معهد ناصر

[sherif222]

لو سمحتوا يا شباب أنا ساكن فى المعادى وعايز أروح مستشفى معهد ناصر .. يا ريت حد يوصفلى وصفة سهلة أروح بيها (انا معايا عربية ) وهل حد يعرف المكان هناك فيه ركنة ولا ايه ؟؟ أشكركم

[A.Saad]

انت تاخد الكورنيش
هوة على كورنيش شبرا
هتعدى من
تحت كوبرى المنيب
اطلع كوبرى الملك الصالح
هتدخل ش القصر العينى
هتخلصه هتبقى عند مجمع التحرير
ياما تكمل من جوة الميدان وتدخل لميدان عبد المنعم رياض للكورنيش
يا اما تاخد شارع شمال وتوصل عند سفارة امريكا وفندق سميراميس وتدخل الكورنيش وطبعا عتنزل النفق وتطلع طوالى
و تكمل وتعدى من تحت كوبرى اكتوبر
هتعدى بعد كدة من كوبرى مايو ووراه كوبرى السبتية ثم روض الفرج
وتلاقى المعهد على اليمين
ممكن ما تلاقيش ركنة برة لانك على الكورنيش
يا تركن جوة
يا تركن فى الشارع الجانبى اللى قبل المعهد

[sherif222]

طيب يعنى حضرتك تقصد ان بعد ما انزل النفق اللى عند الفندق اطلع الناحية التانية وافضل ماشى طوالى وأول كوبرى الاقيه هو اكتوبر ما اطلعوش امشى من تحته وبعدين الاقى كبارى بعد كده : مايو - السبتية - روض الفرج .. هل كل دول بقى اطلعهم ؟؟ ولا ايه ؟؟ شكرا

[Osama_soliman]

تكلمة للوصف الرائع للاخ A.Saad فعلاً امشى ع طول ولا تطلع كوبرى اكتوبر

وبالنسبة للركنة داخل المعهد - تدفع 5 جنيه دخول
ولو وقت زيارة تدفع 5 جنيه عن كل فرد بالسيارة - بجانب 5 جنيه للسيارة

[A.Saad]

لا ما تتطلعش الكبارى دى خالص
انت هتعدى من تحتها
لان الكبارى دى عرضية يعنى بتقطع النيل وتوديك المهندسين او الدقى


النفق اما تاخده هتلاقى مطلع يمين ما تطلعوش
والمطلع الطوالى هتطلعه
وهتلاقى على يمينك النيل هيلتون وبعديه رمسيس هيلتون
وعلشان تدخل النفق
هتاخد شمالك فى اخر ش القصر العينى وهتلاقى مسجد عمر مكرم يمينك وبعديه اشارة
هتاخد يمينك
انا النقطة دى مش عارف اوضحها اوى لانى مش فاكرها تماما فاتاكد هناك افضل انك عايز تروح كورنيش شبرا او تروح عبد المنعم رياض
ولو لقيت ميكروباص اساله لانهم بيلفوا كتير من هناك

الاخ العزيز اسامة سليمان
شكرا جزيلا على مشاركتك

[د.أحمد سمير]

لا ما تتطلعش الكبارى دى خالص
انت هتعدى من تحتها
لان الكبارى دى عرضية يعنى بتقطع النيل وتوديك المهندسين او الدقى


النفق اما تاخده هتلاقى مطلع يمين ما تطلعوش
والمطلع الطوالى هتطلعه
وهتلاقى على يمينك النيل هيلتون وبعديه رمسيس هيلتون
وعلشان تدخل النفق
هتاخد شمالك فى اخر ش القصر العينى وهتلاقى مسجد عمر مكرم يمينك وبعديه اشارة
هتاخد يمينك
انا النقطة دى مش عارف اوضحها اوى لانى مش فاكرها تماما فاتاكد هناك افضل انك عايز تروح كورنيش شبرا او تروح عبد المنعم رياض
ولو لقيت ميكروباص اساله لانهم بيلفوا كتير من هناك

الاخ العزيز اسامة سليمان
شكرا جزيلا على مشاركتك

الكلام ده مضبوط بالفعل يا أحمد بك
نهاية شارع القصر العيني خليك شمال
ثم يمين بين المجمع وجامع عمر مكرم
ثم أول يمين من ميدان سيمون بوليفار بحيث يكون السميراميس على شمالك

ولو بفرض اتلخبطت وكملت على طول في الميدان
هتلاقي نفسك على الكورنيش ومفيش مخرج إلا عند مخرج كوبري قصر النيل
متقلقش
حضن يمين وانزل أول نزلة (حوالي 25 متر فقط من المخرج )
هتلاقي نفسك في النفق اللي كنت مفروض تنزله من الدخلة الأولى
وكمل بعد كدة في الكورنيش لا يمين ولا شمال زي ما قالك أحمد سعد
وتوصل بالسلامة

[sherif222]

متشكر جدا يا جماعة على ردودكم وتفاعلكم .