تقريبا كده المرور خرف حد عنده تفسيير ؟؟؟؟

[ACE]

الموضوع غريب بس ده اللى حصل بالفعل
انا ركنت قدام فودافون المعادى (ش اللاسلكى)
دقيقة واحدة حتى ما بطلتش العربية وما قفلتش الباب
اتمسكت مجرد ما خرجت من العربية ودفعت غرامة 350 جنيه واخدت بيهم ايصال
تانى يوم وقف برده فى الممنوع فى اسكندرية (ما بتعلمش للاسف )
ولاقيت عربية الشرطة فى لحظه قدامى بصراحة انا كان هيجيلى شلل
ولاقيته بيعملى مخالفة وبيكتب وقالى هات 25 جنيه
قولتله بس ؟
وكنت فرحان جدا هههههههههههه
ليه بقى 25 فى كورنيش اسكندرية و350 فى شارع اللاسكلى فى المعادى

[hossam_elwani]

يبقى انت اكيد فى مصر>>>>>>>>>

[Maged_Samy]

اللى حصل معاك مجرد نحس ان بمشى فى حتت مبشوفش فيها عسكرى وبيحكمها قانون الغابة البقاء للاقوى ، لان قانون المرور الهدف منه بس جباية الفلوس مش النظام ولا روح البشر . ربنا يرحمنا ....

[Ahmed Nouh]

هى الانتظار الخطأ ب 25 جنيه

ال 350 دى واضح انها كانت نصبه

[pro_samir]

المفروض ان أي مخالفة ليها حد أدني وحد أقصي والمخالفة بتتراوح بين المبلغين دول ، بيحددوها بناء علي إية بالظبط معرفش ، يمكن علي مزاجهم

ويظهر ان المرور في اسكندرية كرما شويتين ، انا لسة يوم الأربعاء اللي فات في اسكندرية برضو استهبلت وسيبت العربية ساعتين صف تاني عند القلعة علشان مكانش في مكان ورجعت لاقيتها متكلبشة ، روحت للظابط في الونش ، بصلي وسكت شوية كدة وقالي انا كنت ناوي أعذبك .. وقال للعسكري يفكها ومدفعتش حاجة هههه

[seeker]

مخالفة الوقوف فى الممنوع 75 جنيه .. بس الخمسة وسبعين جنيه دول الضابط اللى حرر المخالفة مبياخدش منهم حاجة (الا تقريبا بتاع 600 جنيه كل كام شهر كنسبة ثابتة من المحافظة) .. لكن لو حرر مخالفة بـ 25 جنيه .. بيقى ليه نسبة من كل ايصال يحرره .. يعنى لو قفل دفترين ايصالات فى يوم واحد وهو وشطارته بأه ممكن يعمل مبلغ حلو .. علشان كده الضباط بيعملوا المخالفات اللى بـ25 جنيه وليس ال75 جنيه لان مكسبهم اكبر فى المخالفة الاصغر
وياريت حد يبص فى الايصال الخاص بالمخالفة ام 25 جنيه ويقولنا صادر من اى جهة ومكتوب عليه ايه .. وبرضه حد يقولنا الايصال الخاص بالمخالفة الكبيرة ام 75 مكتوب عليه وصادر من اى جهة

[ACE]

يبقى انت اكيد فى مصر>>>>>>>>>

بس ده مش تفسير
ابو 350 جنيه اخدت منه ايصال مظبوط
وابو 25 جنيه اخدت منه ايصال مظبوط

والاثنين ظباط شرطة مش عساكر ولا امناء شرطة

[ACE]

اللى حصل معاك مجرد نحس ان بمشى فى حتت مبشوفش فيها عسكرى وبيحكمها قانون الغابة البقاء للاقوى ، لان قانون المرور الهدف منه بس جباية الفلوس مش النظام ولا روح البشر . ربنا يرحمنا ....

