ادخل هنا ازاى من الدائرى ؟

[wardet]

لو سمحتو يا جماعة شوفو الصورة دى
ان عاوز اروح فيصل وهبقى جاى من اسكندرية الزراعى وبدل ما الف كتير واخد فيصل من اوله عند ميدان الرماية
فعاوز ادخل الطريق دا بتاع كفر طهرمس وادخل من جوه بدل اللفة الطويلة
هل فيه نزلة من الدائرى للطريق دا؟؟؟

[wardet]

ايه يا جماعة محدش عارف الدخلة دى؟؟

[د.أحمد سمير]

هذه النزلة هي نزلة كرداسة صفط اللبن
وأنا لا أنصحك بها لأن الطريق تحت مكسر جداً جداً وهايتعبك ..
لكن لو عايز تغامر غامر ..

[wardet]

معلش المضطر يركب الصعب يا دكتور
ممكن بس تقوللى هدخل الدخلة دى ازاى
لانها اسهل لى من لفة ميدان الرماية
خصوصاًَ ان الوقت هيبقى قبل الفطار

[dr-mohamed]

لا ارجوك بلاش اللفة دي
اسمع كلام الدكتور احمد سمير
الطريق فيها مكسر جدا وكله ميكروباس وتكتك ولو فلت من واحدة منهم مش هتفلت من التانية
اللفة من الرماية احسن بكتييييييييييييييير

[MoToRiZeR]

و هتلاقي ميكروباصات اللي هي "العلبة" دي ماشية عكس و بأقصي سرعة عنده !
بلاش أحسن خد فيصل من الرماية و خلاص هيبقي متعب شوية إنما معلش .

يا إما إنزلها و خلاص بس خلي بالك جداَ جداَ جداَ .

[wardet]

لا عادى ان متعود على الحاجات دى
بيتهيألى مش هتكون اسوأ من مدخل المحلة
المهم ياريت توصفولى النزلة فين لانى مشفتش فى الحتة دى على جوجل ايرث اى نزلة
مجرد طريق تحت الدائرى ومعرفش ادخل له ازاى

[as01241]

حضرتك ممكن تنزل نزلة المريوطية هتلاقيها آخر نزلة على الدائري قبل نزلة الرماية ومن تحت ترجع على كفر طهرمس ودي أحسن بمراحل من نزلة صفط وزنقة صفط

[A.Saad]

بص
انزل المريوطية
وكمل من الهرم لحد الطالبية
خد الملف اللى بعد كدة
وادخل شارع الطالبية اللى بين الهرم وفيصل
هتلاقى عنده ميكروباصات وعلى ناصيته مساكن
تقريبا تانى شارع بعد الملف
اوصل لاخره هتبقى على فيصل وبرده خد اول ملف - قريب من فتحة الشارع اللى خرجت منه
وبعد الملف خد اول يمين
انت كدة فى اول طريق كفر طهرمس

الهرم هيعمل معاك بتاع 15 دقيقة من المريوطية
الوقفات اللى هتقابلك
المريوطية
ش العريش
كايرو مول
الطالبية