اماكن الردرات على الطرق المصريه

[Amrrr]

و السرعة القصوى على محور 26 يوليو كام
لحسن بتهري فلاشات بالليل

90 كم/ساعة

[mr_sameh]

طريق بلبيس العاشر الكيلو 7 اتجاه العاشر من بلبيس

[rockana]

رادارت المحور اللى فى العربيات كتير مابتكونش شغاله
بس نصيحه محدش يطاوع رجله و يعدي ال 90 - الطريق فعلا تحفه و مغري جدا لل 160 بس الحادثه بتحصل فى ثانيه
ربنا يبعدها عننا

[sobhysm]

يا ريت الرادارات الموجودة على الزراعى من شبرا لحد بنها وكمان طريق المنصورة وميت غمر

[zego]

وياريت يا جماعة حد يفيدنى للردارات علي طريق المنصورة جمصة من اول المنصورة وبلقاس لغاية جمصة يعني الطريق الدولى الساحلى ومن جمصة لغاية دمياط الجديدة وراس البر برده الطريق الدولى وبعدين طريق دمياط بيتعمل هناك رادرات بس عايز اعرف فين بالتفصيل

[elshahaat]

أحيانا - وبقالهم كتير مش بيقفوا
- الاوتوستراد 60كم/ساعة - من مدينة نصر لمساكن شيراتون - بعد بنزينة وطنية - بعد دخلة المطار بالليل من الساعة 12.00am
- نفس الطريق الاتجاه المعاكس بيقف في اول الطريق تحت كوبري المطار وساعات بيقف قبل موبيل - fji بس الصبح من الساعة تمانية


- رادار ليلي بيعمل فلاش بس في الدائري بعد الطلعة اللي من طريق السويس في اتجاه زهراء مدينة نصر بيبقى في عربية جيب كيا الجديدة بتاعة المرور وحواليها قراطيس وحواجز عاكسة كتير بتبقى باينة والسرعة 90كم/ساعة

الطريق ده نادر جدا لما بيقف فيه رادار...بس الطريق ده مفيش يوم الا بتكون فيه حادثه او اتنين.....وانا مش عارف ازاى المرور سايبه كده ...وربنا يستر

[tarekabosdera]

فيه كمان العربيات اللى ثابته على الطريق لسه بتشغل الرادار بتاعها 24 ساعه

انا كنت فاكر برضه ان العربيات اللي واقفة في المحور فيها رادارات .

بس سألت وقالولي ده مش رادارت ده بتبقى خدمات طريق ....

بس لو حد متأكد بنسبة 100 % ان العربيات ده فيها رادارات يقولنا اتأكد منين.

عشان عديت من جنبهم مئات المرات وكنت فوق 90.

[night_phoenix]

هوة رادار المحور البوكس الي علي اليمين و الشمال بيلقط في الاتجاهين؟؟
يعني وانا راجع من اكتوبر الرادار الي علي اتجاه الي رايح اكتوبر يلقطني؟؟؟

[ah-gawad]

وفين يا جماعة اسكندرية القاهرة الصحراوي ما حد يقول ده الواحد بيسافر عليه علي 100 كم ادب مش ناقصة غرامات كفاية اللي جوة البلد

[Maged_Samy]

ردار فى دوران محور التعمير المؤدى الى الطريق الدولى فى منطقة القبارى بالاسكندرية .
ردار بين الاشجار فى الجزيرة الوسطى لطريق مصر اسكندرية الصحراوى فى اماكن عديدة اهمها قبل مدينة السادات وقبل النوبارية والبوابات عشان دايماً الضابط بيحب يقعد فى الظل والردارات دى موجوده حتى المغرب فقط ومفيش بالليل .

[Ahmed Nouh]

الرادارات على طريق الاسماعيليه

فى واحد بعد مدينه العبور بحوالى 2 كيلو متر وده مش موجود طول الوقت واللجنه بتاعته بتكون مقابله للكمين الثابت اللى بيكون فى اتجاه اللى راجع القاهره

وفى رادار ثابت بعد مدخل الشروق بحوالى 2 كم برده وبعد ما تعدى كمين الرادار ده مفيش تانى غير بعد الكارته بحوالى 10 كم رادار تانى وهو تحديدا من بدايه ما يكون الطريق فيه شجر على الاجناب وبعد كدا مفيش رادار تانى لحد الاسماعيليه

اللى راجع القاهره فى رادار قبل الكارته بحوالى 2 او 3 كيلو وده تهدى عنده بمجرد ما تلاقى فى حواجز خرسان بين الطريق اللى رايح واللى جاى هو بيقف بعد بدايه الحواجز بشويه