انا مش بتكلم على النحس
ده شيئ مفروغ منه هههههههههههه

انا عايز اعرف ايه افرق الكبير جدا فى الغرامة مابين اسكندرية والقاهرة

[ACE]

هى الانتظار الخطأ ب 25 جنيه

ال 350 دى واضح انها كانت نصبه

لا مش نصبة لانه ظابط وكان معاه ونش وعساكر وكاتب ايصال سليم مليون %
والظابط ده هو اللى موجود فى الشارع باستمرار
فـ فكرة النصب دى بعيدة تماما

[ACE]

المفروض ان أي مخالفة ليها حد أدني وحد أقصي والمخالفة بتتراوح بين المبلغين دول ، بيحددوها بناء علي إية بالظبط معرفش ، يمكن علي مزاجهم

ويظهر ان المرور في اسكندرية كرما شويتين ، انا لسة يوم الأربعاء اللي فات في اسكندرية برضو استهبلت وسيبت العربية ساعتين صف تاني عند القلعة علشان مكانش في مكان ورجعت لاقيتها متكلبشة ، روحت للظابط في الونش ، بصلي وسكت شوية كدة وقالي انا كنت ناوي أعذبك .. وقال للعسكري يفكها ومدفعتش حاجة هههه

حد ادنى دى غالبا بتكون بالنسبة لمخالفات الرادار
انما ماتقنعنيش انى لو ركنت فى وسط البلد سعر والمعادى سعر تانى وحلوان سعر ثالث

انت ربنا كرمك بظابط محترم انما انا بقع مع ناس مش بتتفاهم
مش بيقولو غير الفلوس يا استاذ وتلاقيها لبانة فى بقه ههههههههههههههه
كأنه ليه عندى فلوس وانا بتهرب منه
ربنا يرحمنا والله

[ACE]

مخالفة الوقوف فى الممنوع 75 جنيه .. بس الخمسة وسبعين جنيه دول الضابط اللى حرر المخالفة مبياخدش منهم حاجة (الا تقريبا بتاع 600 جنيه كل كام شهر كنسبة ثابتة من المحافظة) .. لكن لو حرر مخالفة بـ 25 جنيه .. بيقى ليه نسبة من كل ايصال يحرره .. يعنى لو قفل دفترين ايصالات فى يوم واحد وهو وشطارته بأه ممكن يعمل مبلغ حلو .. علشان كده الضباط بيعملوا المخالفات اللى بـ25 جنيه وليس ال75 جنيه لان مكسبهم اكبر فى المخالفة الاصغر
وياريت حد يبص فى الايصال الخاص بالمخالفة ام 25 جنيه ويقولنا صادر من اى جهة ومكتوب عليه ايه .. وبرضه حد يقولنا الايصال الخاص بالمخالفة الكبيرة ام 75 مكتوب عليه وصادر من اى جهة

معلومة جديدة
بالنسبة للايصال ابو 350 جنيه
كان محضر تصالح

[yyy]

انا مش بتكلم على النحس
ده شيئ مفروغ منه هههههههههههه

انا عايز اعرف ايه افرق الكبير جدا فى الغرامة مابين اسكندرية والقاهرة

الفرق مش فى اسكندرية والقاهرة...الفرق فى المخالفة نفسها يعنى بتاع القاهرة اتوصى بيك شويتين فى المخالفة(كذا بند مع بعض)

..مخالفة الانتظار الممنوع نوعين
1-50ج ودية انتظار خاطىء بدون اعاقة حركة المرور
2- 250ج ودية انتظار خاطىء+تعطيل المرور

[yyy]

معلومة جديدة
بالنسبة للايصال ابو 350 جنيه
كان محضر تصالح

ماهو بيعمل ايصال سحب للرخصة الاول وبعدين لما ندفع فورى ياخد ايصال السحب ويديك ايصالا التصالح
المخالفة الب25ج مخالفة استخدام ونش المرور

[ACE]

الفرق مش فى اسكندرية والقاهرة...الفرق فى المخالفة نفسها يعنى بتاع القاهرة اتوصى بيك شويتين فى المخالفة(كذا بند مع بعض)

..مخالفة الانتظار الممنوع نوعين
1-50ج ودية انتظار خاطىء بدون اعاقة حركة المرور
2- 250ج ودية انتظار خاطىء+تعطيل المرور

انا كنت فى شارع فاضى محدش راكن فيه غيرى تقريبا
ولا عطلت مرور ولا حاجه ربنا يسامحه بقى

بس مجموع المخالفتين اللى حضرتك بتقول عليهم 300 جنيه الـ 50 جنيه الفرق بقى بتوع ايه

[ACE]

ماهو بيعمل ايصال سحب للرخصة الاول وبعدين لما ندفع فورى ياخد ايصال السحب ويديك ايصالا التصالح

المخالفة الب25ج مخالفة استخدام ونش المرور

حلو الكلام
بس تقريبا ال 25 جنيه دى مش استخدام الونش دى ثمن استخدام الكلابشات