محكمه بورسعيد

[noway359]

انا من القاهره وعايز اروح محكمه بورسعيد اللى جنب مقر محافظه بورسعيد ومعرفش اروح ازاى
وايه هى اسعار السوبر جيت والميكروباصات من القاهره لبورسعيد وهل السوبر جيت ليه مواعيد ولا
والطريق من القاهره لبورسعيد كام ساعه

والف شكر ليكم مقدما

[loma_satanic]

لو انتا من الاقهرة انزل المرج الجديده واركب ميكروباص من هناك ولما تروح بورسعيد اسئل مش عارف سعر الميكروباص كام

والطريق حوالى 2.30 باكتير اوى ان شاء الله

[noway359]

الف شكر ليك بس مفيش اى حاجه تتركب من رمسيس او احمد حلمى اقرب خصوصا انى هسافر بليل يعنى على الساعه 3 والمترو مابيشتغلش فى الوقت ده علشان اروح المرج
وياريت اعرف اسعار السوبر جيت وبالمره اسعار الميكروباصات

[waelwael]

يا سيدى الفاصل يوجد بيجو من القللى جنب رمسيس يوديك لغايه بورسعيد ب16ج بدل ما تروح المرج الجديده ولما توصل خد تاكسى ب 2.5ج لغايه المحكمه لا تدفع إكثر من ذلك لأن المحكمه فى ش محمد على وهو نفس إمتداد طريق بورسعيد / القاهرة بس داخل بورسعيد
السوبر جيت ب23ج
شرق الدلتا ب 17ج
بيجو من المرج الجديده ب15ج
بيجو من رمسيس 16ج
محطه الوصول والسفر قى بورسعيد موقف مبارك الدولى
لما تيجى تروح إرجع فى تاكسى برضه للوصول لموقف مبارك لللرجوع للقاهرة
ومرحبا بك فى بورسعيد الباسلة

[waelwael]

أى إسئله تانى بورسعيد كلها فى إنتظارك

[noway359]

الف شكر لحضرتك وبورسعيد منوره باهلها
كنت عايز اعرف بس السوبر جيت او شركه الشرق دوول فى موقف ليهم فى رمسيس او احمد حلمى اقدر اركبهم من هناك وهل لازم حجز
وهل المحكمه فى وسط البلد فى بورسعيد يعنى بعد ما اخلص اقدر انزل اتمشى واروح على البحر ولا بعيد عنها
وسؤال خارج الموضوع هو ليه الفرق الكبير فى السعر بين السوبرجيت وشرق الدلتا
والطريق من بورسعيد للقاهره ياخد قد ايه يعنى لو ركبت الساعه 6 ممكن اوصل بورسعيد قبل 9

[waelwael]

محطه الركاب االجديده فى الترجمان بجوار مبنى أخبار اليوم والأهرام يمكن من خلالها ركوب إتوبيسات شرق الدلتا وكذلك إتوبيسات السوبر جيت وطبعا يرجى الحجز .
ويوجد محطه صعود أخرى وحجز أيضا لأتوبيسات السوبر جيت فى ميدان رمسيس .
ويوجد محطه حجز وصعود لكلا الأتوبيسات سوبر جيت وشرق الدلتا ( بولمان ) فى إلماظة بمصر الجديدة .
أما بالنسبه لسؤالك الخاص بمده الرحله فتختلف من رحله لأخرى حسب الزحام فى القاهرة فى المسافه التى يقطعها الأتوبيس من الترجمان لألماظه والرحله فى المتوسط من محطه الترجمان إلى بورسعيد تستغرق فى المتوسط ثلاث ساعات ونصف .
بالنسبه لفرق السعر فى سعر الأتوبيسات يرجع للعمر الأفتراضى للأتوبيسات أتوبيسات السوبر جيت أحدث من البولمان وأنطف بالطبع وأوسع فى الجلوس .
ومحكمه بورسعيد بجوار شاطى البحر بمده 15 دقيقه فقط ويوجد كورنيش بورسعيد يمكن التمشيه عليه وفى نهايته عند إستاد بورسعيد يوجد مجمع مطاعم بورسعيد وإفضلهم الكاستن والبرج و على طول الكورنيش يوجد العديد من الكافتيريات وبعد الأنتهاء يمكن العوده لموقف مبارك بتاكسى ب 2.5ج فقط لا غير أخر موعد مغادره للأتوبيسات بورسعيد 10 مساء

[noway359]

الف شكر لحضرتك وتعبتك معايا جداااا وربنا يسهلها واقدر اوصل قبل 9 خصوصا ان كل الاتوبيسات اللى عرفته بتطلع الساعه 6 ومفيش اتوبيس بيطلع 5