إعـــــــلان

Collapse

.

,
See more
See less

انا سقطت يا رجالة .... ونفسيتى تعبت .... الحقووووونى

Collapse
X
 
  • Filter
  • الوقت
  • Show
Clear All
new posts

  • انا سقطت يا رجالة .... ونفسيتى تعبت .... الحقووووونى

    بسم الله الرحمن الرحيم

    انا انسان فى حالى ومسالم جدا

    لكن موش هاقولك اكثر من حاجة واحدة بس حصلت لى من نص ساعة

    بعد التدريب على اختبار الرخصة فى مدرسة قيادة
    واجتياز التدريب اكثر من مرة "مية مية" بشهادة المدرسة

    واجتيازالاختبار فى ادارة المرور "مية مية"

    والنتيجة ... انت راسب

    انا رايح ومتأكد انى ناجح
    اعتقدت انى ما سمعتش كويس

    وسألت مرة ثانية بدهشة

    أنا ... "سقطت"
    هههههههههههههههههههههههههههههههههههه
    المهندس: بيشطب على الورق بعلامة "اكس"
    وينفخ فى نفسه قوى ويقول "ايوه انت ساقط وتيجى بعد 3 شهور"

    ههههههههههههههههههههههههههه

    علما بأن حوالى 20 او 30 بنت عملوا اختبار بعربية "كيا برايد عصفورة"
    وطول الوقت عمالين يخبطوا فى الاقماع

    اقسم بالله ولا واحدة سقطت وكلهم نجحوا

    وانا اللى اتعلمت صح ومية مية وعديت الاختبار "سااااااااااااااااااااااقط"

    وعشان تتأكدوا من كلامى
    هاقول لكم انى كل اللى عملته انى مشيت بالعربية للأمام فقط ... يعنى مارجعتش بالعربية للخلف عشان اقول يمكن وقعت ولا حتى حركت قمع

    مشيت للامام "مية مية" عادى خالص بدون اى مشاكل

    المشكلة كانت فين
    المشكلة كانت فى "مزاج" سعادة الباشا
    له مزاج ينجحك "تنجح على طول"

    مالوش مزاح "انت راسب على طووول"

    الخلاصة

    والنتيجة ... انى طبعا نفسيتى تعبت
    فين الغلط ... موش عارف

    رحت اجيب ابنى الصغير من المدرسة
    قال لى: عملت ايه يا بابا فى الامتحان
    قلت له: انا "سقطت"
    قال لى: ليه يابابا

    مسكت نفسى ... وبدل ما اقول له عشان احنا فى بلد بنت ؟؟؟ ولا بلاش

    قلت له: بكره تكبر وتعرف
    هل انا غلط انى ماقلتش لأبنى الحقيقة .. عشان يتعلم من صغره الدنيا عندنا ماشية ازاى
    فى ثوانى قلت لنفسى وهو ذنبه ايه ... مافيش داعى اعلمه حاجة وحشة عن بلده ... يمكن الحال يتصلح والله اعلم


    وللأمانة
    سعادة البيه عمال "يضيق فى الأقماع" عشان يقرف الناس
    لدرجة انا قلت لنفسى .... معقول فيه حد مجنون يلاقى ملف ضيق بالشكل ده ويدخله .. ده استحالة

    لدرجة انه كان بيفصل الاقماع على العربية هههههههههههههههههههههههههه
    تخيلوا انتم


    وطبعا فيه ناس كثيير للاسف "رسبوا"
    والقمع اللى يقع ... يرجعه اضيق من الأول

    حاجة كده مسخرة ...مهزلة

    المهم ... انا قلت لنفسى معقولة انا احط نفسى تحت امر ناس زى دول
    فى ستين داهية العربية
    اللى هاتخلى ناس فاشلة زى دى تتحكم فى
    وتحرق فى دمى كل ما اروح المرور

    اتفرج على سائقين الاجرة "المساكين"
    والله جالسين فى المرور اكثر من 30 سائق ... ترمى الابرة "ترن"
    يعنى لو داخل مسجد يمكن تسمع حس

    الناس يا عينى مرعوبة ... موش مصدقة ان مصلحتها هاتخلص

    الخلاصة
    ومن الآخر

    أبجنى ... تجدنى

    وده اللى انا رفضته وعملت فيه متعلم
    ورفضت الرشوة ... ودى النتيجة هههههههههههههههههههههههههه
    على فكرة انا بضحك من الغلب هههههههههههههه
    شكلى كده هاتجنن قريب


