طريق المطار من المعادى

[knightmido]

السلام عليكمن ورحمة الله وبركاته كل سنة وحضراتكم بخير .... الوالد ان شاء الله طاع عمرة .. ايه افضل طريق من المعادى للمطار الساعة 8.30 مساءا بعد الفطار ... رجاءا بالتفصيل .... سؤال كمان هو الدائرى له مطلع من كورنيش المعادى تجاه طريق السويس ولا اتجاه الجيزة وبس .... ولكم جزيل الشكر

[أحمد كمال]

السلام عليكمن ورحمة الله وبركاته كل سنة وحضراتكم بخير .... الوالد ان شاء الله طاع عمرة .. ايه افضل طريق من المعادى للمطار الساعة 8.30 مساءا بعد الفطار ... رجاءا بالتفصيل .... سؤال كمان هو الدائرى له مطلع من كورنيش المعادى تجاه طريق السويس ولا اتجاه الجيزة وبس .... ولكم جزيل الشكر

ايوة فيه مطلع اتجاه طريق السويس و كمان فيه منزل عالمطار عدل بدل ما تنزل على طريق السويس

[knightmido]

ايوة فيه مطلع اتجاه طريق السويس و كمان فيه منزل عالمطار عدل بدل ما تنزل على طريق السويس

اولا اشكرك على الرد ... لكن فين مطلع طريق السويس انا اعرف المطلع من الكورنيش للجيزة ... لكن الطريق المعاكس ازاى ؟

[WalidAdel]

الطريق المعاكش لفه شويه لكن اسهل تطلع مطلع الجيزه و تنزل النزله اللي بعد الجيزه يمين و تلف و ترجع من تحت الكوبري لاتجاه السويس مسافه طويله شويه بس مش هاتوه

[knightmido]

الطريق المعاكش لفه شويه لكن اسهل تطلع مطلع الجيزه و تنزل النزله اللي بعد الجيزه يمين و تلف و ترجع من تحت الكوبري لاتجاه السويس مسافه طويله شويه بس مش هاتوه

متشكر لنصيحتك

[HeMa_LanCeR]

انا شايف افضل طريق انك تطلع اوتوستيراد
وتاخد الدائري من هناك لحد منزل المطار

[Mosmafa]

يا باشا خد الاوتوستراد لاخره هتلاقي نفسك في المطار
من غير ما تلف ولا تدور
الاوتوستراد اتجاه مدينة نصر

[Ahmed A Rahman]

["]لأ فيه طريق اسهل من انك تطلع مطلع اتجاه الجيزة وبعدين تلف من منزل الجيزة

فيه مطلع في اتجاه طريق السويس على طول
عشان انا حمايا في المعادي وانا ساكن على طريق السويس فباخده كذا مرة في الاسبوع

بص يا سيدي

حتمشي على كورنيش المعادي لحاد ما تيجي للاشارة اللي عند محطة التعاون
وبدل ما تطلع طوالي على الكوبري باتجاه صلاح سالم او من تحت لاتجاه المنيل لأ
خش يمين من عند البنزينة
حتطلع في الشارع على طول وحتعدي من ادام محطة الزهراء تقريبا (أو دار السلام مش فاكر) بس غالبا الزهراء.

حتمشي لحاد آخر الشارع حتلاقيه بيحود يمين وحتلاقي نفسك تحت الكوبري الدائري اللي انتا عايزه يعني جنبيك العمدان اللي رافعة الكوبري الدائري. وعلى شمالك حتلاقي علامة غبور او صيانة غبور.

حتمشي حوالي ميت متر وبعدين حود شمال في اول شارع, 100 متر اخرى وحتلاقي مطلع الدائري على الشمال[

حتمشي حوالي 30 كيلو بس سالكين وبعد ما تعدي منزل السويس بحوالي 3 كيلو لف وارجع حتلاقي مدخل المطار وده ان شاء الله مضمون انه مش متعطل ابدا وحتلاقي نفسك ماشي لوحدك فيه

وربنا يرجع الوالد بالسلامة/]

[MMamdouh]

["]لأ فيه طريق اسهل من انك تطلع مطلع اتجاه الجيزة وبعدين تلف من منزل الجيزة

فيه مطلع في اتجاه طريق السويس على طول
عشان انا حمايا في المعادي وانا ساكن على طريق السويس فباخده كذا مرة في الاسبوع

بص يا سيدي

حتمشي على كورنيش المعادي لحاد ما تيجي للاشارة اللي عند محطة التعاون
وبدل ما تطلع طوالي على الكوبري باتجاه صلاح سالم او من تحت لاتجاه المنيل لأ
خش يمين من عند البنزينة
حتطلع في الشارع على طول وحتعدي من ادام محطة الزهراء تقريبا (أو دار السلام مش فاكر) بس غالبا الزهراء.

حتمشي لحاد آخر الشارع حتلاقيه بيحود يمين وحتلاقي نفسك تحت الكوبري الدائري اللي انتا عايزه يعني جنبيك العمدان اللي رافعة الكوبري الدائري. وعلى شمالك حتلاقي علامة غبور او صيانة غبور.

حتمشي حوالي ميت متر وبعدين حود شمال في اول شارع, 100 متر اخرى وحتلاقي مطلع الدائري على الشمال[

حتمشي حوالي 30 كيلو بس سالكين وبعد ما تعدي منزل السويس بحوالي 3 كيلو لف وارجع حتلاقي مدخل المطار وده ان شاء الله مضمون انه مش متعطل ابدا وحتلاقي نفسك ماشي لوحدك فيه

وربنا يرجع الوالد بالسلامة/]

MMamdouh

[knightmido]

يا جماعة فعلا انا مش عارف اشكركم ازاى كلكم فعلا الكلاو يعجز عن التعبير لسعادتى بحضراتكم متشكر جدا وان شاء الله همشى مع الوصفة خاصة الخرطة رائعة وان شاء الله ربنا ييسر الطريق كل سنة وانتم اخوة متعاونين فى الله وربنا يظلكم بظله يوم لا ظل الا ظله