إعـــــــلان

Collapse

.

,
See more
See less

عاوز افهم كوبري اكتوبر

Collapse
X
 
  • Filter
  • الوقت
  • Show
Clear All
new posts

  • #16
    انا عندى كام سؤال كده
    1 - هو نزله الترجمان دى هى نزله شارع شنن ؟
    2 - عند مطلع غمره بيقابلك نزله ع الشمال كده مباشره .. هل النزله دى بتكملك لميدان رمسيس كأنك مكمل فى لطفى السيد و مطلعتش طلعه غمره بالظبط ولا فى فرق ؟؟
    3 - من التحرير او الكورنيش ايه احسن طلعه فى اتجاه مدينه نصر ؟؟
    [RIGHT][COLOR="black"][B][caps]Mohamed Badr[/caps][/B][/COLOR][/RIGHT]

    Comment


    • #17
      انا عندى كام سؤال كده
      1 - هو نزله الترجمان دى هى نزله شارع شنن ؟
      yes

      2 - عند مطلع غمره بيقابلك نزله ع الشمال كده مباشره .. هل النزله دى بتكملك لميدان رمسيس كأنك مكمل فى لطفى السيد و مطلعتش طلعه غمره بالظبط ولا فى فرق ؟؟
      مطلع غمرة وينقل القادمين من شارع لطفي السيد والعباسية والدمرداش
      منزل غمرة ولا يسمح به إلا للقادين من مطلع غمرة فقط إلى شارع مهمشه لخدمة مناطق الشرابية وأحمد حلمي وكوبري الليمون ومهمشه وباغوص وصولاً إلى ميدان رمسيس ومحطة مصر والسبتيه والقللي
      - من التحرير او الكورنيش ايه احسن طلعه فى اتجاه مدينه نصر ؟؟
      اللى فى عبد المنعم رياض
      بس غالبا العصر بتكون واقفة
      لو كنت فى شبرا او قريب منها ممكن تاخد الطلعة اللى بعد نفق احمد بدوى
      A.Saad

      Comment


      • #18
        المشاركة الأصلية كتبت بواسطة m7nsh مشاهدة المشاركة
        انا عندى كام سؤال كده

        3 - من التحرير او الكورنيش ايه احسن طلعه فى اتجاه مدينه نصر ؟؟
        الافضل وسط البلد و خد نفق الازهر و بعديه اوتوستراد ... افضل بكتير من اكنوبر لو رايح مدينة نصر
        [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

        Comment


        • #19
          المشاركة الأصلية كتبت بواسطة shaddadfalcon1 مشاهدة المشاركة
          انا قضيت يوم مايعلم بيه غير ربنا بسبب اني كنت عايز اطلع علي الكوبري ده من التحرير وانا رايح ناحية مدينة نصر

          3 مرات اطلع والاقي نفسي في الأتجاه التاني وفي الأخر بعد مامخي قفل خالص قمت ماشي معاه لحد الدقي وراخده من لأول
          من عبد المنعم رياض

          Comment


          • #20
            المشاركة الأصلية كتبت بواسطة د.أحمد سمير مشاهدة المشاركة
            مخرج 15 مايو ويخدم المتجه إلى كورنيش النيل في اتجاه الساحل وروض الفرج والطريق الزراعي والزمالك والكيت كات والمهندسن وامبابه وميت عقبة ومحور 26 يوليو وشوارع أحمد عرابي وجامعة الدول وميدان سفنكس
            المخرج ده انا باستعمله كتير وانا راجع اسكندرية صحراوى
            بس لازم تكون صاحى جدا علشان تشوفه ويلزم ان تبحث عنه

            ده عامل زى ميكون مدخل غرفة مش مخرج كوبرى
            [CENTER][SIGPIC][/SIGPIC][/CENTER]

            Comment


            • #21
              المشاركة الأصلية كتبت بواسطة mohamed_selim مشاهدة المشاركة
              الافضل وسط البلد و خد نفق الازهر و بعديه اوتوستراد ... افضل بكتير من اكنوبر لو رايح مدينة نصر
              ممكن حضرتك تقولنا الطريق بالتفصيل ؟؟
              [RIGHT][COLOR="black"][B][caps]Mohamed Badr[/caps][/B][/COLOR][/RIGHT]