    والدرس اللى اتعلمته على كبر
    وكنت اشوفه فى المسلسلات ... معاك قرش كل شىء هايعدى وتبقى الحياة وردى

    انا موش عارف احنا رايحيين على فين

    والاهم من ذلك .... لما خريج شرطة صغير فى السن من دور اولادى
    تشوفه وهو بيتعامل مع الناس ... بلاش اتكلم احسن

    خلاص انا حاسس ان البلد دى موش بتاعتنا

    واحسن حاجة ان الواحد يصلى .. ويدعوا ربنا انه يخرجه من الدنيا على خير

    ويركز فى الصلاة قوى عشان "ينسى" البلاوى الزارقة اللى حوالينا ... ويعيش مع ربنا احسن له عشان نفسيته ترتاح على طول ... خلاف كده مافيش فايدة


    والبركة فى اولادنا ... يشوفوا بلد تانية احسن لهم


    [sor1]https://s15.postimg.org/to3r0graj/Untitled7_jpg.jpg[/sor1]
    [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
    [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
    [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

  • #2
    ولا يهمك يامان كتير بتحصل دى وخصوصا انك عارف الفلوس اللى بتدفع علشان الرخص اطلع وطالما فى انسان متحكم
    فى كل شئ اكيد هتلاقى اللى مزاجه زفت واللى مشطايق نفسه ويطلع همه فى الناس واللى ربنا اداله سلطه
    يتحكم بيها فى الناس
    المهم ماتزعلش نفسك والمره الجايه تاخدها وخيرها فى غيرها

    Comment


    • #3
      انا شايف انت لو متأكد انك ناجح روح لرئيس اللجنه الفنيه واشتكيلو

      بس لو طله هو رئيس اللجنه الفنيه يبقى .....

      معلش كلنا بنتلسع فى البلد دي
      [COLOR=DarkRed]ربنا موجود
      [/COLOR][SIGPIC][/SIGPIC]

      Comment


      • #4
        بص انا عارف ان كلامى ده ناس كتير مش هتتقبله وناس كتير هتقولى بتحرض على الفساد

        بس هل انت شايف ان امتحان القياده بتاع المرور ده هو فعلا بوابتك الحقيقه للتعرف على مدى مهارتك وقدرتك للحصول على ترخيص قياده ؟

        لو شايف فعلا كدا يبقى استنى 6 شهور انت لسه مش مؤهل تنضم لنخبه افضل السائقين فى العالم

        ولو كنت زى مقتنع انه مجرد روتين حكومى , يبقى سلك نفسك

        انا دخلت امتحن زى اى مواطن محترم وسقطت فى الامتحان علشان امين الشرطه قالى " هو كدا وخلاص انت سقطت "

        طلعت كارت الواسطه اللى قريبى قالى بكل ضحك وهو بيديهولى قبلها بيومين " خد بس يا عم المحترم خليه فى جيبك يمكن ينفعك "

        وساعتها امين الشرطه قالى , يا باشا انت تبع فلان بيه مش تقول حضرتك اتفضل ولا امتحان ولا غيره وقول للباشا تحت امرك
        [CENTER]
        [SIZE=4][COLOR=DarkRed][B][FONT=Comic Sans MS]إفـلــت زمـام امـالــك[/FONT][/B][/COLOR][/SIZE]
        [/CENTER]

        Comment


        • #5
          ماتقلقش طول مانت مؤمن بالله
          انت دلوقتي معاك رخصة من ربنا انك تدعي على اللي ظلمك و ربنا يستجيب فورا
          و إذا سامحته هيبقى ثوابك اكبر
          اما رخصة العربية دي ممكن تطلعها من غير فلوس لو ليك حد معرفة من الشرطة
          بس اهم حاجة تحمد ربنا في السراء و الضراء
          [CENTER][FONT=Century Gothic][SIZE=5][COLOR=#6ab352][B]:clover: Be Green :clover: [/B][/COLOR][/SIZE][/FONT][/CENTER]
          [CENTER][B][FONT=Century Gothic][SIZE=5][COLOR=#6ab352]Environment is Us[/COLOR][/SIZE][/FONT][/B][/CENTER]
          [CENTER]:vctry:[/CENTER]

