إعـــــــلان

Collapse

.

,
See more
See less

الواسطة وسوء الحظ

Collapse
X
 
  • Filter
  • الوقت
  • Show
Clear All
new posts

  • الواسطة وسوء الحظ

    السلام عليكم ورحمة الله وبركاتة
    الأخوة الكرام
    كنت محتاج اعمل رخصة ضرورى علشان اتجرأ واعرف اخرج بالعربية خارج منطقتى
    المهم أنا عندى 3 وسايط وكلهم قرايبى من الدرجة الاولى رئيس محكمة - عقيد - مخابرات
    المهم التلاته كلموا رئيس المرور وكلمنى قريبى وقاللى اروح يوم الثلاثاء اللى فات
    المهم رحت والظابط رئيس المرور عمل معايا الواجب وزياده وكان شايلنى من على الارض شيل ودخل معايا عسكرى فى امتحان الاشارات ونجحت وكله تمام
    العسكرى (الله يسامحه) قاللى تعالى امتحن سواقة الساعة 12.30 الظهر وكنا لسه بدرى قوى فروحت فطرت وظبطت نفسى ورجعت المرور لقيتهم خلصوا الامتحان اتصلت بقريبى وهزأنى طبعا وقاللى انت بتستهبل فى حد يسيب المرور ويمشى المهم كلم الظابط فقاله خليه يجى يوم الاربعاء
    المهم رحت اول امبارح عشان امتحن ولسوء الحظ مش الظابط اللى امتحنا انما المهندس بتاع المرور وطبعا مابقتش عارف اعمل ايه فواحد قاللى ياعم خش امتحن وخلاص
    فدخلت امتحنت فعلا مشيت لقدام لحد الاخر وعكيت طبعا وانا راجع فالمهندس قاللى بص انا مش هاسقطك اتدرب كويس وتعالى كمان اسبوع
    كلمت قريبى قلتله كان هايغمى عليه من اللى انا عملته وقاللى يابنى ادم انت امتحنت ليه اصلا كنت كلمنى وانا اخلى الظابط يخرجلك
    المهم مابقتش عارف اعمل ايه حاولت ادخل للظابط لحد مادخلتله بالعافيه فلقيت المهندس معاه فقال للمهندس على فكره ده تبع فلان بيه وفلان بيه وفلان بيه وسواقته على قده وماينفعش يجى كمان اسبوع فقاله خلاص خلاص خليه يجى يوم الاحد اللى هو بعد بكره 1/10/2010 الظابط قاله بس ظبطه عشان الناس ماتزعلش مننا
    المهم دلوقت انا مش عارف اعمل ايه
    اولا انا مكسوف اكلم قرايبى تانى بعد العك اللى عكيته ده
    ثانيا خايف يمتحنى تانى يوم الاحد لأنى برده هاسقط
    نفسى يقوللى روح اتصور من غير ما امتحن ونفسى اكلم قريبى اقوله يكلم الظابط تانى بس محرج جدا
    فياريت اللى عنده اقتراح او رأى يقوللى عليه الله يكرمكم
    ومعلش طولت عليكوا
    ابو احمد
    [COLOR=Blue]على عبد الفتاح[/COLOR]
    أبو أحمد

  • #2
    اللى هاقوله مش هيعجبك بس خوفا عليك

    بعد ما تعدى من الامتحان
    شوف حد يعلمك كويس
    لانك اما تسوق وانت مش متمكن
    اول واحد هيضر انت

    جزئية الامتحان
    انا شايف ان مفيهاش مشاكل والظابط كلم الناس
    كنت خدت رقمه ووانت هناك تكلمه يشوف مين بيمتحن ويكلمه


    A.Saad

    Comment


    • #3
      المشاركة الأصلية كتبت بواسطة a.saad مشاهدة المشاركة
      اللى هاقوله مش هيعجبك بس خوفا عليك

      بعد ما تعدى من الامتحان
      شوف حد يعلمك كويس
      لانك اما تسوق وانت مش متمكن
      اول واحد هيضر انت

      جزئية الامتحان
      انا شايف ان مفيهاش مشاكل والظابط كلم الناس
      كنت خدت رقمه ووانت هناك تكلمه يشوف مين بيمتحن ويكلمه


      لا يا باشا مش هازعل ولا حاجه
      انا فعلا خلصت الكورس بتاع السواقة فى مركز تعليم وبسوق كويس بدليل انى عديت الاقماع رايح من غير ما المس ولا قمع بس مشكلتى فى الرجوع للخلف بس
      موضوع ان انا اللى اكلم الظابط ده صعب شويه بس انا ممكن اخشله قبل الامتحان
      وربنا يستر
      [COLOR=Blue]على عبد الفتاح[/COLOR]
      أبو أحمد