              Comment


              • #22
                و انت فى ميدان التحرير و جاى من ناحية القصر العينى هتخش يمين كأنك رايح باب اللوق (لو جاي من ناحية عبد المنعم رياض كأنك هتخش شمال بي طبعا هتلف الميدان) و انت بتلف الميدان هتلاقى قدامك 3 اختيارات يمين قوى (ده باب اللوق) و يمين حاجه بسيطه و ده طلعت حرب و طوالى تطلع على عبد المنعم رياض تانى ... تخليك فى باب اللوق و تمشى طوالى بعد شويه هتعدى اشارة شريف و بعدها فى اشاره تانيه تخش شمال (ده شارع محمد فريد) هتعدى الميدان و بعديه تقاطع و طوالى هتلاقى برج بنك مصر على اليمين و اشارة ميدان مصطفى كامل ... عدى الميدان برضه و خش الشارع اللى بعده (عبد الخالق ثروت) يمين و عند الاشاره انت فى ميدان الاوبرا و مدخل النفق هتلاقيه فى وشك بعد الميدان (خللى بالك لو طلعت الكوبرى هتوصل برضه بس دخلة صلاح سالم فى اتجاه مدينة نصر بتتوه ساعات و تطلعك فى اتجاه الجيزه فخليك فى النفق افضل) هتطلع من النفق تبقى كده فى صلاح سالم فى اتجاه مدينة نصر ... لو عايز تكمل فيه ممكن بس انا عن نفسى بعد ما اعدى كوبرى الفردوس (اول كوبرى بعد النفق) و قبل الكوبرى اللى فوق امتداد رمسيس بخش يمين فى شارع السكه البيضه و امشى فيه طوالى (خلى بالك فى مزلقان بعد تلته الاولانى) لحد الاوتوستراد و الف يوترن ابقى عند نادى المقاولين و اروح اى حته فى مدينة نصر من هناك (طوالى اوتوستراد او يمين من تحت اخر كزبرى اكتوبر في شمال عند اوليمبيك جروب و اخد مصطفى النحاس من اوله)

                لو قلت رايح فين فى مدينة نصر اقدر ارشحلك افضل طريق من وجهة نظرى
                [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                Comment


                • #23
                  يا راجل ده كده الف شكر .. شرح حضرتك ممتاز

                  بس فى كام سؤال كده برده ..معلش
                  هل النفق ليه مواعيد ؟ و عاوز اعرف مداخل و مخارج كوبرى و نفق الأزهر

                  وجزاك الله خيرا
                  [RIGHT][COLOR="black"][B][caps]Mohamed Badr[/caps][/B][/COLOR][/RIGHT]

                  Comment


                  • #24
                    النفق ليه مواعيد ... مش متأكد من 5 او 6 صباحا لحد 12 ليلا (و ساعات 1)
                    النفق مدخل واحد و مخرج واحد بيوصل من صلاح سالم لميدان الاوبرا و العكس

                    الكوبرى من ميدان الاوبرا تنزل عند جامع الازهر و طوالى الحسين على الشمال و مستشفى الحسين الجامعى يمين ... هناك الطريق بيلف سنه بسيطه شمال ... لو كملت طوالى هتخش صلاح سالم فى اتجاه القلعه يمين او شمال تلف مع مشيخة الازهر ... علشان تخش صلاح سالم فى اتجاه مدينة نصر يبقى بعد ما تعدى مستشفى الحسين (و الطريق يلف سنه بسيطه شمال) ب 50-100 متر كده هتلاقى فتحه يمين تاخدها هتنزل نفق اسمه نفق المماليك تحت صلاح سالم و تطلع منه شمال و كده هتكون فى السليم
                    [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                    Comment


                    • #25
                      والله موضوع ممتاز بارك الله فيكم
                      [CENTER][B]سامح البقري
                      المحامي[/B][/CENTER]

                      Comment


                      • #26
                        على كده نفق المماليك بيلحم مع نفق الأزهر فى المطلع عند صلاح سالم فى اتجاه مدينه نصر .. صح كده ولا فهمت غلط ؟

                        سؤاااااااال تانى .. عارف انى كرهتك فى المنتدى اساسا اليومين دول !! بس اعذرنى حضرتك من الناس اللى عندها خبره كبيره فى الطرق وفرصه كبيره نتعلم منك