          Comment


          • #6
            معلش استحمل انا برضو زيك كدة اتلسعت 3 شهور بس الحمد خلصوا تقريبا الهر دة اوى الى فاتت انا رحت برضو بس بعيد عنك كدة سقطت فى اختبار الاشارات الاستفتاح يعنى المهم وانا رايح معايا واسطة لواء تقبل اوى بس كان لسة طالع على المعاش فى شهر 7 او مع اخر حركة المهم امين الشطرة ابن التيت مرديش ياخد فلوس عشان يمتحنلى زى ما بيعمل مع الناس كلها جة عندى وعمل محترم مع ان هو نفس الراجل اللى اصاحبى ادولة فلوس امتحنلهم استحمل استحمل
            [CENTER][COLOR=Blue][SIZE=4]مفيش توقيع
            عشان تتبسط :D
            [/SIZE][/COLOR][/CENTER]

            Comment


            • #7
              هو حضرتك كنت بتتعلم فى مدرسة قيادة السيارات التابعة للمرور ولا مدرسة خاصة؟؟؟؟
              [CENTER][URL]https://www.facebook.com/NMTechShop/[/URL] [/CENTER]

              Comment


              • #8
                انا اشكركم كثيير

                لكن والله يا جماعة انا موش زعلان عشان الرخصة

                فى ستين داهية العربية

                انا اركب اجدع تاكسى بفلوسى والحمد لله
                ولا الحوجة لاولاد الـ ؟؟؟؟ ولا بلاش

                انا زعلان
                موش عارف احنا رايحين فين
                احنا ليه بنعمل فى بعض كده

                كل الناس دى موش بنى آدمين زى اى بنى آدمين

                السائق ده موش بنى آدم وعنده بيت وعيال ... ليه بتعاملوا بالشكل المقرف ده

                الضابط اللى لسه معلق زى ما بيقولوا معلهش "تفتين" على كتفه ... ليه بتعامل مع الناس كده

                يعنى هما مفاهمينه ايه فى الكلية
                انه بنى آدم
                وباقى الناس ؟؟؟؟؟ ولا بلاش

                ايه الهرم المقلوب ده

                خلاص غصب عن الجميع
                هم علمونى الدرس غصب عنى
                علمونى الدرس اللى انا كنت رافض اتعلمه
                وبعد ما كنت بحب بلدى جدا .....
                موش عارف اقول ايه


                وكل الناس دى اللى معطله شغلها واكل عيشها وعمالة تضيع فى وقت من الساعة 9 الصبح لحد ما سعادة الباشا الكتكوت ... رحب الساحة وقرر بدء الإختبار ... وحسب مزاجة ورؤيته الفنية هههههههههههههههههههههههههههه

                انا خلاصة القول موش هاقول غير
                حسبنا الله ونعم الوكيل
                فى كل فاسد
                فى كل قذر
                فى كل واحد يتكبر على الناس
                فى كل واحد يطمع فى اللى فى ايد الناس

                لو الناس دى عارفه هما آخرتهم ايه
                لا اعتقد
                ما دام بيكون لسه فى اللفة فى الكلية "ويلاقى الشقة" مستنياه

                وغير بقاله اكثر من 20 سنة شغل اشغال شاقة مؤبدة ... وفى الآخر لا حياة لمن تنادى

                يمكن ما يدخلش دنيا كمان هههههههههههههههههههههههههه


                عارفين انا من الأول الناس الطيبة قالت ياعم سلك نفسك وخلص الرخصة وبعدين اتعلم

                هههههههههههههههههههههههههه

                عملت فيها ابو العريف

                قلت لاااااااااااااااااااااااااااا

                ازاى ... اخبط فى عربيات الناس هههههههههههههههههههههههههههههههههه
                ولا اعور اى حد ماشى فى الشارع ههههههههههههههههههههههههههههه
                لازم اتعلم كويس الاول
                وبعدين الرخصة دى هاتطلع إن شاء الله

                على فكرة انا صليت صلاة استخارة
                وحاسس بضيق فى صدرى من موضوع العربية ده والرخصة والاكثر الفساااااااااااااااد
                والعالم الزبالة ... اللى مالهومش لازمة فى الدنيا كلها
                وبيفتكروا نفسهم بنى آدمين

