سفينه نايل كينج في المنيل من مدينه نصر

[M.Mosaad]

السام عليكم رحمه الله و بركاته
انا بسال عن كيفيه الذهاب الي سفينه نايل كينج هي في المنيل بس انا من مدينه نصر و معرفضي المنيل اوي لو حد يعرف طريق مختصر ياريت يشرحه و جزاكم الله كل خير

[A.Saad]

اعتقد
انها جنب كوبرى عباس
خد صلاح سالم
لحد نفق الملك الصالح
اطلع من النفق
امشى لحد ما تلاقى بنزينة شل على اليمين
وهتلاقى مطلع كوبرى
وفيه ش يمين
ده شارع عبد العزيز ال سعود
هتلاقى مدخلها هناك
لو عايز تركن
فيه جنب البنزينة ركنة

ما تنساش تعزمنى

[Nile_Storm]

بالظبط اعتقد ده انسب طريق
و ممكن تيجي بالعكس
تمشي دائري لغايه منزل البحر الاعظم و تنزل و تمشي في الشارع لغاااااايه كوبري عباس تطلعه و في اخره هتلاقي مدخل عبد العزيز ال سعود الناحيه التانيه من الطريق

[M.Mosaad]

ياباشا ربنا يكرمك و يجعله في ميزان حسناتك يارب
و تشرف و تنور العزومه

[M.Mosaad]

الف شكر nile storm بس معلشي سؤال غلس منزل البحر الاعظم من الدائري فين انا ساكن في زهراء مدينه نصر يعني الدائري هيبقي افضل بكتير هو اعتقد بيبقي في مخرج كورنيش النيل المنزل دة بعدة بكتير

[د.أحمد سمير]

المنزل الثاني لكوبري المنيب بعد المرور فوق النيل
طوالي لا يمين ولا شمال
هيقابلك مطلع كوبري عباس
تطلعه وتعدي النيل
وعند نهاية الكوبري إشارة هتدخل شمال إلى عبد العزيز آل سعود

[M.Mosaad]

المنزل الثاني لكوبري المنيب بعد المرور فوق النيل
طوالي لا يمين ولا شمال
هيقابلك مطلع كوبري عباس
تطلعه وتعدي النيل
وعند نهاية الكوبري إشارة هتدخل شمال إلى عبد العزيز آل سعود

انا شاكر لحضرتك جدا ربنا يكرمك و يجعله في ميزان حسناتك ان شاء الله

[د.أحمد سمير]

لا شكر على واجب

[M.Mosaad]

:تمام اوي ربنا يكرمكم المشوار مخدشي بالظبط 20 دقيقه من البيت لحد هناك
الف الف شكر ليكم كلكم
بس العزومةةةةة كانت

[Nile_Storm]

ياعم المهم وصلت بالسلامه

[Hacker5]

مالها يا باشا العزومة انا فطرت هناك السنة اللى فاتت و كانت ممتازة هيا ماعجبتكش ولا ايه؟

[M.Mosaad]

اصل بعيد عنك طانت عزومه تبع شركه المدام كانت شغاله فيها فحاولوا يجيبوا ارخص اوفر بس عادي خير الحمد لله