كمين جديد

[night_phoenix]

اهلا بالساده الكرام اود التنبيه علي وجود كمين جديد يمكن من يومين بس علي اخر الوصله الجديده بتاعه المريوطيه علي الكوبري نفسه بتكون موجوده قبل مفرق اسكندريه و نزله الدائري ب 100 مترتاني -يارب اكون قادر اوضح- ده موجود من الصبح بدري يمكن من 7
كنا بنجري 100 120 علي الكوبري الجديد ده بس الكمين و السرعه 80 اقصي حاجه
ارجو اني اكون وضحت المكان و اكون افدت حد
شكرا

[ابوهاشم]

شكرا ياباشا على المعلومه
والمكان انا عرفته بالتحديد

[ZALABANY]

شكرا على المعلومة

[sherifahmed]

مصر البلد الوحيد اللى يعمل وصلة او طريق سريع عشان يسرع المرور و بعدين يحط عليه كمين عشان يبأه معملش حاجة

[Ahmad Allawy]

بس الكمين ده مش كمين رادار ولا سرعة..
عشان انا يوم الاتنين كنت ماشي عليها و كنت باجري.. و اقل سرعة كنت عليها كانت 100 ووصلت لحد 140 و محدش وقفني..
ده غالبا بيوقفوا فيه العربيات اللي بيبقي عليها اخباريات.. او حاجات كده..

[ahmed4000]

مصر البلد الوحيد اللى يعمل وصلة او طريق سريع عشان يسرع المرور و بعدين يحط عليه كمين عشان يبأه معملش حاجة

يعنى معنى انه طريق سريع معمول علشان يسرع المرور ان الناس تمشى عليه على 140 او 150؟؟؟؟؟؟

[night_phoenix]

ممكن لان انا برضه كنت فوق ال 100 والراجل وقف الطريق شويه مشاه و بعدين لما و صلت عنده شاورلي و هوة معاه ورق بيكتب فيه حتي ما بصش عليا بس تظرة ورايا و بيدور علي حاجه و كنب ارقام مش عارف بالظبط وبعدين شاوريلي ومشيت بس تاني يوم كنا معظمنا ماشي 80 و لقينا كام عربيه راكنه و الناس نزلت منها علي جنب زي ما يكون كمين مش عارف والله هل ززي ما حضرتك بتقول ام كمين سرعه مش عارف
يا ريت حد يعرفني ده ايه

[Ahmad Allawy]

يعنى معنى انه طريق سريع معمول علشان يسرع المرور ان الناس تمشى عليه على 140 او 150؟؟؟؟؟؟:n_no[1]:

لما يكون الطريق فاضي و سالك.. و العربية الحمد لله تستحمل انه اجري بيها علي السرعة دي من غير ما اكون حاسس بالقلق منها.. يبقي ايه المشكلة..
طالما مش حاسس انه في خطورة عليا ولا علي الناس اللي ماشية معايا في الطريق..

وبعدين انا لما اجري مش محتاج ابرر سبب الجري.. ممكن اكون متأخر علي الشغل. او عندي مشوار او معايا حد تعبان..
و الحقيقة اني انا كنت باجرب الجري بالعربية.. و اشوف هي لحد سرعة ايه بتفضل تحت السيطرة.. و اكون مطمن و انا باجري بيها..

[nomercy22]

مشكوووووووووووور
علي المعلومه

[SAMEH_FOUAD]

اية ياجماعة انا كنت جايب علية 220 بس لمحتة من بعديد روحت مهدى وهو اصلا مابصليش لانة كان ماسك عربية نص نقل ومشغول فيها
بس انا عايز اعرف هو الطريق دة علية رادار فعلا لانى مشس بمشى علية اقل من 160 /180

[aymansaad]

شكرا على المعلومة

[kasten]

لما يكون الطريق فاضي و سالك.. و العربية الحمد لله تستحمل انه اجري بيها علي السرعة دي من غير ما اكون حاسس بالقلق منها.. يبقي ايه المشكلة..
طالما مش حاسس انه في خطورة عليا ولا علي الناس اللي ماشية معايا في الطريق..

وبعدين انا لما اجري مش محتاج ابرر سبب الجري.. ممكن اكون متأخر علي الشغل. او عندي مشوار او معايا حد تعبان..
و الحقيقة اني انا كنت باجرب الجري بالعربية.. و اشوف هي لحد سرعة ايه بتفضل تحت السيطرة.. و اكون مطمن و انا باجري بيها..

وياترى ايه هى اقصى سرعه بتكون تحت السيطره ؟

[Ahmad Allawy]

وياترى ايه هى اقصى سرعه بتكون تحت السيطره ؟

والله دي حاجة بتختلف فيها عربية عن التانية..
يعني لما كان معايا ال125.. كانت السرعة اللي مش بابقي مجازف لما امشي عليها 70-90 اكتر من كده باحس اني مش في قمة التحكم بالعربية..
الكورسا كانت لحد 110 زي الفل..
العربية اللي معايا حاليا دي.. وعلي الرغم من ان المساعدين بتاعتها محتاجة تتغير.. فهي لحد -140 كويسة قوي.. و الفرامل بتلحق في الوقت المناسب بفضل الله..و 130 و الثيات معقول جدا..

[Ahmad Allawy]

اية ياجماعة انا كنت جايب علية 220 بس لمحتة من بعديد روحت مهدى وهو اصلا مابصليش لانة كان ماسك عربية نص نقل ومشغول فيها
بس انا عايز اعرف هو الطريق دة علية رادار فعلا لانى مشس بمشى علية اقل من 160 /180

انا الي اعرفه انه لحد دلوقتي مش عليه رادار.. و صعب يبقي عليه رادار.. عشان الاماكن اللي ممكن يبقي فيها هتكون ملجأ الطوارئ ده بس.. غير كده هيبقي الراجل قاعد بالجهاز علي السور مثلا..:b4_592:
و حتي في ملاجئ الطوارئ دي.. هيكون مكشوف قوي..
لكن لو انت رايح في اتجاه المنيب.. خلي بالك عشان لما بيحطوا رادار.. بيبقي بعد المنزل مباشرة.. مكان سخيف جدا يعني..

[gebreel]

شكرا على المعلومة و ياريت لو حد يقلنا فعلا ده كمين رادار ولا اخباريات