جولف بورتو مارينا من الاسكندريه الزراعي

[M.Osama]

السلام عليكم

عاوز اروح جولف بورتو مارينا.. وبالتحديد المكان بتاع حفلة عمرو دياب..

وانا طالع من بنها يعني اسكندريه الزراعي

منتظر ردودكم وياريت الشرح بالتفصيل من بعد ما اطلع محور التعمير

[ahmedfawzy14]

حتطلع محور التعمير من بعد كارفور كده
وتاخده للاخر مسافة 30 كيلو
تنزل منه تفضل مع السكة عادى
لحد ما حتطلع على طريق اسكندرية مطروح
عند قرية الطيران كده
حتلف من اول يوترن
وتمشى 60 كيلو بالضبط

تبقى بعدها وصلت بورتو مارينا

وانشاء الله تتبسط فى الحفلة واشوفك هناك

لو مفهمتش منى حاجة
قول برده

[M.Osama]

شكرا لردك

يعني بعد ما اطلع محور التعمير.. حنزل نزلة الكيلو واحد وعشرين.. واخلي مدخل النخيل علي يميني والمسله اللي فالنص دي علي شمالي وافضل ماشي طوالي ؟؟ لاني مش فاهم الطريق بالظبط

[ahmedfawzy14]

الوصفة بتاعتك دى تمام

[M.Osama]

وبعد اما اخد الطريق ده طوالي... حاخد اليوتيرن منين بالظبط وحدخل فين ؟؟

[ahmedfawzy14]

انتا على المحور اهو ونزلت نزلة الواحد وعشرين

حتفضل ماشى لحد ميدان الواحد وعشرين

وحيبقى مدخل النخيل على يمينك والمسلة على شمالك

حتلاقى كمين الواحد وعشرين
تعديه وتبقى انتا كده على اول طرق اسكندرية مطروح
تفضل ماشى فيه 70 كيلو حتلاقى نفسك فى مارينا
بدون يوترن او غيره

دى وصفة غير الاولانية

[ahmedfawzy14]

الفرق بين الوصفة الاولى انك كنت حتمشى محور التعمير كله
بس الوصفة التانية انتا حتنزل من المحور على نزلة الواحد وعشرين


وواضح انك عارف النخيل والعجمى

يبقى خليك فى اللى انتا عارفه ومشيت فيه قبل كده
بس خلى بالك كمين الواحد وعشرين يوم الجمعة ويوم حفلة عمرو بالذات
بيبقى حاجة زفت

يعنى لو فى ستاير او فاميه نصيحة منى شيلهم عشان عندهم تعليمات فى الصيف يبهدلوا الناس

[M.Osama]

الفرق بين الوصفة الاولى انك كنت حتمشى محور التعمير كله
بس الوصفة التانية انتا حتنزل من المحور على نزلة الواحد وعشرين


وواضح انك عارف النخيل والعجمى

يبقى خليك فى اللى انتا عارفه ومشيت فيه قبل كده
بس خلى بالك كمين الواحد وعشرين يوم الجمعة ويوم حفلة عمرو بالذات
بيبقى حاجة زفت

يعنى لو فى ستاير او فاميه نصيحة منى شيلهم عشان عندهم تعليمات فى الصيف يبهدلوا الناس

اممم.. انا فعلا عارف النخيل والمنطقه دي كويس... بس المشكله فالكمين دا فعلا.. نمر سوده وفاميه وملصقات يعني بهدله

يبقي حخليني فاللي اعرفه احسن.. واستغني عن المخالفات اليومين دول واشيلهم

معلش تعبتك معايا :10D5C8~1107:

[ahmedfawzy14]

مفيش تعب ولا حاجة

وكده كده حتعدى على كماين يومها

وحيكون فى كذا لادار من عند النخيل لحد مارينا

ده يوم فى السنة ولازم قطاع الطرق يعملوا مبلغ حلو