك في البنزين والاكل والشرب والقهوة لتنام وانت ماشي بليل ولا حاجة

[magyver]

ربنا يعيييينك
بس لازم يكون معاك حد يسلييييك

[faroukahafeez]

فعلاً الطريق يزهق جداً ومفيش خدمات على الطريق

حاول يكون حد معاك يسليك فى المسافة الطويلة ديه

[akmal_hamdi]

الله يكون فى عونك

[pro_samir]

حاول تعرف كدة لو خدت الطريق الدولى لحد بورسعيد أو حتى دمياط وبعدين خدت طريق السويس هتكون المسافة قد اية

لو مفيش فرق كبير فى المسافة أكيد هيبقى الطريق انضف وأريح

[احمدعبدالعزيز]

حاول تعمل حسابك في البنزين والاكل والشرب والقهوة لتنام وانت ماشي بليل ولا حاجة

حاضر يا باشا

[احمدعبدالعزيز]

حاول تعرف كدة لو خدت الطريق الدولى لحد بورسعيد أو حتى دمياط وبعدين خدت طريق السويس هتكون المسافة قد اية

لو مفيش فرق كبير فى المسافة أكيد هيبقى الطريق انضف وأريح

بشاور عقلى بس خايف وبقول اللى اعرفه احسن

[tutankhamoun]

حاول تعرف كدة لو خدت الطريق الدولى لحد بورسعيد أو حتى دمياط وبعدين خدت طريق السويس هتكون المسافة قد اية

لو مفيش فرق كبير فى المسافة أكيد هيبقى الطريق انضف وأريح

أعتقد وصفة الأستاذ برو سمير أفضل من أنك تنزل القاهرة
إلا لو محتاج حاجة من القاهرة .
إنما لو مفيش أحتياج للقاهرة ...... يبقى الأفضل الطريق الدولي و لو أني معرفش ظروفه أيه .

بالنسبة للبنزين
ما تخفش مفيش مشكلة
المهم تطلع من اسكندرية مفول العربية على الأخر ...... و كل لما البنزين يوصل النص تفول .
و فيه بنزيتين في رأس سدر
واحدة شل و التانية التعاون
و الأثنين بنزينهم كويس و عندهم بنزين 92
و دول لازم تقف هناك تفول قبل ما تطلع على شرم .
و فيه بنزينة تانية بعد رأس سدر بحوالي 6 كم و قبل حمامات فرعون ........ و دي أعتقد أسمها ليبيا أويل أو حاجة زي كدا و بنزينهم كويس برضه .

بس لازم تفول العربية من البنزينة اللي في رأس سدر أو بنزينة ليبيا أويل قبل ما تكمل مشوارك على شرم الشيخ .
و لازم تقطع المسافة بالنهار ,,,,,,,

علشان الناس بالليل بيجيلها حالة جنان و الغرز بتبقى عمياني و النور العالي شغال في كل الأتجاهات .
و أبقى خد بالك في المنحنيات .......
هاتلاقي برضه عيل قليل الأدب بيأخد غرزة في منحنى و ممكن يلبسك في أتوبيس و لا عربية جاية في الأتجاه المقابل .
هش مشغرزة بالمعنى المفهوم ....... و لكن التخطي الخاطئ الخطير .

و ربنا يستر طريقك .
بس نصيحة ........ المسافة طويلة قوي ...... أنا شايف أنك ممكن تروحها بالأتوبيس أحسن ....

[احمدعبدالعزيز]

رحلة ممتعة وموفقة ان شاء الله بس ياريت يكون معاك حد بيسوق تبدلة مع بعض فى السواقة عشان هيكون الطريق طويل ومرهق وتوصل بالسلامة ان شاء الله

انا ان شاء الله طالع مع اخويه وادعولى ربنا يسترها معنا