سؤال لسكان مصر الجديده

[eng/muhamad]

هو فى on the run عند المحكمه ؟؟؟؟؟؟
و لو فى
المحكمه دى فيين ؟
شارع ايه بالظبط و اروحها مواصلات ازاى اركب ايه من ميدان روكسى ؟؟؟؟؟
و ياريت لو فى اى معلومات عن on the run
اسعاره
نظافته
مستوى الخدمه
القاعده حلوه و لا لأ
اصل بصراحه اصحابى عاوزين يروحو هناك و انا عمرى ما دخلت On the run

[egyptianmafia]

There is one in Merghany street near abou shakra

I dont know if it is close to mahkama or not

[eng/muhamad]

there is one in merghany street near abou shakra

i dont know if it is close to mahkama or not

شكرا لحضرتك
و انا عارف ان فى كتيير فى مصر الجديده
لكن انا بسال على المكان ده بالتحديد

[som3aa]

هو فى on the run عند المحكمه ؟؟؟؟؟؟
و لو فى
المحكمه دى فيين ؟
شارع ايه بالظبط و اروحها مواصلات ازاى اركب ايه من ميدان روكسى ؟؟؟؟؟
و ياريت لو فى اى معلومات عن on the run
اسعاره
نظافته
مستوى الخدمه
القاعده حلوه و لا لأ
اصل بصراحه اصحابى عاوزين يروحو هناك و انا عمرى ما دخلت On the run

ايوه فى on the run بعد المحكمة بشوية جنب توكيل راية و بنك NSGB

بالنسبة للطريق من روكسى مفيش تخلى حديقة الميرلاند على شمالك و تمشى علطول لا يمين و لا شمال لحد متعدى المحكمة و هتلاقى on the run بعدها بشوية كدا على الشمال جوه محطة موبيل على الشمال.
on the run دا زى supermarket كدا كبير مش cafe مثلا و دا واضح من اسمه on the run , بس بيبيع سندوتشات او pizza و حاجات كدا و مش طل الفروع فيها ترابيزة تقف عليها تاكل يعنى فرع المحكمة دا صغير و بيبيع عصاير و شيبسى و شوكولاتات و حاجات كدا و سجاير و الكلام دا كانه super market عادى بالظبط , قول زى metro كدا شوية بس الفرق ان ممكن تاكل جواه و بيعملوا قهوة كمان و مش كل حاجة موجودة فى كل الفروع يعنى مش كل الفروع فى pizza كدا يعنى.
on the run بتلاقيه دايما جوه محطات بنزين موبيل

[eng/muhamad]

شكرا لحضرتك بس انا معرفش حاجه فى مصر الجديده خالص
فممكن وصف اسهل من كده
انا كل اللى اعرفه فى ميدان روكسى محل العبودى و الطاووس
و لو خليت الطاووس على يمينى و العبودى فى ضهرى كده هروح شارع الحجاز
هو ده كل اللى اعرفه عشان كنت رايح مره فرع i2 اللى فى شارع الحجاز و اتوصف ليا بالشكل ده

[som3aa]

دقيقة و هوصف الطريق

[som3aa]

حضرتك تعرف طيب سينما روكسى و محطة بنزين هناك كانت توكيل bmw فى الاول و بعدين قلبت توكيل كيا؟

[pro_samir]

لو عايز تشوفة كان فى الفيلم بتاع احمد حلمى مطب صناعى لما اسمها اية كلمتة علشان تقابلة و الراجل بيسألة تشرب اية قالة بنزين

المفروض العبودي على شمالك وسينما روكسي على يمينك وعلي طول

[pro_samir]

سوري انا فاتح الموضوع بقالة شوية وبعدين كتبت الرد ، مخدتش بالى من الرد بتاعك يا سمعة

[som3aa]

كويس عارف شارع الحجاز لو كملت فيه علطول لا يمين و لا شمال هتلاقى on the run لان on the run فى شارع الحجاز فعلا , بس المشكلة ان فى on the run تانى قريب جدااااا من روكسى و بعيد عن المحكمة بس طالما متاكد انه بتاع المحكمة يبقى اكيد اللى فى شارع الحجاز علشان مفيش غيره

لو عايز تعرف العنوان بالظبط كلم 19900 الصبح دا توكيل راية اسالهم على الفرق الرئيسى اللى فى شارع الحجاز (اللى فيه الصيانة علشان ليهم فرعين فى نفس الشارع غير موزعين كتير كاتبين راية) عنوانه ايه بالظبط و هو لزق جنبه

اعمل كدا دا فى حالة لو عايز تعرف رقم العمارة اللى جنب on the run , هو مفيش جنب راية بعمارتين و لا حاجة كدا لزق يعنى

[som3aa]

سوري انا فاتح الموضوع بقالة شوية وبعدين كتبت الرد ، مخدتش بالى من الرد بتاعك يا سمعة

عادى اهو كله توضيح اكتر علشان لو تاه و لا حاجة ميقولش وصفك توهنى

بهزر طبعا

[eng/muhamad]

اولا شكرالكل اللى ساعد بجد مش عارف اقول ايه و انا تقريبا فهمت من الصوره كويس
بس فى استفسار فى الصوره
الجزء اللى حواليه دائره زرقاء فى اسفل الصوره ده ميدان روكسى
انا تقريبا فهمت الطريق بس ياريت حد يحددلى نحل العبودى فين فى الصوره عشان هو ده اكتر حاجه انا عارفها هناك عشان اقدر احدد هخليه على يمينى و لا على شمالى و لا فى ضهرى
و شكرا لكم جميعا