                وهما ولاااااااااااااااااااااااا حاجة

                هاقول ايه
                حسبنا الله ونعم الوكيل
                [sor1]https://s15.postimg.org/to3r0graj/Untitled7_jpg.jpg[/sor1]
                [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                Comment


                • #9
                  المشاركة الأصلية كتبت بواسطة husseinoo مشاهدة المشاركة
                  انا اشكركم كثيير

                  لكن والله يا جماعة انا موش زعلان عشان الرخصة

                  فى ستين داهية العربية

                  انا اركب اجدع تاكسى بفلوسى والحمد لله
                  ولا الحوجة لاولاد الـ ؟؟؟؟ ولا بلاش

                  انا زعلان
                  موش عارف احنا رايحين فين
                  احنا ليه بنعمل فى بعض كده

                  كل الناس دى موش بنى آدمين زى اى بنى آدمين

                  السائق ده موش بنى آدم وعنده بيت وعيال ... ليه بتعاملوا بالشكل المقرف ده

                  الضابط اللى لسه معلق زى ما بيقولوا معلهش "تفتين" على كتفه ... ليه بتعامل مع الناس كده

                  يعنى هما مفاهمينه ايه فى الكلية
                  انه بنى آدم
                  وباقى الناس ؟؟؟؟؟ ولا بلاش

                  ايه الهرم المقلوب ده

                  خلاص غصب عن الجميع
                  هم علمونى الدرس غصب عنى
                  علمونى الدرس اللى انا كنت رافض اتعلمه
                  وبعد ما كنت بحب بلدى جدا .....
                  موش عارف اقول ايه


                  وكل الناس دى اللى معطله شغلها واكل عيشها وعمالة تضيع فى وقت من الساعة 9 الصبح لحد ما سعادة الباشا الكتكوت ... رحب الساحة وقرر بدء الإختبار ... وحسب مزاجة ورؤيته الفنية هههههههههههههههههههههههههههه

                  انا خلاصة القول موش هاقول غير
                  حسبنا الله ونعم الوكيل
                  فى كل فاسد
                  فى كل قذر
                  فى كل واحد يتكبر على الناس
                  فى كل واحد يطمع فى اللى فى ايد الناس

                  لو الناس دى عارفه هما آخرتهم ايه
                  لا اعتقد
                  ما دام بيكون لسه فى اللفة فى الكلية "ويلاقى الشقة" مستنياه

                  وغير بقاله اكثر من 20 سنة شغل اشغال شاقة مؤبدة ... وفى الآخر لا حياة لمن تنادى

                  يمكن ما يدخلش دنيا كمان هههههههههههههههههههههههههه


                  عارفين انا من الأول الناس الطيبة قالت ياعم سلك نفسك وخلص الرخصة وبعدين اتعلم

                  هههههههههههههههههههههههههه

                  عملت فيها ابو العريف

                  قلت لاااااااااااااااااااااااااااا

                  ازاى ... اخبط فى عربيات الناس هههههههههههههههههههههههههههههههههه
                  ولا اعور اى حد ماشى فى الشارع ههههههههههههههههههههههههههههه
                  لازم اتعلم كويس الاول
                  وبعدين الرخصة دى هاتطلع إن شاء الله

                  على فكرة انا صليت صلاة استخارة
                  وحاسس بضيق فى صدرى من موضوع العربية ده والرخصة والاكثر الفساااااااااااااااد
                  والعالم الزبالة ... اللى مالهومش لازمة فى الدنيا كلها
                  وبيفتكروا نفسهم بنى آدمين

                  وهما ولاااااااااااااااااااااااا حاجة

                  هاقول ايه
                  حسبنا الله ونعم الوكيل
                  لما المنظومه كلها تبقى فاسده يبقى ماتتوقعش غير اللى احنا فيه

                  Comment


                  • #10
                    المشاركة الأصلية كتبت بواسطة baskota مشاهدة المشاركة
                    هو حضرتك كنت بتتعلم فى مدرسة قيادة السيارات التابعة للمرور ولا مدرسة خاصة؟؟؟؟
                    كنت بتعلم زى الكتاب ما بيقول
                    فى مدرسة قيادة تابعة للحى

