مدينة العبور تبع مرور أيه؟

[memoo305]

مدينة العبور تبع محافظة القليوبية. بس أنا مش عارف المرور بتاعها فين بالظبط ؟ وأيه أخبارة زحمة ولا رايق؟
أصل أنا تبع مرور شبرا و نقلت حديثا للعبور فمش عارف أخلني في شبرا ولا أنقل القليوبية؟

لو حد يا جماعة يقدر يفيديني يبقى جزاه الله كل خير..

[محمد محمد]

مدينة العبور تبع محافظة القليوبية. بس أنا مش عارف المرور بتاعها فين بالظبط ؟ وأيه أخبارة زحمة ولا رايق؟
أصل أنا تبع مرور شبرا و نقلت حديثا للعبور فمش عارف أخلني في شبرا ولا أنقل القليوبية؟

لو حد يا جماعة يقدر يفيديني يبقى جزاه الله كل خير..

تبع مرور الخانكة.

[mr_sameh]

تبع مرور الخانكة.

+11111111

[memoo305]

معلش يا باشا فين مرور الخانكة وهو قليوبية ولا القاهرة.
انت مرخص تبعة كويس ولا غير أدامي زي السلام
(معلش أسئلتي كتير)

[محمد محمد]

معلش يا باشا فين مرور الخانكة وهو قليوبية ولا القاهرة.
انت مرخص تبعة كويس ولا غير أدامي زي السلام
(معلش أسئلتي كتير)

مرور الخانكة تبع القليوبية وهسأل علي مكانه وارد عليك بليل انا مرخص تبع السلام علشان بطاقتي عين شمس.

[محمد محمد]

مرور الخانكة وراء السنترال وبجوار المحكمة والشهر العقاري والمكان سهل ومايتوهش وعلي فكرة انا سألت واحد مجرب مرور الخانكة والسلام قالى السلام احسن.

[memoo305]

شكراً.جزاك الله خيراً.

[Karim_Monir]

خليك في شبرا طبعا
انا مرور شبرا
وماشي ببطاقتين عشان كدة
واحدة القديمة بالمرور القديم
وغالبا هانقل السلام عشان خلصت ولو اتجددت هايتعرف اني غيرت العنوان

[memoo305]

خليك في شبرا طبعا

أنا برده قررت أعمل كده
بس مرور شبرا مش كويس أوي يعني
أنا أخويا مرور النزهة بيتعامل معاملة بشوات (كراسي ومراوح ومعاملة أدامية) والمصلحة بتقضي عنده بسهولة.(كده كده لازم الإكراميات)

ده الطابور إلي الواحد بيقفوا في النيابة بتاعة شبرا ممكن يقعد ساعتين تلاته. غير الزحام الغير عادي في باقي الشبابيك (وبرده لازم تدفع)

[eslam_wega]

خليك في شبرا طبعا
انا مرور شبرا
وماشي ببطاقتين عشان كدة
واحدة القديمة بالمرور القديم
وغالبا هانقل السلام عشان خلصت ولو اتجددت هايتعرف اني غيرت العنوان

حلو الحل شكرا يا استاذ كريم
لان انا عندى نفس المشكلة ساكن فى العبور برضوا ومرور الخانكة بجد وحش جدا
عشان كدا الحمدلله انا تابع مرور الويلى على البطاقة القديمة
عندى سوال بعد ازنك انا البطاقة عندى من 2005 كدا هتخلص امتى مع العلم ان عندى 21 سنة ولسة فاضلى سنة واتخرج ان شاء الله ولو خلصت البطاقة اعمل اية عشان افضل تابع مرور الويلى وشكرا

[yoko]

أنا برده قررت أعمل كده
بس مرور شبرا مش كويس أوي يعني
أنا أخويا مرور النزهة بيتعامل معاملة بشوات (كراسي ومراوح ومعاملة أدامية) والمصلحة بتقضي عنده بسهولة.(كده كده لازم الإكراميات)

ده الطابور إلي الواحد بيقفوا في النيابة بتاعة شبرا ممكن يقعد ساعتين تلاته. غير الزحام الغير عادي في باقي الشبابيك (وبرده لازم تدفع)

أنا في مرور النزهة رايق وزي الفل وبروح بواسطة رخصت العربية وعلقت لوح في أقل من ٤٠ دقيقة (ربنا يدمها نعمة)
بس هنقل العبور خلال سنتين

[محمد محمد]

حلو الحل شكرا يا استاذ كريم
لان انا عندى نفس المشكلة ساكن فى العبور برضوا ومرور الخانكة بجد وحش جدا
عشان كدا الحمدلله انا تابع مرور الويلى على البطاقة القديمة
عندى سوال بعد ازنك انا البطاقة عندى من 2005 كدا هتخلص امتى مع العلم ان عندى 21 سنة ولسة فاضلى سنة واتخرج ان شاء الله ولو خلصت البطاقة اعمل اية عشان افضل تابع مرور الويلى وشكرا

هو احنا جيران ولا ايه......بص يا سيدي صلي علي النبي مدة البطاقة سبع سنوات وبعد كده تتجدد طب انت دلوقتي عايز تبقي تبع الوايلي وانت ساكن في العبور خلي حد من اقاربك او حبايبك في الوايلي يعملك عقد ايجار بأسمك ولما تيجي تجدد البطاقة تبقي قدم العقد ده.

[Karim_Monir]

بس لو عملت بطاقة تانية بعنوان جديد زيي مش هاينفع

[mzmr]

بشري للاخ السائل مرور مدينة العبور موجود بالحي الثاني
وسوف يتم افتتاحة قريبا حدا

[memoo305]

بشري للاخ السائل مرور مدينة العبور موجود بالحي الثاني
وسوف يتم افتتاحة قريبا حدا

ياريــــــــــــــــــــــــــــــــــــت (هيبقى فيه نيابة برضة؟؟)
أرجو موافتنا بالأخبار عند الإفتتاح وجزاك الله خيراً...