افتتاح وصلة المريوطية على الدائرى

[MoToRiZeR]

طبعا ياباشا هايفيد اللي جاي من الدائري وداخل فيصل بان الطريق اللي تحت الكوبري هايبى رايق لان كل العربيات اللي كانت بتخش فيصل عشان تروح الرمايه او الدائري بتاع ميدان لبنان هاتمشي من فوق الكوبري

بالضبط .. هيفيدك جداَ بطريق غير مباشر .

طب معلش يا جماعة انا الطرف الأخر من الدائري بتاع المنيب و المعادي عمري ما إستخدمته و مرحتش هذا الطرف من المدينة

فا ممكن حد بس يقولي مشكوراَ اما أطلع الكوبري ده بعد ما أطلع الدائري من المهندسين .. إيه المناطق اللي هعدي عليها و هتنزلني فين ؟

معلش طلب سئيل حبتين .

[أحمد كمال]

بالضبط .. هيفيدك جداَ بطريق غير مباشر .

طب معلش يا جماعة انا الطرف الأخر من الدائري بتاع المنيب و المعادي عمري ما إستخدمته و مرحتش هذا الطرف من المدينة

فا ممكن حد بس يقولي مشكوراَ اما أطلع الكوبري ده بعد ما أطلع الدائري من المهندسين .. إيه المناطق اللي هعدي عليها و هتنزلني فين ؟

معلش طلب سئيل حبتين .

لو انت جاي من الهرم و زايد و اكتوبر ...... و رايح المعادي او المقطم او التجمع او القاهرة الجديدة او مدينة نصر او مصر الجديدة ..... القوس ده يبقى اقرب لك

بس لو رايح الزراعي او الوراق او شبرا يبقى احسن لك القوس التاني

[MoToRiZeR]

شكراَ أحمد كمال باشا

انا أعرف إن القوس ده له منزل في الجيزة .. يا تري ينزلني فين في الجيزة ؟
و المنزل بتاع مدينة نصر و مصر الجديدة بينزلني فين هناك برضه ؟ وشكراَ .

[elpasha009]

شكراَ أحمد كمال باشا

انا أعرف إن القوس ده له منزل في الجيزة .. يا تري ينزلني فين في الجيزة ؟
و المنزل بتاع مدينة نصر و مصر الجديدة بينزلني فين هناك برضه ؟ وشكراَ .

بص يا موتورايزر أول متنزل من القوس ده على دائري المنيب أولا نزله هتلافيها هتكون لطريق الصعيد اللي هو بيبدأ أخر البحر الأعظم.بعدها علطول نزلة البحر الأعظم,وبعدين نزلة كورنيش المعادي في إتجاه حلوان وبعدها نزلة الإتجاه التاني للكورنيش ومصر القديمة وبعدين نزلة الأوتوستراد إتجاه حلوان وبداية المعادي وبعدين نزلة إتجاه مدينة نصر وبعدين كارفور وبعد كارفور علطول هتلاقي نزلة القطامية والعين السخنة وكمان مدينة نصر لو فضلت في الطريق ده هيعدي بيك على طلعة للمقطم من نهايته وبعدين بداية الحي السابع والسادس ويفضل معاك لحد الأوتوستراد عند قاعة المؤتمرات.
بعد كده نزلة للتجمع الخامس ومن نفس النزلة ممكن تدخل مدينة نصر من محور n/a وهيوصلك لتقاطع من النزلة السابقة بتاعة مدينة نصر و طريق أخر يدخلك على نهاية مكرم عبيد وعباس العقاد.

معلش على طريق الشرح ديه بس تقريبا ديه أهم النزلات اللي هتقابلك.

[MoToRiZeR]

ألف ألف شكر لحضرتك عالشرح المفصل ده
تحياتي

[wardet]

طبعا ياباشا هايفيد اللي جاي من الدائري وداخل فيصل بان الطريق اللي تحت الكوبري هايبى رايق لان كل العربيات اللي كانت بتخش فيصل عشان تروح الرمايه او الدائري بتاع ميدان لبنان هاتمشي من فوق الكوبري

يعنى اللى داخل فيصل من الدائرى مش هيمشي على الوصلة الجديدة؟؟

[HASBALAH]

الف شكر والحمد لله انه خلص

[ZALABANY]

يعنى اللى داخل فيصل من الدائرى مش هيمشي على الوصلة الجديدة؟؟

لا يا باشا اللي داخل فيصل والهرم هينزل مريوطية او منصورية والافضل مريوطية

[sherif222]

مشكووووووووووووررررررر

[aneo]

انا فى اكتوبر و عاوز اروح منطقة الحرفيين (عند المطار) هل اخد المحور ثم الدائرى الى المطار و لا الطريق الجديد ده ممكن اروح عليه و لو ممكن ياريت حد يشرحلى اروح عن طريقه ازاى

[ZALABANY]

لا يا باشا انت كده ما لكش اي علاقة بالوصله الجديده انت كده طريق محور ثم دائري لحد موقف العاشر وتروح من هناك طريقك

[heshaaam]

.

بالضبط .. هيفيدك جداَ بطريق غير مباشر .

طب معلش يا جماعة انا الطرف الأخر من الدائري بتاع المنيب و المعادي عمري ما إستخدمته و مرحتش هذا الطرف من المدينة

فا ممكن حد بس يقولي مشكوراَ اما أطلع الكوبري ده بعد ما أطلع الدائري من المهندسين .. إيه المناطق اللي هعدي عليها و هتنزلني فين ؟

معلش طلب سئيل حبتين .

بص المعادى كارفور المقطم القطامية حلوان طريق العين السخنة القاهرة الجديدة بس الناحية الجنوبية
ومدينة نصر حى السفارات دول الوصلة الجديدة

اما الرحاب والقاهرة الجديدة جهة الرحاب والعبور والشروق وجسر السويس ومصر الجديدة وطريق اسماعيلية وطريق السويس فده من الدائرى التانى بتاع اسكندرية الزراعى والوراق وشبرا الخيمة

[MNBahr]

طيب انا عايز أنزل نزلت الدائري اللي بتودي على موقف مريوطية الهرم حد يسعدني لو سمحتوا !

[mahmoud_afifi]

بص المعادى كارفور المقطم القطامية حلوان طريق العين السخنة القاهرة الجديدة بس الناحية الجنوبية
ومدينة نصر حى السفارات دول الوصلة الجديدة

اما الرحاب والقاهرة الجديدة جهة الرحاب والعبور والشروق وجسر السويس ومصر الجديدة وطريق اسماعيلية وطريق السويس فده من الدائرى التانى بتاع اسكندرية الزراعى والوراق وشبرا الخيمة

الرحاب والقاهره الجديده بيبقوا اقرب من دائري المعادي عن دائري الوراق واسكندريه الزراعي.
وكمان الى حد ما انضف والطريق افضى شوية مش واقف زي التاني. ده كان طريقي باخده كل يوم لمدة سنه.

[RimonWagdy]

بصراحة الوصلة مفيدة جيداً و بتوفر المسافة من مدينة نصر الى أول طريق الاسكندرية حوالى 25 كم , بس المشكلة من منزل الدائرى و حتى بوابات تحصيل الرسوم الطريق ضيق جيدا جيدا.