      Comment


      • #4
        سواقة الزحمة بلاش تغامر فيها من اول مرة بس مش كل حاجة المدرسة هتعلمها
        لازم تعتمد على نفسك زى مانت بتعمل

        فى الركنه
        فى الرجوع

        انا كنت جايب كرتونتين سجاير فاضيين من عند تاجر جملة
        واحط جواهم قالب طوب
        واتعلم عليهم الركنة مع اللى كان بيعلمنى


        انزل هات الكراتين بتوع السجاير لانهم طوال او ماسورة بلاستيك سودا من عند الكهربائى وزجاجات بلاستيك فاضية زى بتاعت المياة املاها مية او رملة
        حط فيها الماسورة واتعلم
        وممكن تظبطها تبقى طول القمع او اطول شوية عندك النهاردة كله

        فى الامتحان
        وانت راجع
        نزل مرايا الجنب سنة علشان تشوف القمع
        A.Saad

        Comment


        • #5
          انا شايف ان حرام عليك اللى انت بتعمله ده ، وحضرتك ماتطلعش رخصة ولا تسوق فى الشارع إلا وانت متمكن من السواقة حرصاً على أرواح وممتلكات الناس اللى مش رخيصة ولا هينفعهم الواسطة بتاعت حضرتك ولا ظابط المرور لما تحصل مصيبة لا قدر الله ، لأن حضرتك أصلاً مش عارف تسوق كام متر قدام وورا عشان تنجح فى امتحان سواقة بسيط ، يبقا هتعمل إيه وسط الناس فى الشارع ؟ ويبقا بأى حق انت زعلان عشان مش عارف تطلع رخصة وانت لسة مستواك مش مؤهل انك تشيل رخصة
          يبقا الصح إنك تهتم إنك تتعلم كويس الأول قبل ما تهتم إنك تكلم فلان وعلان عشان ينجحوك من غير امتحان ولا معرفة بالقيادة من أساسه
          وعلى فكرة مش عيب يعنى ، ماحدش اتولد بيعرف يسوق ، بس عيب اوى انك عايز تطلعها غلط وزعلان انك مش عارف تطلعها غلط كمان وبتسمى ده سوء حظ ، ويمكن ده رحمة من ربنا بيك وبغيرك بدل ما تشيل رخصة وانت مابتسوقش وتطلع تعمل مصيبة لنفسك أو لغيرك
          وطبعا مابقتش عارف اعمل ايه فواحد قاللى ياعم خش امتحن وخلاص
          فدخلت امتحنت فعلا مشيت لقدام لحد الاخر وعكيت طبعا وانا راجع
          خايف يمتحنى تانى يوم الاحد لأنى برده هاسقط
          نفسى يقوللى روح اتصور من غير ما امتحن ونفسى اكلم قريبى اقوله يكلم الظابط تانى بس محرج جد

          Comment


          • #6
            من اخ ما تعتمدش على المرايات وانت راجع انت دير وشك

            Comment


            • #7
              المشاركة الأصلية كتبت بواسطة a.saad مشاهدة المشاركة
              سواقة الزحمة بلاش تغامر فيها من اول مرة بس مش كل حاجة المدرسة هتعلمها
              لازم تعتمد على نفسك زى مانت بتعمل

              فى الركنه
              فى الرجوع

              انا كنت جايب كرتونتين سجاير فاضيين من عند تاجر جملة
              واحط جواهم قالب طوب
              واتعلم عليهم الركنة مع اللى كان بيعلمنى


              انزل هات الكراتين بتوع السجاير لانهم طوال او ماسورة بلاستيك سودا من عند الكهربائى وزجاجات بلاستيك فاضية زى بتاعت المياة املاها مية او رملة
              حط فيها الماسورة واتعلم
              وممكن تظبطها تبقى طول القمع او اطول شوية عندك النهاردة كله

              فى الامتحان
              وانت راجع
              نزل مرايا الجنب سنة علشان تشوف القمع
              شكرا يا باشا على المعلومة
              وان شاء الله النهارده اروح المركز بتاع التعليم واخليهم يدربونى شويه على الامتحان بأقماع حقيقية
              [COLOR=Blue]على عبد الفتاح[/COLOR]
              أبو أحمد