                    وبشاهدتهم
                    انت كويس ومية مية

                    وفى اختبارتهم
                    ولا مرة لمست قمع

                    هههههههههههههههههههه
                    ربنا يهدى
                    [sor1]https://s15.postimg.org/to3r0graj/Untitled7_jpg.jpg[/sor1]
                    [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                    [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                    [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                    Comment


                    • #11
                      المشاركة الأصلية كتبت بواسطة lord_fouad مشاهدة المشاركة
                      ماتقلقش طول مانت مؤمن بالله
                      انت دلوقتي معاك رخصة من ربنا انك تدعي على اللي ظلمك و ربنا يستجيب فورا
                      و إذا سامحته هيبقى ثوابك اكبر
                      اما رخصة العربية دي ممكن تطلعها من غير فلوس لو ليك حد معرفة من الشرطة
                      بس اهم حاجة تحمد ربنا في السراء و الضراء
                      الحمد لله رب العالمين
                      الحمد لله رب العالمين

                      عشان ما يتحرقش دمى اكثر

                      موش هاقول غير الحمد لله رب العالمين

                      ام الاولاد خايفة على وبتقول لى : كفاية كده

                      بقول لها : خلاص سيبينى افش يمكن ارتاح شوية
                      اهى الناس بتتكلم معايا شوية وبتخفف على كتر خيرهم ... احسن ما يحصل لى حاجة ... ربنا يستر


                      يا رب بحق آذان المغرب ده
                      ولا بلاش

                      ربنا يسامح الجميع ويهدى الجميع ويسترها مع الجميع

                      موش عارف ازاى الواحد يحب الناس ... ويحب الخير لكل الناس

                      وفى الآخر يتصدم بناس بالشكل ده

                      انا تعبان بجد
                      تعبان قوى
                      [sor1]https://s15.postimg.org/to3r0graj/Untitled7_jpg.jpg[/sor1]
                      [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                      [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                      [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                      Comment


                      • #12
                        انا اقولك طلعت الرخصة ازاى
                        انا اتعلمت قرابة الشهرين وبقيت كويسة ورحت الامتحان بس ارتبكت جدا ووقعت قمع والعربية بطلت منى مرة
                        كان معايا اخويا اللى كان جايبلى الواسطة ومش ببلاش طبعا كان مظبط الرائد
                        المهم اللوا هو اللى كان واقف وقاللى ساقطة
                        انا زعلت جدا وتانى يوم اخويا قاللى هانروح تانى النهاردة
                        المهم رحت معاه ودخلت على الباشا اللوا على طول قام باصصلى كدة وقاللى انتى كنتى معانا امبارح قلتله ايوة
                        قام مطلع الطلب بتاعى وماشر عليه (نـــــــاجحة)
                        والرخصة طلعت فى ربع ساعة وانا قاعدة والله يدوب رحت على الشباك استلمتها وشكرا
                        ياريت حضرتك ماتزعلش
                        وارجو انك تكون فهمت ان الموضوع مش لحد الرائد وبس ده طلعت الفلوس بتتقسم عليهم من اصغر واحد لحد سيادة اللوا
                        [SIGPIC][/SIGPIC]

                        Comment


                        • #13
                          انا قلتها في مكان تاني في نفس المنتدى هات كرت لوسطة حلوة تاخد الرخصة في نفس اليوم زي تلت الى معاهم رخصة في مصر او تدفع رشوة زي التلت التاني او تتعلم صح وتصبر وفي الاخر ان شاء الله في الاخر هتخدها زي التلت التالت وعلى فكرة انا من التلت الاول !!
                          في قصة طريفة سمعتها وقعت احدثها في دولة عربية شقيقة واحد مصري شغال في شركة محترمة وتم ترقيتة وهيشتغل شغلانة تحتاج منه انه يركب عربية وطبعا طلبوا منه رخصة قيادة الباشا اتصل بأهله في مصر وطلعوله رخصة دوليه من مصر وبعتوها له الشركة شكت في الرخصة ازاي طلعها من مصر وهو في نفس التاريخ مخرجش من البلد !! فصدر قرار بعدم قبول اي رخصة تيجي من مصر وان الرخصة تكون من بلدهم بعد اجتياز الاختبارات عندهم
                          [mshosh2]http://www7.0zz0.com/2013/05/08/17/903528565.jpg[/mshosh2]

