الطريق للمنيا ازاى

[A.Saad]

عندى فرح فى المنيا
انا اعرف ان فيه تلات طرق
الزراعى وده سيء ومليان ناس بتعدى ومطبات
الصحراوى الشرقى : مش عارف عنه اى حاجة فياريت شرح حالته ازاى واخبار الرادار والنقل والخدمات ايه

والصحراوى الغربى زى الشرقى برده مش عارف عنه اى حاجة
الف شكر على تعبكم مقدما

[abouelmaggd]

توصل بالسلامة ان شاء الله يا باشا ، بص الزراعى سيء جدا و مليان مطبات عالية بغباء ، الصحراوى الشرقى انا كنت مسافر عليه من اسبوعين بنى سويف تحفة و حرير زى طريق القطامية بالظبط معلهوش غير بنزينة وطنية فى اوله و بعد كده معاك ربنا سرعته القانونية 120 كم/س و مدخله اخر طريق الاوتوستراد بعد حلوان و 15 مايو بس مشكلته انه طريق حر لحد بنى سويف بس و بعد كده لحد المنيا هيبقى ضيق و فردى ، الطريق الصحراوى الغربى و ده برضه حرير و مجوز لحد اخره و هتاخده من طريق مصر الفيوم الصحراوى و طريق حر لحد ما توصل المنيا ان شاء الله .

[A.Saad]

توصل بالسلامة ان شاء الله يا باشا ، بص الزراعى سيء جدا و مليان مطبات عالية بغباء ، الصحراوى الشرقى انا كنت مسافر عليه من اسبوعين بنى سويف تحفة و حرير زى طريق القطامية بالظبط معلهوش غير بنزينة وطنية فى اوله و بعد كده معاك ربنا سرعته القانونية 120 كم/س و مدخله اخر طريق الاوتوستراد بعد حلوان و 15 مايو بس مشكلته انه طريق حر لحد بنى سويف بس و بعد كده لحد المنيا هيبقى ضيق و فردى ، الطريق الصحراوى الغربى و ده برضه حرير و مجوز لحد اخره و هتاخده من طريق مصر الفيوم الصحراوى و طريق حر لحد ما توصل المنيا ان شاء الله .

الف شكر لحضرتك على المرور والرد بس كنت عايز اعرف
هل الغربى بيوصل للمنيا
لانى قريت فى المنتدى انه بيوصل لاسيوط مباشرة
انا رايح مدينة المنيا ذاتها

[abouelmaggd]

الصحراوى الغربى بيعدى على كل محافظات الصعيد بالترتيب بنى سويف - المنيا - اسيوط - سوهاج - قنا

[drmfkm]

ان شاء الله توصل بالسلامة يا باشا
زى ما قال الآستاذ ابو المجد الطريق الزراعى مليان مطبات بغباء اكتر من 100 مطب
اما الصحراوى الغربى فهو مجوز وواسع وكويس بس هتيجى لحد مدينة سمالوط(المركز اللى قبل مدينة المنيا مباشرة ب 20 كيلو) وتدخل على الطريق الزراعى بتكون دخلة من الصحراوى على الزراعى عنده بيكون فى كمين والدخلة دى بتكون طريقها كويس وتوصل من الزراعى (عند سمالوط) الى المنيا حوالى 20 كم
بالنسبة للرادار بيكون غالبا قبل مدينة سمالوط ب 10 كم وقبل مدينة بنى مزار (ودى قبل سمالوط بحوالى 40 كم) خلى بالك لو لقيت العربيات بتهدى فى السرعة هدى معاها
واى استفسار انا تحت امرك
د / محمد

[mohamed777]

الصحراوى الشرقى كويس بس مش مزدوج وكلة نقل محاجر
فعلاً الصحراوى الغربيى افضل طريق تسافر منه للصعيد
وتطلع لة من ميدان الرماية
والمنيا بقى ليها مدخل مباشر لوحديها على الطريق الصحراوى الغربيى غير دخلة سمالوط
انا ماطلعتش منها قبل كده بس مشيت فيها شوية وهى مسفلتة جديد ومزدوجة ايضاً بعكس دخلة سمالوط

والمنيا تنور بيك وتشرفها وفى انتظارك بالسلامة

[temokemo]

اولا كل سنة وحضرتك طيب
المنيا هتنور بيك
حضرتك خد الصحراوي الغربي وهو طريق ممتاز وخصوصا بعد عملية ازدواج الطريق وبخصوص مدخل المنيا هو مد خل جيد جدا واحسن من مدخل سمالوط انا لسة من يومين جاي من علية بس الحفيفة ممناز
وربنا يحافظ عليك ويكفيك شر الطريق

[A.Saad]

الف شكر ليكم كلكم
فعلا
الصعايدة رجولة