طريق العريش؟؟؟؟

[ecybrarian]

كنت عايز اعرف ازاي اروح العريش..هل من نفق احمد حمدي ولا من كوبري السلام؟؟ انا معرفش مطلع كوبري السلام ده منين؟؟ وهل الطريق امان وفي يفط وخدمات واستراحات وكده..وهو من القاهرة للعريش كام كليو؟ وكمان نظام الردار ايه على الطريق؟؟ وهل في مقالب؟؟

وشكرا جزيلا

[mramzy]

طريق العريش
اسهل واقرب انك تطلع كوبرى السلام
ومطلعه قبل بورسيعد بحاولى 40 كيلو وطبعا ده تحفه وتجربه مثيره للاهتمام
وبرضه فى معديه فى القنطره شرق تقدر برضه تركبها وبرضه مثيره للاهتمام
المهم هتنز لمن كوبرى السلام هتلاقى طريق العريش هوطريق مزودوج ونظيف لحد كبير والرادار الوحيد اللى قبلته كان فى مدخل العريش عند جامعه سيناء بس عموما كن حذر
بالنسبه للاستراحات فى بعد كوبرى السلام على طول
وبعدين انت بتمر على بلاد فى السكه فهتلاقى كتير لانى بصارحه موفقتش الا بعد كوبرى السلام
عايز اقولك ان الميه الحوة بتكون فى الحنفيات يوميا من 2 4 ظهرا ويم الجمعه طول اليوم
والميه بقاى اليوم فى الحنفيات ميه ملحه
وبتلاقى فى كل شقه او شليه او حتى فى سما العريش جركن للميه الحلوة بس طبيعى انك هتشرب ميه معدنيه
بالمناسبه فيه واحد مشهور قوى هناك فى السوق ومحل كبير قوى للكباب والكفته والفارخ المشويه ويعتبر احسن واحد هناك
واجازة سعيده
انا كنت هناك الصيف اللى قبل اللى فات وكان نفسى يكون مصيفى هناك كل سنه

[ecybrarian]

شكرا جزيلا للمعلومات القيمة دي..بس للأسف انا مش رايح اجازة..انا رايح مؤتمر في الجامعة هناك يادوبك ليلة وهارجع

[mramzy]

تروح وترجع بالسلامه باذن الله

[أبو إياد]

بالمناسبه فيه واحد مشهور قوى هناك فى السوق ومحل كبير قوى للكباب والكفته والفارخ المشويه ويعتبر احسن واحد هناك
واجازة سعيده

بصراحه بارك الله فيك على تسهيلك للمعلومات
لكن موضوع الكباب والكفته ده بقا مش مضمون الايام دى وربنا يسترها علينا

[mramzy]

هههههههههههههههه
مشيها كباب وكفته
خليها فراخ مشويه ومكرونه بشميل
بالمناسبه جنبه سوق السمك والكابوريا واسعاهم حلووة قوى

[theking2690]

على فكره المياه الحلوه بقت بتيجى كل يوم هناك دلوقتى