ومن بعد الكارته فى الراجع مفيش اى رادارات تانى

يا ريت الرادارات الموجودة على الزراعى من شبرا لحد بنها وكمان طريق المنصورة وميت غمر

كان الاول فى رادار بعد كوبرى قها لكن بقالهم فتره بيعملوا رادار تانى قبله ومكانه متنقل فالاحسن تركز مع الميكروباصات

بمجرد ما تنزل طريق بنها فى رادار بعد ما تاخد طريق المنصوره بحوالى 3 كم بس للأسف انا معرفش اسماء البلاد على الطريق فمش هقدر افيدك فين بالظبط , بس الطريق ده الناس عليه خدومه قوى ولو فى رادار هتلاقى البشر كلها بتقلب نور

ومفيش رادارات تانى فى اللى رايح المنصوره لحد صهرجت وانا مبكملش فيه بعد كدا

وانت راجع فى رادار بعد بلد اسمها المنشيه الكبرى , هتلاقى مطب كبير عند جامع كدا واليافطه بتاعت البلد بعدها بحاجه بسيطه فى رادار والافضل انك تفضل مهدى لحد كفر شكر وبعد كدا مفيش تانى لحد القاهره

[Angel_wolf]

أحيانا - وبقالهم كتير مش بيقفوا
- الاوتوستراد 60كم/ساعة - من مدينة نصر لمساكن شيراتون - بعد بنزينة وطنية - بعد دخلة المطار بالليل من الساعة 12.00am
- نفس الطريق الاتجاه المعاكس بيقف في اول الطريق تحت كوبري المطار وساعات بيقف قبل موبيل - FJI بس الصبح من الساعة تمانية

يا نهار اسود يا لهوى الطم دة دا انا فى الاكادمية البحرية الى فى الشراتون ودة طريقى و انا بالاكسيل الحقيرة بتاعتى بثبت على 100 من كوبرى 4.5 لحد ما الف من قدام قبل الشراتون بشوية وادخل من عند fji او دخلة الاكادمية و ساعات كتير بجرب شعور الـ120 و بحاول جاهدا اتخطاها لكل بحس ان العربية فاضلها جناحين ربنا يستر على كل طلاب الاكادمية لان زى مانتوا عارفين اعندنا مبيعملوش حاجة غير انهم بيشدوا بالعربيات والـ 120 اول الناس فى الكلام
ربنا يستر

[Dr_Smart]

ردارات مصر اسكندريه الصحراوي لحد المغرب بس ولا فيه بالليل ؟

وطريق العين السخنه رداراته ايه نظامها ؟ انا كذا مره امشي عليه ومعظم الطريق معدي 120 بس ربنا بيستر

[x_gomgom]

طريق مصر الاسماعيلية بعد مدينة الشروق بحوالي 4كم عند المركز الطبي العالمي كمين ثابت - كمان في دخلة الاسماعيلية بعد الكارتة بحوالي 10كم رادار ثابت بالنهار

احب اضيف كمان في ساعات رادار قبل مدخل الشروق و الكمين عند المدخل و دا ساعات و ساعات و بيبدأ الساعه 2 تقريباً _ متجه من القاهره للاسماعيليه...
و انت راجع ساعات برضه في كمين بيكون امام المركز الطبي العالمي و اخر قبل اكوا بارك ب حوالي 500 متر..
عامه الردار في مصر الاسماعيليه الصحرلوي بيبدأ من الساعه 9 للساعه 5 مساء و احترس خصوصاً ايام الجمه و السبت و الاعياد...
يا رب اكون افدت

[Amrrr]

يا نهار اسود يا لهوى الطم دة دا انا فى الاكادمية البحرية الى فى الشراتون ودة طريقى و انا بالاكسيل الحقيرة بتاعتى بثبت على 100 من كوبرى 4.5 لحد ما الف من قدام قبل الشراتون بشوية وادخل من عند fji او دخلة الاكادمية و ساعات كتير بجرب شعور الـ120 و بحاول جاهدا اتخطاها لكل بحس ان العربية فاضلها جناحين ربنا يستر على كل طلاب الاكادمية لان زى مانتوا عارفين اعندنا مبيعملوش حاجة غير انهم بيشدوا بالعربيات والـ 120 اول الناس فى الكلام

ربنا يستر

مش واقف على طول دا قليل اوي لما بيقفوا !!!! والمخالفات بتبقى في ساعتها !!! ونصيحة الطريق وحش ومليان عيوب !! يوميا بدون مبالغة باشوف حادثة بالذات عند بنزينة وطنية بتحصل حوادث كتير عربيات بتعوًم في النلف وتطلع الناحية التانية او بتقف في الجزيرة اللي في النص انا نفسي الطريق كله يتراقب طول اليوم رادارعشان تبطل جري !!!!