                        لو انا رايح الحسين .. من وسط البلد قول ميدان الأوبرا.. هاخد الكوبرى و فى اخره خلاص الحسين ع شمالى زى ماحضرتك قلت .. بس المشكله فى الركنه .. فين احسن و اسرع مكان للركن فى المنطقه ؟

                        و لو رايح من صلاح سالم للحسين برده ايه احسن طريق و اسرع ركنه ؟

                        وجزاك الله خيرا :)
                        [RIGHT][COLOR="black"][B][caps]Mohamed Badr[/caps][/B][/COLOR][/RIGHT]

                        Comment


                        • #27
                          المشاركة الأصلية كتبت بواسطة m7nsh مشاهدة المشاركة
                          على كده نفق المماليك بيلحم مع نفق الأزهر فى المطلع عند صلاح سالم فى اتجاه مدينه نصر .. صح كده ولا فهمت غلط ؟

                          سؤاااااااال تانى .. عارف انى كرهتك فى المنتدى اساسا اليومين دول !! بس اعذرنى حضرتك من الناس اللى عندها خبره كبيره فى الطرق وفرصه كبيره نتعلم منك

                          لو انا رايح الحسين .. من وسط البلد قول ميدان الأوبرا.. هاخد الكوبرى و فى اخره خلاص الحسين ع شمالى زى ماحضرتك قلت .. بس المشكله فى الركنه .. فين احسن و اسرع مكان للركن فى المنطقه ؟

                          و لو رايح من صلاح سالم للحسين برده ايه احسن طريق و اسرع ركنه ؟

                          وجزاك الله خيرا :)
                          نفق المماليك مجرد حفره تحت صلاح سالم و مخرجه بيطلع فى الحاره اللى بعد 100 متر تلاقى اللى طالع من نفق الازهر على شمالك .. يبقى انت فهمت صح

                          متقولش كده .. المهم توصل بالسلامه

                          بص يا سيدى ... بعد نزلة الكوبرى على طول على اليمين فى محل جاد .. قبليه فى حته يمين كده ساعات بيركنو فيها بس انا مبحبهاش ... اللى بعملو انى بكمل و عند مستشفى الحسين فى باركنج بالساعه (الساعه رخيصه يعنى لو هتعد 3-4 ساعات مش هتوصل 5 جنيه بس هتراضى الراجل اللى هيركنك و يطوقلك العربيه) بس ساعات بيكون مليان ... فى ناس بتخليك تركن فى الشارع الضيق يمين (سور المستشفى قبل الباركنج) بس ده هيقولك عشره جنيه ...

                          لو رايح من صلاح سالم بتخش قبل نفق الازهر يمين و بعدين شمال ... هتوصل فى وش مستشفى الحسين ... هتكون عايز تخش يمين علشان توصل الحسين ... متخشش .. اركن فى اى حته على الشمال لو في .. او هتلاقى اشاره هناك لو حد هيعدى لمستشفى الحسين ... عديها و اركن فى الباركنج (ساعات الاشاره دى بيكونو قافلينها و مفيش حد يعدى) ...

                          لو اتزنقت و دخلت ناحية الحسين و معرفتش تركن ... امشى طوالى و اطلع اول مطلع كوبرى و لف من ميدان الاوبرا و ارجع تانى ... هتوفر كتير علشان لو مطلعتش اول مطلع هتلف و ترجع من العتبه و الدنيا بتبقى زحمه موت
                          [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                          Comment


                          • #28
                            كلام زى الفل .. تسلم اديك و كيبوردك والله يا استاذ محمد

                            جزاك الله خيرا
                            [RIGHT][COLOR="black"][B][caps]Mohamed Badr[/caps][/B][/COLOR][/RIGHT]

                            Comment


                            • #29
                              تيجى بالسلامه و لو فى اى استفسار تانى انا فى الخدمه
                              [B][justify][SIZE=3]الشيخ الشعراوى رحمه الله : حينما ترى المجرم يُحاَكم لا تنظر إليه وتشفق عليه، بل انظر الى جريمته[/SIZE][/justify][/B]

                              Comment

                              Working...
                              X