              Comment


              • #8
                المشاركة الأصلية كتبت بواسطة sameh مشاهدة المشاركة
                انا شايف ان حرام عليك اللى انت بتعمله ده ، وحضرتك ماتطلعش رخصة ولا تسوق فى الشارع إلا وانت متمكن من السواقة حرصاً على أرواح وممتلكات الناس اللى مش رخيصة ولا هينفعهم الواسطة بتاعت حضرتك ولا ظابط المرور لما تحصل مصيبة لا قدر الله ، لأن حضرتك أصلاً مش عارف تسوق كام متر قدام وورا عشان تنجح فى امتحان سواقة بسيط ، يبقا هتعمل إيه وسط الناس فى الشارع ؟ ويبقا بأى حق انت زعلان عشان مش عارف تطلع رخصة وانت لسة مستواك مش مؤهل انك تشيل رخصة
                يبقا الصح إنك تهتم إنك تتعلم كويس الأول قبل ما تهتم إنك تكلم فلان وعلان عشان ينجحوك من غير امتحان ولا معرفة بالقيادة من أساسه
                وعلى فكرة مش عيب يعنى ، ماحدش اتولد بيعرف يسوق ، بس عيب اوى انك عايز تطلعها غلط وزعلان انك مش عارف تطلعها غلط كمان وبتسمى ده سوء حظ ، ويمكن ده رحمة من ربنا بيك وبغيرك بدل ما تشيل رخصة وانت مابتسوقش وتطلع تعمل مصيبة لنفسك أو لغيرك
                بصراحة مش لاقى تعليق
                [COLOR=Blue]على عبد الفتاح[/COLOR]
                أبو أحمد

                Comment


                • #9
                  المشاركة الأصلية كتبت بواسطة harmhanz مشاهدة المشاركة
                  من اخ ما تعتمدش على المرايات وانت راجع انت دير وشك
                  ده اللى حاولت اعمله والله يا باشا
                  بس ما كانش فى نصيب
                  [COLOR=Blue]على عبد الفتاح[/COLOR]
                  أبو أحمد

                  Comment


                  • #10
                    ربنا يسهل وماتحتاجش مساعدة من حد وبكرة نشوفك عامل موضوع على نايل موتورز العربية مش بتجيب أكتر من 190 ليه :)

                    Comment


                    • #11
                      المشاركة الأصلية كتبت بواسطة Sameh مشاهدة المشاركة
                      ربنا يسهل وماتحتاجش مساعدة من حد وبكرة نشوفك عامل موضوع على نايل موتورز العربية مش بتجيب أكتر من 190 ليه :)
                      [COLOR=Blue]على عبد الفتاح[/COLOR]
                      أبو أحمد

                      Comment


                      • #12
                        يارب تكون نجحت فى الإمتحان , وماتسوقش خاالص الا لما تحس انك بقيت متمكن

                        Comment


                        • #13
                          المشاركة الأصلية كتبت بواسطة د.محمود صلاح مشاهدة المشاركة
                          يارب تكون نجحت فى الإمتحان , وماتسوقش خاالص الا لما تحس انك بقيت متمكن
                          الحمد لله
                          سقطت
                          بس الراجل طلع كريم معايا وقاللى مش هاكتبلك حاجه على ظهر الاورنيك ولما تلاقى نفسك تقدر تسوق كويس كمان يومين اسبوع شهر براحتك انت ناجح اشارات وفاضلك السواقه ومقدرش اطلعلك الرخصة الا لما احس انك بتعرف تسوق كويس لأن دى مسئولية
                          وطبعا انا محترم رأيه جدا ومش زعلان والله
                          انا كنت ممكن ازعل بجد لو كان نجحنى (والله ده احساسى فعلا مش ببالغ ولا عشان سقطت)
                          [COLOR=Blue]على عبد الفتاح[/COLOR]
                          أبو أحمد

                          Comment


                          • #14
                            انت تمام كدة

                            Comment


                            • #15
                              انا الحمد لله نجحت فى امتحان رخصة القيادة شهر نوفمبر اللى فات من غير واسطة ومن غير حلاوة او اى اكراميات , ومن اول مرة

                              امتحنت فى مرور السلام ( اجارك الله ) , بس الحمد لله ربنا كرمنى

                              الأمتحان النظرى كان مجرد اسئلة عن اشارات المرور المختلفة ( مفيش كومبيوتر )

                              الأمتحان العملى كان حرف ( C ) , مرة للامام وبعد كده بالمارشيدير ومرة تانية للامام علشان تطلع من الأقماع ( كانت الأرض غير مستوية فمعرفتش امشى على السلانسيه , فرحت ماشى على الأول و خنقت جامد على الدبرياج عشان مالبسش فى الأقماع )

                              بص هو من ناحية الكوسة موجودة طبعا مفيش كلام , بس اللى لازم ائكدهولاك ان مفيش حاجة اسمها هيسقطوك , لو جاوبت على النظرى صح وملبستش فى قمع ان شاء الله وباذن الله هتنجح من اول مرة

                              Comment

                              Working...
                              X