نادى شرطة الجزيرة

[shery103]

انا المفروض رايحة نادى شرطة الجزيرة بعد بكرة ان شاء الله ، بس هبقى رايحة بالليل فعايزة ابقى عارفة الطريق عشان مسألش كتير
اللى اتقاللى
انا من مدينة نصر ، هطلع كوبرى اكتوبر ، و انزل ميدان التحرير ، و اطلع كوبرى قصر النيل ، بعد كده هنزل يمين ، بعد كده اسأل ، فياريت لو حد عارف الطريق بالظبط يقولى عشان متوهش
و شكراااااااا مقدما

[Terrible_DaRsH]

بالظبط زى ما اتشرح لك .

بعد ما تخلصى كوبرى قصر النيل هتدخلى اول يمين فى الملف اللى هيقابلك و تدخلى اول شمال هتلاقى بوابة النادى على يمينك و البرج على شمالك .

[د.أحمد سمير]

متدخليش ميدان التحرير
هتنزلي نزلة عبد المنعم رياض
هتلاقي شمال يرجعك لميدان التحرير .. سيبيه
كملي طوالي حتى الكورنيش
ثم مع الإشارة شمال
ثم طوالي على الكورنيش مسافة 500 متر
هيقابلك يمين نفق وشمال مطلع كوبري قصر النيل
هتكملي الكوبري
وعند نهايته هتدخلي يمين
ثم تاني شمال
لأن أول شمال ده شارع الزهرية وهو شارع اتجاه واحد خارج فقط
تاني شمال شارع البرج
بعد البرج بحوالي 50 متر مدخل النادي على اليمين

[shery103]

شكرا اوى يا جماعة انا رحت و متوهتش خالص ، وصلت على طول الحمد لله .