الطريق الي القاهرة

[SheNo0o]

سلام عليكم ورحمه الله

فالبدايه عندي سؤالين انا عندي مشوارين فالقاهرة وانا فالمحله

محتاج اعرف الطريق من المحله لما امسك الطريق اول موصل طريق القاهرة ده الدائري امشي ازاي لو عايز انزل الوراق

وامشي ازاي لو عايز اروح مدينه نصر من الدائري ن برة خالص وانا لسه داخل للاتنين

وشكرا مقدما لحبايبنا الي مش بيتاخروا ابدا

[أبو إياد]

بص ياسيدى وانت جاى من الطريق الزراعى وبعد كوبرى قليوب بحوالى 2كم هتلاقى الكوبرى الدائرى

الوراق

هتاخد اول طلعه يمين تقابلك مافيش 4كم وهتلاقى نزله الوراق وعموما هى تانى نزله تقابلك وانت على الدائرى

مدينه نصر

هتاخد تانى طلعه يمين اللى بعد طلعه الدائرى الاولى بحيث انك تكون عكس اتجاه الوراق بس هاتمشى مسافه كبيره حوالى 30كم وهتلاقى نزله زهراء مدينه نصر

[SheNo0o]

الف شكر يبرنس وبجد افدتني جدا جدا بردك ومش لاقي كلام اشكرك بيه الف شكر

[HeMa_LanCeR]

بص ياسيدى وانت جاى من الطريق الزراعى وبعد كوبرى قليوب بحوالى 2كم هتلاقى الكوبرى الدائرى

الوراق

هتاخد اول طلعه يمين تقابلك مافيش 4كم وهتلاقى نزله الوراق وعموما هى تانى نزله تقابلك وانت على الدائرى

مدينه نصر

هتاخد تانى طلعه يمين اللى بعد طلعه الدائرى الاولى بحيث انك تكون عكس اتجاه الوراق بس هاتمشى مسافه كبيره حوالى 30كم وهتلاقى نزله زهراء مدينه نصر

كلام سليم بس هو هيمشي حوالي 40 كيلو
علشان من المرج لنزله القطاميه 34 كيلو

[أبو إياد]

العفو ياباشا وتوصل بالف سلامه

موضوع الكيلو متر ياهيما والله انا باقوله تقريبى علشان يكون عامل حسابه بس مش اكتر