جددت الترخيص بتاع العربية

[Hegazio]

انا بصراحة كان قدامي شهر .. بس كنت اجازة و معدي قدام المرور و معايا باكو في جيبي .. قلت حلو
قلت اسأل علي المخالفات الأول ..
أخخخخخخخ
700 جندي
اللي غايظني ان فيه مخالفة 3 في 1 ب 500 جنيه !!!
3 سطور مكتوب فيهم
* كسر الإشارة الضوئية
* تعمد اعاقة المرور
* عرقلة سير نهر الطريق
و اقسم بالله مانا فاكر حاجة زي دي و لا أخلاقي خالص !
بس برضه المخالفة غلاوية قوي !!!
يللا
خدت النمر الجديدة .. ( و أنا بادعي ربنا مش مهم تبقي حروف حلوة .. بس ما تبقاش وحشـــــة !)
الحروف الحمد لله لا معني لها ( ي و ط ) .. ( أحسن من شهرين كانت ال ي لام ! )
و مافيش لا مثلث و لا شنطة طبعا
و عجزت معايا في الأخر كان كل اللي معايا خمسين قرش للراجل اللي حيركب النمر ( قتاوته يعني )
و قلتله حأعدي عليك بكره
أعدي ولا لأ ؟

[M.Mosaad]

انت قتلت حد لامين الشرطه الي اخد المخالفه دي
اصلها وصايه اوي ي ي ي ي
يالا خير الحمد لله
المهم انك جددت و دة حاجة تتحسد عليها الايام دي
انا لسة مجدد من كام يوم و اتبهدلت تمام التمام
رايح من 8 الصبح مخلص الساعه 1 الظهر و للعلم مكنش عندي مخالفات بيس علشان اخد الشهادة دي قعدت 4 ساعات قدام الشباك
بس لو وعدت الراجل معلشي ابقي عدي عليه و تبقي كمان صدقه لانك مش مجبر عليها دلوقتي

[lada2010]

انت مرور البساتين ولا اية

[ابوهاشم]

انت مرور البساتين ولا اية

شكلك كده مفقوع من مرور البساتين
على فكره انا مرور البساتين برضه
ولسه مرخص سنتين من شهر فات
بس بصراحه هى احسن من غيرها كتير
يعنى انا فاكر انى قعدت هناك ساعتين تقريبا
والمخالف كانت 21جنيه بس
انا مش عارف صراحه هى كانت مخالفة ايه
لكن حاجه تافهة لا تذكر بس اللى فاكره ان شهادة المخالفات
طلعت فى اقل من 10 دقائق ومن غير واسطه ولا حاجه

[nomercy22]

مبرووووووووك ومبروك علي النمر الجديده

[Hegazio]

اي و الله .. شكل أمين الشرطة كان منفسن مني قوي
الحمد لله

[M.Mosaad]

لا انا مرور مدينه نصر
بس فعلا يوم التجديد دة بقي عامل زي يوم بتاع الاعفا او التاجيل بتاع الجيش الواحد بيخرج يتشاهد انه خلص
و الناس بتقعد تبصلك بحسدددددددددددد اوي اكنك اخدت العربيه هديه
هما لموا الرخص مننا الساعه 8.30 و طلعوا الرخصة الساعه 12.00 و كل دة و انا لازق في الشباك لانه كان بينادي بصوت واطي و لا عارف اروح افطر و لا اصلي و لا اعمل اي حاجة
الحمد لله علقة تفوت

[Karim_Mohy]

هي لو العربية فيها خبطة خفيفة في الرفرف الامامي ممكن اللي بيفحص يتكلو ولا كده كده هاياكل عيش فا مش فارقة؟

[Dr.Karim Emam]

هي لو العربية فيها خبطة خفيفة في الرفرف الامامي ممكن اللي بيفحص يتكلو ولا كده كده هاياكل عيش فا مش فارقة؟

انت و حظك :))

لو الخبطه دى مش ناحية المهندس و هو قاعد ممكن تعدى
و لو ناحيته ممكن بكلمتين كده تعدى برده

اما بقى لو قفلت مع المهندس و قال لك لازم تصلحه, امشى و روح اليوم اللى بعده عشان غالبا مش نفس المهندس
بيروح كل يوم و جرب المهندس التانى

انا لسه كنت برخص فى العربيه النهارده بس زيرو فى مرور ابيس فى اسكندريه و لقيت واحد صاحبى هناك بالصدفه و كان بيجدد رخصة عربيته و الباب اللى ورا على اليمين كله مخبوظ !!
قلت له و المهندس عداك ازاى كده؟
قال لى لا هو كان قاعد على شمال العربيخ و ماشافهاش :))

الموضوع مش اكتر من حظووووووظ بس

[Karim_Mohy]

الف شكر ومبروووك ع النمر الجديدة وربنا يحفظهالك