                          Comment


                          • #14
                            المشاركة الأصلية كتبت بواسطة ash_rsi مشاهدة المشاركة
                            ولا يهمك يامان كتير بتحصل دى وخصوصا انك عارف الفلوس اللى بتدفع علشان الرخص اطلع وطالما فى انسان متحكم
                            فى كل شئ اكيد هتلاقى اللى مزاجه زفت واللى مشطايق نفسه ويطلع همه فى الناس واللى ربنا اداله سلطه
                            يتحكم بيها فى الناس
                            المهم ماتزعلش نفسك والمره الجايه تاخدها وخيرها فى غيرها
                            والله انا ما زعلان من موضوع الرخصة

                            الرخصة لو عايز اطلعها من بكرة

                            كلكم عارفين ازاى هاتطلع

                            بفلوسك هاتطلعها ومن غير من تروح الاختبار كمان
                            وانت جالس فى البيت

                            لكن ليه

                            تعليم ... اتعلمت
                            تدريب اتدربت ما فيه الكفاية

                            ليه واحد زى ده ياخد "رزق عيالى" غصب عنى
                            ويا ريت مرة واحدة
                            لأ ده الطبيعى عنده ... عايش واعوذ بالله "سحت" من دم وقوت الناس

                            هو احسن منى فى ايه
                            انا بشتغل وهو بيشتغل

                            انا بحب شغلى واعمل شغلى مية مية والحمد لله على اد ما اقدر

                            هو بيعمل ايه
                            هو ينزل من بيته يتسلى على الناس

                            ويستمتع "بقرف الناس"

                            ازاى واحد يروح بيته وهو عارف ان معظم الناس بتقول من وراه "حسبنا الله ونعم الوكيل"

                            يمكن يكون موش عارف
                            يمكن يكون فاكر انه صح والباقى غلط

                            دى تبقى مصيبة

                            آه فيه ناس كثيير غلطت بصراحة
                            اللى داس على القمع
                            واللى آخد قمع فى حضنه هههههههههههههه
                            وللى العربية جريت منه

                            حقيقى ما يستهلوش بالمستوى ده انهم ياخدوا رخصة ولا بعد ثلاث سنين

                            لكن الظلم وحش قوى
                            وطعمه مر

                            نفسك تقول له فى وشه "حسبنا الله ونعم الوكيل"
                            وموش قادر

                            نفسك تقول له "اتقى الله يجعل لك مخرجا"
                            وموش قادر

                            الخوف والظلم ده وحش قوى قوى
                            [sor1]https://s15.postimg.org/to3r0graj/Untitled7_jpg.jpg[/sor1]
                            [URL="http://www.nilemotors.net/Nile/127724-a.html"]نصائح سائق جديد .. وخوفه قل شوية من موضوع السواقة[/URL]
                            [URL="http://tinyurl.com/jkc87mj"](حصريا ) سلسلة نصائح سائق جديد _ اول كتاب فى اساسيات القيادة الدفاعية [/URL]
                            [URL="http://tinyurl.com/M323E"]جروب اصدقاء وملاك مازدا 323 على الفيس بوك[/URL]

                            Comment


                            • #15
                              معلش خير بغيرها
                              [CENTER]soon 2011[/CENTER]
                              [CENTER][img3]http://img103.herosh.com/2010/03/17/929079106.jpg[/img3][/CENTER]
                              [CENTER]لا اله الا الله محمد رسول الله[/CENTER]
                              [CENTER][URL="http://www.nilemotors.net/Nile/148285-a.html#post3872639890"]مناقشه حول ثبات الاوبل[/URL] [/CENTER]
                              [CENTER][URL="http://www.nilemotors.net/Nile/155281-test-drive-opel-astra-2010-a.html#post3872734259"]Test Drive opel astra 2010[/URL][/CENTER]
                              [CENTER][URL="http://astra.opel.info/pt/astra-photography/photos-opel-astra-durability.html"]picuters 4 astra 2010[/URL][/CENTER]
                              [CENTER][URL="http://www.nilemotors.net/Nile/106417-a.html#post3872125574"]موضوع مهم خد بالك منه[/URL][/CENTER]

                              Comment

                              Working...
                              X